الهيـــــــــــــلا *** منتدى قبيلة عتيبة

انا لامن ذكرت اول غرامي واخر احبابي

عرفت اني توسمت الشمال وشيمة المرقى

حبيبي لاتنوى بك حنين طرقة بابي

تذكرني وانا بين القصيد وروحي الحرقى

حبيبي والليال اللي مضن لك حضنها اهدابي

لياهلت عبايرها بكت من محلها الورقى

ولاياغلى من اللي لويغيب احس بغيابي

ولا ياعذب من اللي صبته من كاسها الزرقى

تعبت من الوله والحسره اللي تدرج نابي

تعبت ارقى على رجم الهجوس ولاقدرت ارقى

وانا لوهي على ضيم الزمن ماثنى عتابي

ليا مني قبست بعزوتي ياروق يابرقا

عطوني من بياض الصفحه اللي طيب انسابي

مهيب هروج من سج الكلام بصفحة طرقى

دخيل اعيونك الحلوه هدبها واخر اعجابي

دخيل اخر حروف في سواد المحبره غرقى

علامك يوم غررت بخفوقي يااول احبابي

ورى من قبلها ماقلت له عن لوعة الفرقى

للشاعر/ خالد بن محمد الدعجاني العتيبي