الهيـــــــــــــلا *** منتدى قبيلة عتيبة

- الشعر الشعبي (http://www.otaibah.net/m/forumdisplay.php?f=9)

- - من القائــــل؟ (http://www.otaibah.net/m/showthread.php?t=126922)

من القائــــل؟

الفصيدة أعجبتني ولا أعلم عن قائلها من لديه جواب لا يبخل

يابحر لو اكتب ابياتي على موجك رساله
بيت واحد من بيوتي يقلب املاحك عذوبة

صدقني لووو غطست الابيات ذي في البحرر الميت بيغيروون اسمه بيصير اسمه
البحر الحي من حلاوة الابيات ..

ياسلام صح الله لسان اللي قالها وبيض الله وجهك يا محمد الذيابي ولاهنت ..

تحياتي ..

الـبَـحَــر والـشّـعْــر تـلـزمـهـم مـواثـيــق و زمــالــة
مــن يــردّ الـمـوج والشـاعـر لـيـا هـبّـت هـبـوبـه
يا بَحَـر لـوّ أكتـب أبياتـي علـى موجـك رسالـة
بيـت واحـد مـن بيوتـي يقلـب أملاحـك عذوبـة
يـا بَحَـر يـا ليتنـي باقـي علـى طيـش الجهـالـة
يوم كنت صْغِير ما اعاني من الدنيا صعوبـة
الــفــرح عــنــده مـوظّـفـنــي ومـعـطـيـنـي وكــالـــة
للضـحـوك ولـلـمـزوح ونـــزوة الـنـفـس اللـعـوبـة
ويـوم كمّـل عـمـري العشـريـن قـدّمْـت إستقـالـة
الـفـرح عـيّـا اسلـوبـي لا يـوافــق مـــع اسـلـوبـه
الـقـوانــيــن الـقـديــمــة والــمــذاهــب والأصـــالــــة
تـلـزم الـرجّـال لـــوّ الـحــال مـاشــي دوب دوبـــه
يـا بَحَـر والله مـا شيّـب روسنـا غـيـر الرّجـالـة
عيب نسكت وإن هَرَجْنا كلمة الرّجل مْحَسوبة
يـا موصّـي . لا توصّـي صاحْبِـك يـلـزم ريـالـه
وش يسوّي بالفلوس اللـي تبـرّت مـن جيوبـه
أنــت وصّـلْـت النصيـحـة واتـركـه مـالـك ومـالـه
الـكـرم مـاهــو مـجـنَّـب عـنــه لـــو إنّـــه عـقـوبـة
كــمّ مــرّة جــاه حـمــلٍ مـــا يطـيـقـه وارتـكــى لـــه
مــن عـنـاده للحـمـول الجـايـرة مـــا قـــال تـوبــة
لـو تسلّـف واجـب ضْيوفـه مــن هْـنـود البقـالـة
مع صلاة الظهر في جـدّة وفـي عـزّ الرطوبـة
لجـل مـا يــدرون ضيفـانـه بحـالـه كـيـف حـالـه
مايجيهم غير مستانـس ويضحـك مـع جنوبـه
كـــرّم الله لـحـيـة الـلــي ضـيـفــه يــكــرّم سـبـالــه
وسـوّد الله لحيـة اللـي يعطـي ضيـوفـه ذروبــه
البخيل تشـوف وسـم الضّيـم حتّـى فـي عيالـه
مـا تقـول الاّ مشَلْوطهـم علـى الـنـار الشّبـوبـة
والكريـم ليـا عطـى كنّـه مـا يعطـي مـن حـلالـه
لــو طلبـتـه ثـوبـه الـلـي لابـسـه يعـطـيـك ثـوبــه
نعـنـبـوا جـــدّ الـبـخــل والــلــي يـحـطّــه رأسـمـالــه
البخيـل بْخيـل مـا يعطيـك حتّـى مـن ذنوبـه .!

شكراً على نقل القصيده يا محمد ذائقه تستحق الاشاده

اما صحبها اعتقد بانه الشاعر / وصل العطياني

القصيده وافيه واقعيه وصادقه ولاعرف صاحبها

ولكن صاحبها شاعر متمكن

ممكن وصل اول مره سمعه

محمد ذوقك رفيع

اشكر الاخوان جميعا

والشكر موصول لوصل على الابيات الجميله

الابيات لـ وصل العطيـّاني واعتقد منزّلها في المنتدى هذا بعد : )

لاهنت ياسلطان