الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   قصائد الأعضاء (http://www.otaibah.net/m/forumdisplay.php?f=10)
-   -   عتبان والتاريخ محدن مخفيه (http://www.otaibah.net/m/showthread.php?t=110866)

فرحان النومسى 17-Jun-2010 02:51 PM

عتبان والتاريخ محدن مخفيه
 
قلت هذه القصيده بزميلي العميد الطيار الركن عقاب ابن سميح العتيبي




الشعرزان وهيضتني معانيه=واسترسلت نفسي بحسن المعاني
كتبت شعري والمثل نفتخر فيه=امدح عريب الجد مدح بياني
والشعرطيب كان طابت معانيه=وعساك يافكري تصوغ السماني
ياعقاب فيك الشعرتفخر مباديه=يالنادر اللي صاحبه مايهاني
يانسل قوم طيبهم مجد ماضيه=يفخرله الحاضر ولاهي بماني
من ربعة للحق تعرف مباديه=دلابحه تشدى سهيل اليماني
وان صاح باعلى الصوت تسمع عزاويه=يجون فوق مكضمات العناني
يجون فوق السرج من غير تمويه=يشفون صدر اللي حداه الزماني
ماقول قول الامثبت معانيه=وقول بلافعل ترى مايباني
عتبان والتاريخ محدن مخفيه=ولاهم بحاجة مدح قاصي وداني
تاريخهم مهماتكلمت محصيه=محصيه لونكتب كثير المعاني
لاشك قصدي طيب ياريف ناصيه= والقلب ترجم لك غلاه اللساني
راع الوفاء لو غاب ماني بناسيه=يبقى مكانه في عزيز المكاني
والله يجيرك عن مصايب بلاويه=ويجزاك عن فعلك جزيل الحساني
وصلاة ربي عد ماحل طاريه=عد النفود وعدمالحق باني
وعداد ماهل المطر من مناشيه=على الرسول اللي بفعله هداني


الشاعر فرحان النومسي






رد علي ابن عمه الشاعر منيف مطلق الدلبحي




يامرحبا بالخط والله يحييه=فرحت بالمكتوب ساعة لفاني
اقدر المكتوب من قدر راعيه=قرم يحب الطيب ماهو هداني
من ساس وايل منسب يفتخر فيه=منزحين الضد ريف العواني
المدح لاهل الطيب فرحان مهديه=مهديه للنادر عريب المجاني
وعقاب راع المدح والمدح يكسيه=وعد الرواء ترد عليه السواني
لاشك ابي اشكر راع الخط واجزيه=وللي نصى حفيد جدي نصاني
يالنومسي فعل الوفاء مانخليه=والطيب في شرواك ذخر وضماني
وللي نصانا مانخيب هقاويه=نجود بالميسور والعمر فاني
درب لنا من عصر الاجداد نمشيه=رؤس العلا ونكب درب الطماني
والشهم لاسمع النداء قال لبيه= ويرسي كما ترسي سطول المواني
ورجل تقصر في المراجل مشاحيه=الي مات ماينفعك لو هو جناني
والي يحسب الطيبة والمشاريه=يشارله يانومسي بالبناني
هذا ولك مني تحيه بتاليه=اعداد من صلى وصام رمضاني

مرزوق حمدان العتيبي 17-Jun-2010 03:17 PM

..

صح لسانك يافرحان
انت كفو والممدوح يستاهل..

وصح لسان منيف الدلبحي جمل ووفّى في ماقفه.

..

ابو عبد الإله 18-Jun-2010 11:23 AM

بسم الله الرحمن الرحيم

صح لسانك ياالنومسي و انت تستاهل والدلبحي يستاهل وصح لسان الشاعر فهد والله لايهينكم

معلا إبراهيم الأسعدي 18-Jun-2010 11:44 AM

صح الله السنتكم جميع على القصيد الجزل والحق يقال إن الرد كايف




يعطيكم العافيه

فهد علي العازمي 18-Jun-2010 01:53 PM

صح لساااااانك يا صبي وايل
ولاهي غريبة عليكم فعل الجميلة

وصح لسانك الدلبحي

ابو ضيف الله 18-Jun-2010 02:07 PM



صح لسانك يا النومسي والنعم بحالك يالقرم

وصح لسان الشاعر منيف مطلق الدلبحي

فيصل المسعودي 18-Jun-2010 06:40 PM

حياك الله يا النومسي بين إخوانك

وصح الله لسانك وبيض الله وجهك

وصح الله لسان منيف على رده الوافي

لا هنت يا الغالي

تحياتي

عبدالله الفهد الاسعدي 18-Jun-2010 07:47 PM

صح لسانك يالنومسي

وصح لسان منيف


ابيات رائعه وفقكم الله

فرحان النومسى 19-Jun-2010 04:12 PM

الاخ القدير حمدان اشكرك جزيل الشكر على المرور والتعليق الجميل

فرحان النومسى 23-Jun-2010 10:27 PM

بسم الله الرحمن الرحيم

صح لسانك ياالنومسي و انت تستاهل والدلبحي يستاهل وصح لسان الشاعر فهد والله لايهينكم





ابو عبد الاله اشكرك شكرا جزيل واتمنى ان كل ماكتبته يحوز على رضاكم


الساعة الآن »11:15 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd