يامزن من برقك جرالـي بهاذيـل=برقك سباء روحـي وزود عناهـا
يامزن برقك عذب القلـب بالحيـل=ضاقت علي ارض القصيم وفضاها
برقك جنوب وهاضني باول الليـل=على الديار الـي ذبحنـي غلاهـا
يجذبني الغربي وشـوف المخاييـل=وعيني تحرق جفنهـا مـن بكاهـا
البرق لعيونـي عـذاب وغرابيـل=لاهـل وبلـه هلـت العيـن ماهـا
يسريبي الهاجس وجـر المواويـل=مع البروق الـي تكاشـف سناهـا
ذكرتنـي يابـرق دار الحلاحـيـل=برقـا وروق الـي يـذري ذراهـا
مامثلهم في نجـد ذباحـت الحيـل=مثل النجوم الـي بعالـي سماهـا
بيوتهم تعرف كما الجـدي وسهيـل=ياسعد من ضاقت عليـه ونصاهـا
سلام ياديرة جدودي اهـل الخيـل=الي نهار الكـون يعـرف حداهـا
سلام من العارض الى وادي السيل=اعـداد ذرات الرمـال وهـواهـا
وسلام يـادار الرجـال المشاكيـل=الي لهم موطـن ويعـرف حماهـا
يوم القبايل بيـن نـزل ومحاويـل=عن حدها بالسيـف تقهـر عداهـا
قفيت عن داري ودمعـي هماليـل=حسبي على ضروف الزمان وشقاها