التفرقه ما بيننا مالها دور=حنا هل التوحيد شعب او حكومه
حنا أسرةٍ وحده على خير دستور=أخوان وايضا أخوال وابناء عمومه
حنا حماة الأرض والعرض مستور=من لامنا في حبها الله يلومه
الرجل لاجا الجد ماهو بمعذور=يستشهد ودمه يطيَب هدومه
حنا السعوديين والشر مدحور=الكل منا ماتوانا عزومه
في ظل راية حاكماً يحكم الشور=يأمرنا ابو متعب ونقضي لزومه
يادارنا حنا لك أجسادنا سور=والعبد ماهو ميتٍ قبل يومه
يادارنا ماهمنا كل ثرثور=ساكن خرابه وهو لاشك بومه
حنا إمتداد أجدادنا فعل مخبور=كانت لهم قومه ماهي بأي قومه
الأمن عم أرجا الوطن بدو وحضور=من حين جا للصقر بالجو حومه
صقر الجزيره جعله بجنة الحور=شجاعته فذَه ونفسه رحومه
ولا صار من حكامنا بعده اقصور=عن كل نقص معزَزه وامحشومه
والعلم نور ودارنا مهبط النور=والخير عم وياعسى الله يدومه
والتفرقه مابيننا مالها دور=حنا هل التوحيد شعب او حكومه

المشاركة الأصلية كتبت بواسطة عناد الشيباني (المشاركة 1167905) صح بدنك مبدع دووم لاهنت

المشاركة الأصلية كتبت بواسطة نواف الشيباني (المشاركة 1167913) ياسلاااام صح الساااانك مليوووون تحياتي

في ظل راية حاكماً يحكم الشور
يأمرنا ابو متعب ونقضي لزومه


في ظل راية حاكماً يحكم الشور
يأمر ابو متعب ونقضي لزومه


صح الساااااااانك ياوصل

تقبل مروري وفائق احترامي

تحياتي