واخلي اللي ما نسيته ولا يوم=ولا لقلبي غير ذكراه سيرة
ان شفت زوله حال من دونه اغيوم=وان غاب عني قلت يالله خيره
اخفيه عن كل الملا وابعد الحوم=واليا ذكر دقات قلبي خطيرة
عليه قلبي بين الاضلاع مجزوم=واليوم بعد الله بكفه مصيره
مثل الغرير اللي عن الديد مفطوم=أيدينه أقصيرة وعينه بصيره
ينزف وفالحالين ماهو بمرحوم= وتهون مع نظرة نفوس حقيرة
امدورة للخلق غرات واثلوم= ومطولين الشرح وهي قصيرة
ياعاذلين القلب بالله عن اللوم=يفدا ه مني كل خل وعشيرة
وافداه من تثني يمينه عصا القوم= واللي ليا عمسن الاريا تشيره
خلي عليه من السعد خمسه انجوم=ومن الرضا له ما يبيح السريرة
أركا على قلبي من اعيونه اسهوم= ومن الغلاسيطرعلى الجو طيره
نجواي في علمي وسلواي فالنوم=والله يبيحه من عيون شريرة
والله لوماهو معي دايم الدوم= ماتغفرأذنوب الليالي بغيره
واعن الودر في بحر الافكار والعوم=كلن على ماقيل يرضي ضميره
حزة ضمير اللي من النقص محشوم=لانقص مقسوم ولاجال نيرة
لوهي خطامابه ولا عبد معصوم=كم واحدن تبرد لهايب سعيرة