الشعر فتل ونقض ماهو حكايات
 

من الارشيف



بسم الله ابدا وابتدي في البدايات .........الواحد اللي كلنا في ظلاله

سبحانه المعبود رب السموات ............المعتلي بالعرش جلَ جلاله

اللي خلق خلقه لكل العبادات ...........وارسل رسولٍ منبر الكفر زاله

ومن بعد ذكر الله تبا تزين الابيات ........والقاف لــن مازان جبنا بـــداله

على النقا مااحسب حساب المسافات ....من شاعرٍشعره ماتقصر حباله

اقول واكتب واتنقى الجزيلات ...........والشعر لــــه وقفه وهـــذا مجاله

الشعر فتل ونقض ماهو حكايات .....مرسول بين الناس يوصل رساله

الا فابو متعب زبون المروات ...........رجل الكــرم والمعرفه والشكاله

العاهل اللي جاهزٍ للمهمات ............ الحـــاكم اللي حـــاكـــمٍ بالعداله

خادم بيوت الله في كل الاوقات .......حامي حمى داره من اهل الظلاله

ومطبّق الدستور والشرع باثبات ..........دستوره القرآن والحق قاله

له سيرةٍ تشهد عليها الديانات ............. وله كلمة تغلب على كل قاله

وله وقفةٍ ماتنحفظ بالملفات ..............لاقام ابو متعب وميّل عقاله

والمملكه تنعم بخير ومسرات ..........في ظل ابو متعب وحنى رجاله

مافيه واحد يشتكي من مضرات ............خيره كثير وجمّل الله حاله

شكرا يابو متعب على هالزيادات .......ماهو غريبٍ منك فعل الجزاله

رفعت شعبك فوق فوق المنيفات ..........كريم سبلى وافياتٍ خصاله

ونعاهدك عهدٍ ولا فيه شكات .........واللي يخون العهد مابه رجاله

نبقى حزامك فالامور الصعيبات .....مايرتخي والموت قدمك فدى له

عشرين بيت وكملت بالتحيات .......العاهل اللي لا بدى القول طاله

صح لسانك

والقصيده عاديه وفيها بعض الملاحظات واترك المجال لأخواننا ولي عوده أيضا لذكرها

صح لسانك ياذعيّر على هالولاء والوفاء ،، الغير مستغرب من شرواك

تحيتي لك

دمت بخير

:
:
:



صح لسانك ياذعير على القصيدة الطيبة

وعلى الاستهلال الجميل ..

قديمك جزل وانت جزل.
:
:
:

صح لسانكــ مليوووووون

صح لسانك ياذعير