|
أدخل وأكتب لنا أطرف موقف مر عليك
بسم الله الرحمن الرحيم
السلام عليكم ورحمة الله وبركاته وش لونكم يا لربع طيبين من المعروف ان المرء في هذه الحياه يصادفه مواقف كثيره وأحيانا تكون محرجه وأحيانا تكون جادهوأخرى مضحكه لكن في مواقف غير.. يصير فيها شي لايذهب من الذاكره ويزال عالقا بها الى فترات طويله من العمر.. اللي ابيه منكم ان كل واد يذكر لنا موقف طريف مر عليه وأنا ببدأ بسم الله. ايام الثانويه وما ادراك ما ايام الثانويه كنت كثير التفريك من المدرسه. (تفريك) اي هروب من المدرسه وقت الدوام الرسمي إما بنقز سور اوخروج لحظة غياب الفراش مع الباب بسرعه(طبعا بعد ما يحضرك العريف وبعد ماتكون مضبط وضعك في التحضير. المهم/ فركت انا وخويي سيف العتيبي الله يذكره بالخير بعد الفسحه الاولى(ماعندهم وقت) وطلعنا مع الباب ^^^^^^الحمد لله الحين ارتحنا^^^ومحدشافنا ههههههه ومشينا من ورا المدرسه الا وهذاك المدير طابن علينا توه جاي من برا المدرسه مدري من وين جاي الا عيننا في عينه هلا هلا مفركين. شغلكم عندي. يالله قدامي للمدرسه. وفرش في الصلاه. وتوقيف وتعهد. ويالله سترك هالك اليوم . هذا اعتقد انه اطرف موقف صارلي والمواقف كثيره لكن هذا اهمها واللي بيذكر موقفين اواكثر لاحرج. ردودكم تهمني.. |
انا ابا اخذ السيارة من الوالد ابا اروح افرفر فيها بعد المغرب قلت له عندنا حفل في المدرسة وابا السيارة اروح فيها قال خذها لكن الله العالم انه شك في كلامي انا اخذت السيارة واخذت ولد خالي وهات يافرفرة الى الساعة 10 وهو خلاني اروح من هنا وهو اخذ السيارة الثانية وراح للمدرسة يوم وصل المدرسة ماشاف لا نور ولاناس ولاشي طبعاً رجع البيت وانتظر الى ان وصلت وسألني كيف الحفل حقكم ؟؟؟ قلت :والله شي قال: من جد ٌقلت:ايه والله ليه وبعدها عينك ماتشوف الا النور انتهى الموقف |
قبل يومين وانا طالعا من المدرسه الااحد اولى الامور ينتضر ولده امام المدرسه وكان سادحا المرتبه ونائم ومغطي وجه عتقت انة احد الاصدق وصحيته ويوم كشف عن وجهه لماعرفه طبعا سلمت عليه قلت الاولاد طلعوا قال لا باقي ربع ساعه الاقلي وش عندك قلت سلامتك ومشيت ارجل شك في امرى
|
وعليكم السلام يامدير فهد
المواقف كثيررر ولكن أغرب موقف طريف ومحرج في نفس الوقت كنت ابحث عن وظيفة <<< مسيكين وقتها المهم كان عندي موعد في اليوم الفلاني الشهر الفلاني المهم أخذت من الوالد (المصاري) القروش يعني أو الدراهم المهم وأنا اتلفت يمين يسار وأنا اشغل الموتر عقب المغرب ديرتي بعيد عن الرياض متجه للرياض الموعد بكره مقابلة شخصية http://forum.ma3ali.net/images/smilies/as1.gif جيت الرياض <<< ماخلى كتاب ماتصفحه يزود ثقافته للمقابلة الشخصية ,, اصبح الصبح رسمت وطقيت هذيك الشخصية وبسم الله وعليهم <<< وخرو عن درب الرجال ويوم دخلت أسلم ادور اسأل قالوا وش عندك أنتhttp://forum.ma3ali.net/images/smilies/as1.gif قلت جاي أختبر مقابلة شخصية قال متى موعدك قلت الثلاثاء اليوم قال صح النوم موعدك الثلاثاء الأسبوع الماضيhttp://forum.ma3ali.net/images/icons/icon17.gif قلت تصدق أنا عارف بس اختبركم ههههههههههه واحد يصرف الموقف الثاني مرة نسخن في الملعب عندنا تمرين أنا ومعي اربعة اشخاص صار جدال بين اثنين وتقبع بينهم ويروح واحد مقرود وياخذ الليور من السيارة المهم أنا عاد ذيب وأجي بينهم ((فراع)) عدل بدل شل ابوك حط ابوك قبععع وماصحيت ألا في المستوصفhttp://forum.ma3ali.net/images/icons/icon17.gif وسلامتكم وصدقوني معرض للمواقف منذو مبطي. |
مشكور على المرور
|
| الساعة الآن »04:06 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd