الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   معارك وبطولات (http://www.otaibah.net/m/forumdisplay.php?f=5)
-   -   تركي ابن حميد يستفزع بأهل الغلبا (http://www.otaibah.net/m/showthread.php?t=33552)

الاد العسيلي 11-Feb-2007 03:33 AM

تركي ابن حميد يستفزع بأهل الغلبا
 
الشيخ تركي بن حميد من شيوخ قبيلة عتيبه ووهو فارس معروف وقد جاءت قصته هذه في معجم شعراء عتيبه للأستاذ محمد دخيل العصيمي وفي سلسلة الراوي منديل الفهيد وفي قصه وأبيات للأستاذ إبراهيم اليوسف وكما أكدها رواة سبيع جميعاً وهي أنه في أحد السنوات نزل الشيخ تركي بن حميد إلى نجد وهي محمية من قبيلة قحطان بزعامة شيخهم المعروف محمد بن هادي ابن قرمله الذي رفض السماح لتركي بن حميد بالنزول إلى نجد ومرابعها وطلب منه الخروج أولاً ثم طلب الأذن بالنزول مرة أخرى فقد يسمح له أو يرفض طلبه فاحتار الشيخ تركي بن حميد بعد أن تفرقت من حوله عتيبه حيث أنحدر بعضهم والبعض الآخر سند تبعاً للمراعي فنزل تركي في عرق سبيع المعروف بالقرب من جبل يسمى الطيري ونخى سبيع بقصيدة طالباً منهم الحماية والمساعدة ذاكراً في قصيدته ما حدث له من جماعته ومذكراً سبيع بما حدث يوم ( الحوياء ) عندما غزاهم ابن هادي بعد أن عطاهم المواثيق والعهود محاولاً تثبيط عزيمة سبيع عن مساندة ابن هادي ضد عتيبه خصوصاً الشيخ سعد ابن قطنان الذي خاله ابن هادي يقول تركي بن حميد في قصيدته
.................................................. .................................................. ............................

يالله يلي ما بحالٍ يكوده= يا مصرف الدنيا على كل تصريف
أفرج لمنهو وحدوبه جنوده= أحد سند وأحد حدر يمة السيف
أنا ليا كلٍ تمصلح بقوده= نصلح بشلفٍ فوق قبٍ شواحيف
.طريحنا سحم الضواري تروده= لامن ركبنا لينات المحاريف
عديت في الطيري وعالي نفوده =وأصيح للغلباء بروس المشاريف
أهل ديارٍ موسعينً حدوده =وأهل مهارٍ يلعبن الغطاريف
ما طمن القوز الحمر من نفوده= حامينها الغلباء بروس المراهيف
وأنشد سعد عن خاله وش فوده =إلي يصرف له من الحكي تصريف
ما جاه طهطام حصانٍ يقوده =ولا مهرةٍ تبرى لجيشٍ مناكيف
إن ذل قرب جدهم من جدوده =وهم على عامر عصاةٍ مواليف
وليا ومن ليم عليهم جروده =جاهم مع الوادي جموعٍٍ مراديف
يوم الحوياء ما أمنتكم عهوده= أمسى وسراله جنودٍ مراديف

.....................................
فقاموا سبيع بعد هذه القصيده با ستقبال ابن حميد وأضفوا عليه الأمن والأمان طيلة بقائه في ديارهم ولم يقدم ابن هادي على محاربته وهو في ديار سبيع حتى لا يفتح على نفسه جبهتين سبيع وعتيبه وقد رد عليه الشاعر والفارس خالد ابن هرسان القريشي قصيدة رداً على ابن حميد وتوضيح لكلمة يلعبن الغطاريف

أنا حربنا تسعين عامٍ حدوده من بيننا خطلان الأيدي مصاريف....وإلي أنتم ميتمينه ميتمينن جدوده بشلفاٍ مضاربها حوالي السراجيف




وهذا مجرد أجتهاد ونقل عن الرواة وبعض الكتب........... اخوكــم أبـــوٍنـــوٍرهـ الاد العسيلي.
تحياتي

ابن نميان 11-Feb-2007 04:29 AM

اقتباس:

المشاركة الأصلية كتبت بواسطة الاد العسيلي (المشاركة 295267)
الشيخ تركي بن حميد من شيوخ قبيلة عتيبه ووهو فارس معروف وقد جاءت قصته هذه في معجم شعراء عتيبه للأستاذ محمد دخيل العصيمي وفي سلسلة الراوي منديل الفهيد وفي قصه وأبيات للأستاذ إبراهيم اليوسف وكما أكدها رواة سبيع جميعاً وهي أنه في أحد السنوات نزل الشيخ تركي بن حميد إلى نجد وهي محمية من قبيلة قحطان بزعامة شيخهم المعروف محمد بن هادي ابن قرمله الذي رفض السماح لتركي بن حميد بالنزول إلى نجد ومرابعها وطلب منه الخروج أولاً ثم طلب الأذن بالنزول مرة أخرى فقد يسمح له أو يرفض طلبه فاحتار الشيخ تركي بن حميد بعد أن تفرقت من حوله عتيبه حيث أنحدر بعضهم والبعض الآخر سند تبعاً للمراعي فنزل تركي في عرق سبيع المعروف بالقرب من جبل يسمى الطيري ونخى سبيع بقصيدة طالباً منهم الحماية والمساعدة ذاكراً في قصيدته ما حدث له من جماعته ومذكراً سبيع بما حدث يوم ( الحوياء ) عندما غزاهم ابن هادي بعد أن عطاهم المواثيق والعهود محاولاً تثبيط عزيمة سبيع عن مساندة ابن هادي ضد عتيبه خصوصاً الشيخ سعد ابن قطنان الذي خاله ابن هادي يقول تركي بن حميد في قصيدته
.................................................. .................................................. ............................

يالله يلي ما بحالٍ يكوده يا مصرف الدنيا على كل تصريف.....أفرج لمنهو وحدوبه جنوده أحد سند وأحد حدر يمة السيف
أنا ليا كلٍ تمصلح بقوده نصلح بشلفٍ فوق قبٍ شواحيف......طريحنا سحم الضواري تروده لامن ركبنا لينات المحاريف
عديت في الطيري وعالي نفوده وأصيح للغلباء بروس المشاريف ...أهل ديارٍ موسعينً حدوده وأهل مهارٍ يلعبن الغطاريف
ما طمن القوز الحمر من نفوده حامينها الغلباء بروس المراهيف..وأنشد سعد عن خاله وش فوده إلي يصرف له من الحكي تصريف
ما جاه طهطام حصانٍ يقوده ولا مهرةٍ تبرى لجيشٍ مناكيف...إن ذل قرب جدهم من جدوده وهم على عامر عصاةٍ مواليف
وليا ومن ليم عليهم جروده جاهم مع الوادي جموعٍٍ مراديف...يوم الحوياء ما أمنتكم عهوده أمسى وسراله جنودٍ مراديف
.....................................
فقاموا سبيع بعد هذه القصيده با ستقبال ابن حميد وأضفوا عليه الأمن والأمان طيلة بقائه في ديارهم ولم يقدم ابن هادي على محاربته وهو في ديار سبيع حتى لا يفتح على نفسه جبهتين سبيع وعتيبه وقد رد عليه الشاعر والفارس خالد ابن هرسان القريشي قصيدة رداً على ابن حميد وتوضيح لكلمة يلعبن الغطاريف

أنا حربنا تسعين عامٍ حدوده من بيننا خطلان الأيدي مصاريف....وإلي أنتم ميتمينه ميتمينن جدوده بشلفاٍ مضاربها حوالي السراجيف




وهذا مجرد أجتهاد ونقل عن الرواة وبعض الكتب........... اخوكــم أبـــوٍنـــوٍرهـ الاد العسيلي.
تحياتي



ونعم واللـه فيك يالقريشي وفي سبيع الغلبا

ولاهنت على اجتهادك

أترك مجال التعليق على الموضوع للاخواني الأعضاء

كل الأحترام لك والتقدير

مرزوق حمدان العتيبي 11-Feb-2007 07:00 PM

...
.
والله ونعم يالاد العسيلي
وبسبيع الغلبا

ولكن نترك التعليق على هالكلام للبحاث والمختصين
والملاحظه التي لدي هي على بعض الاجزاء من البيوت
فهي اما ان تكون مرهّمه او ان هناك خطاء في نقلها
سبب الاختلال فالوزن
وكلنا يعرف الامير والشيخ تركي بن حميد ومقدرته الشعريه الفائقه
حيث انه من المستحيل ان تصدر منه مثل هذه الابيات
وهي كالاتي
أهـل ديـارٍ موسعيـنً حـدوده
ما طمن القوز الحمر من نفـوده
وأنشد سعد عن خاله وش فـوده
ما جاه طهطـام حصـانٍ يقـوده

تمنّى التاكد ن هذا الشي
وشكراً ...

! محتميها ! 12-Feb-2007 12:15 AM

ونعم والله بسبيع قدها وقدوود وماهي غريبه عليهم


لكن ما ظني والله انها صارت


مهوب تكذيب في السالفه


لكن تركي ابن حميد طرررد القحاااطين من نجد


وما اشترك معه في جميع معاركه معهم ولا سبيعي ؟؟


وما عمري بصراحه سمعت هالسوالف من الشيبان



واتمنى من الاخوه المتعمقين في التاريخ افادتنا بها


واذا كانت صحيحه فأهل الغلبا قدها وقدود



وتقبلوا خالص تحياتي

الاد العسيلي 12-Feb-2007 06:38 AM

اخوي !محتميهأ! وانا اخوك انا يوم اكتب السألفـه وانا خــوك والله اني ما اكتبهــأ الين أتأكد منهـا ألآأني وانا خوك لاامنـي جيت بنزلهأ هنيـأ ادري اني منزلهأ عند رجأل طيبيـن شروأكم والكذب وانا اخوك ما يقوله الا ضعيــف نفــس وربعــي وانا اخوك بعطيهــم حقهــم الى لهــم علا الرجأل والى علا ربعــي ان نشدت عنـه قلتـه وانا ما نشدني عنــه احد بسكت وببلع العافيـه

اخوكم ابــو نــوره تقبلو تحياتي

بعيـد المرامع 14-Feb-2007 12:35 AM




لاجديد..استجد.

ضعف في الاستقراء..وكلام صفيق..وضرب من السفه..

و محاولة ..تغيير و تجيير ...يائسه ..وبائسه ..ركيكة المحتوى..والمستوى..

فتركي بن حميد...وعتيبه كافه ..اكبر من انهم يستفزعون ..بالغلبا..وغير الغلبا..

و مسئلة..امن ..وامان..واضفاءه.. اكبر من حجم سبيع..

فسبيع تفتقده..وهي له احوج..

فالتاريخ..سجل..والجغرافيا..انزلت...

والقصيده..تهكميه..ساخره..على يوم الحويّه..

يوم الحويه ما أمنتكـم عهـوده = رمى وصبحكم جنـودٍ مراديـف

عندما غزا الخال بن هادي بقحطان على البناخي سعد بن قطنان وسبيع.. بعد اعطاءهم العهود والمواثيق..وأمنهم من بطشه..ثم..رمى بالمواثيق..وصبحهم.. بجنودٍ مراديف..

وقبلها ..رفض تزوييج ابناء..سعد..

فالاجدر..ان تأمن.... وتفتك سبيع حلتها...وتنجو..


بدلا ...من ايجاد..امجاد..بالتزييف...والدجل..

الم نقل لك...انكم للتأمين والامان...احوج..


القصيده جليه..

فتمعن ابيات الامير تركي بن حميد..وفخره بنفسه و بربعه..

أنـا ليـا كـلٍ تمصلـح بقـوده= نصلح بشلفٍ فوق قبٍ شواحيـف
.طريحنا سحم الضواري تـروده=لامن ركبنـا لينـات المحاريـف
ويردف ..
نزلت بهم القهب باوسط نفوده ...

نزل..وتوسط بقومه وبسطوتهم...ولم ينزل..بغيرهم..وفي ديار سبيع..

والقهب من ديار سبيع..شمالي رنيه..

ولايفوتنا ..وصف خيل سبيع..بانهن يلعبن الغطاريف...

وغطرفي ياحمامه الوادي...فاليوم صار الجو لك هادي..

ولو كنت واعي وفطين..ماوردت القصه..ولا اطريتها..




بعيـــد

سعيدان 15-Feb-2007 01:46 PM

بعيد المرامع لاهنت ونا اخوك وبيض الله وجهك كلام وافي وشافي



كفوو يالذيب



تقبل تحيات اخوك سعيدان الشيباني

مستشار القبيلة 15-Feb-2007 08:37 PM

عتيبه تدور الحق يا صامل الميقاف اللي لها واللي عليها مهو زي موقع سبيع الغلبا هاك اليوم وضعت رد لنفس هذه المعركه في موقع سيبع الغلبا فأرسلوا لي رساله تقول انتظر حتى يوافقوا عليها المشرفين (ينظرون في المشاركه هل توافق هوى سبيع ولا ما توافق)
ولا هنا عندنا ما تنحذف المشاركه اللى اذا كانت عير ادبيه او خارجه عن الموضوع ورح راجع المواضيع اللي في قسم المعارك والبطولات وشوف النقاش الهادف

اما بالنسبه ان الشيخ تركي حميد يستفزع بالغلبا وهذا والله اللى ماسمعنا فيه اللى من عندكم وعند منتداكم سبيع الغبا
واذا تبغانا نعلمك بعلوم و معارك وقعت بين عتيبه وسبيع هذا مهو مجالها لكن احب اذكر فقط للذكرى يوم غزاكم الشيابين (يوم مصيده) وتعال تكلم ان ابن حميد يستفزع بالغلبا

صح لسانك يا محتميها وصح لسانك يابعيد المرامع

مستشار القبيلة 15-Feb-2007 10:17 PM

وعليكم السلام اول شي هاذي قصيده جهز ثاني شى المعركه مذكوره في كتاب (الحضبي )
باختصار كانوا الشيابين قاصدين الصنادلة من سبيع في وادي رنية وانتهت المعركه بانتصار الشيابين ومعهم الابل ثاني
الابيات اللي كاتبها العسيلي نعرف ان الشيخ الشاعرابن حميد تمتلك مهاره شعريه فائقه رحمه الله لايكمن ان تصدر منه هذه الابيات المؤلفه مدري من جايبها ثالث شي عطيني مصدر ان الابيات الشعريه قالها الشيخ والابيات الشعريه لا يتكل عليها ولا ترى الكلام بلاش وكل واحد يالف كم بيت ويجي يقول فزعنا مع عتيبه هذا الكلام اللي ما نبغاه واذا عندك قصايد بتأليفك روح منتدى السبعان والف على راحتك اما في منتدي الهيلا ما عندنا اللي الشي المؤثوق
رابع شى انا اقولك ليش تقولون ان ابن حميد يستفزع بالغلبا لانه يعتبر شرف انكم فزعتم لعتيبه التي تعتبر من القبائل التي يفتخر بذكرها لكن ابقولك شي عندك شي يثبت الشي هذا حياك ماعندك في منتدى اسمعه سبيع الغلبا نزل الشي اللى في راس بدون ذكر مصدر سلام ياصامل

ذيب السبايا 15-Feb-2007 10:29 PM

لاهنتوا يالربع كفيتوا ووفيتوا مابقيتولي شي اقوله
غير طول الله اعماركم


الساعة الآن »03:06 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd