قصيدة في الفارس عمر القبع
 

قصيدة الشاعرسعود ذعار القبع العازمي العتيبي

في جدةالفارس عمرو بن عتيق بن عاتق بن مدوح بن مبارك بن عاصي بن مقبول العازمي العتيـبي الملقب بـ( القبـع )


من الرجال المشهورين بالكرم والشجاعة والمواقف البطولية والقصيدة تعبر عن نفسها

ياهجوس الشعر نادي بالقصايد = = = نادي اللي مادرى لوكان داري
كانها بالطيب والا بالمكايد = = = = بأتكلم مأحتريت علوم غاري
يوم كلن قام يمدح ماتكايد = = = = لين صار المدح ابه بايع وشاري
بعضهم يمدح ولو مامن فوايد = = = = مادرى ان المدح مع فعل ومواري
اسمعوني ياوسيعين البنايد = = = = مدح فعل ولاهي امجرد طواري
فعل عمر القبع في وقت الشدايد = = = = يستحق المدح وافخربه واماري
مالحقته لكن اعلومي وكايد = = = = مقتبسها من طويلين العماري
شيخ الآادمبارك وبالفعل زايد= = = = عن شيوخن واجد بكل الشواري
والكرم والعرف مع طيب العوايد = = = = قادها بالغصب ماخذها عواري
ذكره وقدره مع العربان ساي = = = مع عتيبه مع سليم ومع مطاري
كلن يعرفه لاجا فالغزو قايد = = = = قايد الشجعان في سود الغداري
كم شيخٍ ولع بكبده وقايد = = ===لاسمع طاري عمر قال الحذاري
الهلع والخوف والهم ايتزايد = = = = = جاه طلابه وجاه الموت ساري
مايهاب ولايذل ولايحايد = = = = = وكلمته يابالثريا والثواري
لاعرفوه القوم هاراحوشرايد===== محتميها بالبنادق والشباري
ومن نجى من بندقه ماجاه عايد==== الجبال السود في عينه صحاري
والمصوب طاح قدم يفيد فايد ===== وكم عذراً قامت اتهل العباري
شيخته شيخه ولافيها نقايد===== = حول ربعه مايحومن الضواري
ماني ابمحصي فعوله بالجرايد ===== صعبه احصيها وهذاه اعتذاري
سيرته فالوقت عدوها جدايد ====== سيرته بحر واعزي للخباري[/size]

شكرا على هذا القصيده الجميله والشيخ عمر القبع يستحاق الكثر وشكران

اخوك فارس القبع

صح لسان الشاعرسعود ذعار ويحق له ان يمدح جده الفارس الكريم عمر بن عتيق العازمي

ويعطيك العافيه اخوي ابو بدر على الموضوع

صح لسان الشاعرسعود ذعار ويحق له ان يمدح جده الفارس الكريم عمر بن عتيق العازمي

ويعطيك العافيه اخوي ابو بدر على الموضوع

ونعم والله