[justify]السلام عليكم .. اسعد الله جميع اوقاتكم .

قال تعالى ( ولا يجرمنّكم شنئان قوم ألّا تعدلوا أعدلوا هو أقرب للتقوى واتقوا الله ان الله خبير بما تعلمون )

آية جدير بنا ان نعمل بها ففيها امر واضح بالعدل ويفترض انها تكون قاعده لأهل المنتديات واهل التاريخ والرواة وللأسف

شخصيا مالقيت بالذات بمنتديات القبايل من يعمل بمقتضاها غير منتديين لقبيله لن اذكرها وهالمنتدى … منتدى عتيبة ..

عتيبة العز والفخر والمجد والله مالقيت من يعد الحق مثلهم . رجال تعد الصحيح لها او عليها وهذا دليل ثقة بالنفس

فمجدهم وفعلهم ماحد يجهله فلذا ماهم بحاجه للتزوير والتوليف والحق ماتطمسه كذبة واكثر فوالله خطاة كذبه انه يقشعر

بدنك من كبرها ولكن الله سبحانه مقيض للحق رجال مثل اهل هالمنتدى تعده وتظهره ..

ونقطه اخيره اسمع واقرا دايم بعض هالناس لاجا طاري بعض القبايل قال سوري وعراقي ومدري ايش ! احب اقولهم هذي

مهي معيبه بالعكس هذا دليل عز وسطوه ياحبيبي ماتردنا حدود وكل دار لنا دار ويوم الجوع رحنا هناك ولاتحسب اهلها

استقبلونا بالورود الا استوطنا طرق ومن هالقبايل على فكره عتيبه فلها تواجد بالعراق والا ديارهم نجد لكن يوم الجوع

راحوا والعز له رجاله وتدركه . انفقرت وتركت لجدانك يتذابحون على جلد الفطيسه . ويوم اغتنت نكسنالها وماردنا عنها احد .

اسف للاطاله وشكراً من الاعماق إدارة المنتدى واعضائه وزواره .[/justify]