الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعراء قبيلة عتيبة (http://www.otaibah.net/m/forumdisplay.php?f=46)
-   -   قصائد قديمه جداً لفحل من فحول الشعراء في عصره (http://www.otaibah.net/m/showthread.php?t=72895)

فهااد 20-Jun-2008 03:20 PM

قصائد قديمه جداً لفحل من فحول الشعراء في عصره
 
أخواني اعضاء وزوار منتدى الهيلا الكرام

السلام عليكم ورحمة الله وبركاته

أقدم لكم مجموعة قصائد للشاعر الكبير / عوده بن رده الشرطي الثبيتي

رحمه الله وهو من خامس الشروط من اللصه من الثبته .

وقد عاش في الفترة مابين عام 1280هـ الي عام 1340هـ

( هذا حسب ما أرجحه انا ) من خلال الاحداث التي اشار اليها في

بعض قصائده ..............

و قدتميز شعره بالقوه والجزاله وقد طرق هذا الشاعر العلم

اغلب أغراض الشعر واجاد فيها وخاصةً قصائده الحماسيه

التي يتضح من خلالها قوة اعتزازه وفخره بقبيلته

وهم أهل لذلك ولا شك .....

يقول عوده الشرطي في قصيده غزليه :


اليوم آطا الشوك ماكني آطاه = وامشي وانا كن السحايب دموعي
من بعد لامى ابالثمان المجلاه = اللي نهب قلبي من اقصى ضلوعي
واعيني اللي نـــومها ماتهناه = من يوم شافت عشقها طـار شوعي
يامن كماالمحمل والالباس تزهاه = واليا مشى صـكت عليه الـجموعي
وان انزلوا خوف القواويس تحماه = ولا هو بصـيد الـلي قلـيل البتـوعي
والله لالا الـخوف من رب يدراه = لـــــــنوع له مثل البعير النزوعي
اللي ليا شاف البوادي ومرعاه = ينشـــــطه لوكان قـــبله قـــنوعي


هذه قصيده للشاعر عوده الشرطي الثبيتي رحمة الله عليه عندما ناوله

احد اخوياه فنجال القهوه وقال له ســـــــــــــــــم /

قال:

سلمت يمينك يامسويلي الكيف = وانا ليا ماخذت كيف كفــــــــاني
وانا مضرالي بشغـــــل وتكليف = اربع من الكيف الحلو عن ثماني
شفي ليا ضلا النجر له غطاريــف= في ربعه ينشط لها كـــــل واني
بالصبح ولا مع عصار التراهيف= في محضر لهل الفكــر والمعاني
ما حافها خطو الرخوم العضاليف = الا يقــــــع ضفرن بشغله شفاني
والدله الطبخا وماها بتشفيــــف= تشفيف هين يغدي اللون حـــاني
خاني دلال من عيون مراديـــف= رديف ريش مجليات الثـــــــــماني
وانته لبيب وعارفن واجب الضيف= صحنن رزين ومن خيار السمــاني


وهذه غزليه رائعه ايضاً :

يقوله الي بدى في راس مضياح= في قرنة ماحدت مكه يمينا
واخيل عذب اللما بالهرج مزاح= على البهايق وحنا واردينا
ابو خزام عباله في منه داح= واليا تبسم يضليله دنينا
والله لالا حكايا كل دماح= لاغدي دريويش وبل المستحينا
واقول ياهل العطايا مرزقي باح= وارجى العطايا تجي في كل حينا
واقيم في حله اهله سبعه اصباح= واعاينه لين غراته تبينا
واسري بسيدي ليا من القمر طاح= وازبنه من ورا الطايف يمينا
سمي سيدي نهار الحرب ذباح = مايافر القوم ضاري بالفتينا
بيحت باسمه وهو فالصدر ماباح = وابين من الشمس للقلب الفطينا


هذه قصيده للشاعر عوده الشرطي الثبيتي في مدح آلاد ثابت ( الثبته ) :

يانديبي فوق حر مايبا الراكب يسوقه= من ركاب اهل الحسا مدري ركاب اهل الشمالي
يوم يبديلك قمر عشرين مع طلعه شفوقه= وانت سارح من طرف شوقب بعد قهوه وفــــالي
وطها درب الفراع وزل مـــاها لاتذوقه= لين ماتشرب يقع من مــــــا على جــــــم زلالي
ثم خصه عزوتي كم وادي ترعى شفوقه= مركز الطــــــالات والعلم الجميل اول وتــــــالي
نزلهم تلقاه من قاعه قضين اليا وسوقه= ينطــــــحونك بالفـــــراش وبالصفــــاط وبالدلالي
والسمين اللي صحنها كن ثوب الشاش فوقه=ما توانو في وجوب الضيف يوم الســــعر غا لي
كم صبي فا اللقى حنا تسابيبه وعـــــوقه= نفتله فــتل الحــديــد وننقضه نقض الحبالــــي
ودي اوصيك ياعواض بالهرج ونطوقه= تنقده نـــقد الذهــــــب قدام تنقدك الرجـــــــالي
المره لا تطّلع في سدك الخـــافي تبوقه= ما عليها منك وهي اعن الفضيحه ما تسالي
لعنبوا من يامن الانثى نضرها من عشوقه= صبح تمرح لك صبى الليل تمــرح لك عوالي


ايضاًقصيده غزليه :
لاقيل مـن رد المثايـل وغنـى =غنى بقاف فيـه زيـن المعانـي
اول هنـا هنّيـت للـي تهـنـى =شرب الهنا من كف صافي الثماني
ابـو شفيّـات بالبسـم هرجـنـا =منهم سبب قلبي ومنهـم هوانـي
والموت يـوم العيـون اطرقنـا =ايضا بسهم الود سيـدي رمانـي
شكل الهوى ورد وعطـر وحنـا =والمسك والعنبر وخضب البنانـي
واونس عظامي بعدهـن سرقلنـا =واونس حميم الموت والموت جاني


اتمنى ان تنال اعجابكم

علماً ان بعض هذه القصائد نقلتها من ابن منيع الله

احد احفاد الشاعر بتصرف مني وتقبلوا فائق الاحترام والتقدير

ضاامي وفااا 20-Jun-2008 06:20 PM

مشكوررر ااخووووي على الموضوع الرائع وتقبل مروري

الامير حريبيش 20-Jun-2008 07:35 PM

فهاد
موضوع ممتاز لاهنت علي نقله ولاشك ان شعر بادية اهل الحجاز وخصوصاً شعر عتيبه من اجود الشعر في الجزيره من ناحية السبك والموسيقى الشعريه وقوة الابيات كيف لا وهي البيئه التي اخرجت بديوي الوقداني متنبي العرب في العصر الاخير واخرجت مخلد القثامي وعفين الذويبي وعوده الشرطي وابن رجا الجعيد وحصين الجعيد و حسن الحمياني وغيرهم
تقبل فائق تحياتي

عتيب بن شباب 20-Jun-2008 07:37 PM

فهاد
مشكور علي الموضوع الرائع تقبل مروري

ابن كشيم 20-Jun-2008 07:57 PM

مشكور على القصائد الرائعه

فهااد 13-Jul-2008 11:13 PM

ظامي وفا
والامير حريبيش
عتيب بن شباب
ابن كشيم


سعدنا بمروركم

فهد النفيعي 13-Jul-2008 11:55 PM

صح لسان الشاعر ولاهنت على النقل...

سعد بن مطلق المقاطي 09-Nov-2008 11:47 AM

صح لسان الشاعر ولاهنت على النقل

ابو ضيف الله 09-Nov-2008 11:57 AM

فهاد صح لسانك وبيض الله وجهك على هذه القصائد الجزلة
ورحم الله الشاعر عودة الشرطي رحمة واسعة وادخله فسيح جناته

بجاد علي 13-Nov-2008 03:28 AM

صح لسانك

وبارك الله فيك على النقل

ورحم الله الشاعر عودة الشرطي


الساعة الآن »01:46 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd