ابن الذيب
 

هذه قصة قصيده اخذت النصيب من الشهره والانتشار مع الناس
وهي للشاعر راشد بن حسن العجمي اللملقب بابن الذيب
ومناسبة القصيده كان الشاعر راشد سواق في ارامكو السعوديه
وكان يصادف في طريقه بعض العابرين للطريق على الاقدام وكان يحملهم
معه لكسب الجميل ولايرضى ان ياخذ منهم اجره


القصيده اثارت الجدل واختلف عليها كثيرآ من الناس في الروايه
فمن عنده اي معلومات عنها فليضيفه مشكورآ
[poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
قالها ابن الذيب من هاجوس باله=كلمتآ يلعبها والبال زيني
قالها يومه طراله ماطراله=من هواجيسه تشيب المرضعيني
غرني بعض الرجال بكثر ماله=مادرى ان الموت في حبل الوتيني
كيف ينفعني وبعض الناس خاله=مايدوم البيت دام الساس طيني
ماش وين اللي عوايده الشكاله=مثل ابن ظافر حمد ليته يجيني
الثنا والجود دايم في خياله=علمه ظافر سلوم الطيبيني
جود العليا ولزمها عياله=وادركو من عملته دنيا وديني
واهني من باع حظه واشتراله=سار في درب النبي واخزى اللعيني
موقفه ماكل رجالآ يناله=ومن بغا ممشاه يقعد مرتيني
وكم ذبح من حايلآ من حر ماله=وعادته لطمة خشوم العايليني
حالفآ ماخذ على الرجلي رياله=بالثلاث محرم انه ماتجيني
لالقيت اللي على السكه لحاله=يلتفت ويقول وين المستحيني
أوقف الموتر حيى وأبغى الجماله=يوم ولد اللاش وجهه مايليني
والطمع في كروت الرجلي رذاله=خص به وان جا مجال الغانميني
والردي في حالتآ مهيب حاله=ياعوينه من كلام الطيبيني
الولد وان طاب قالو من خواله=بالخوال يسال قبل الوالديني
واركبه لعيون من زين دلاله=ما تحا كو في قفاه الرامسيني
مابغى غيري وانا مبغى بداله=قاعدآ لي بالرجا مدة سنيني
ماقعدنا فالعمل نبغى الرزاله=ناخذ العليا طريق الفايزيني
واشرب الفنجال وخلي البياله=تابعآ سلمي لسلم الاوليني
[/poet]

خالد العصيمي
شكراً على هذه المشاركة.. والقصيدة نسقتها لتسهل قرائتها

لا هنت على هذة المشاركة
و صح لسان شاعرها

لاهنت يابن محمد على التنسيق الجميل
مشكور كل الشكر انت وجميع الشباب
في منتدى الهيلا

لا هنت ياخالد على هذه المشاركة


وصح لسان قايلها .

لا هنت على القصه والقصيد وتقبل مروري

مع تحيات زيــاد الهضيباني