حصريا : أفضل طواريق حفلة ابن فهيد (حبيب العازمي والهاجري )
 

تابع لموضوعي السابق

واتمنى تعديل الخطا حفلة فيحان بن هذال بن فهيد

محاوره رائعة بين الشاعرين الكبيرين حبيب العازمي وسلطان الهاجري



حبيب

مرحبا في حفل شيخ ن فالامام من الاشدة ××× فالمقام وفالاشده لا شداد الا شداده

من يرى فيحان يذكر فعل ابوه وفعل جده ××× والبناء من دور اخو هملا وبن هذال زاده


سلطان

ياعسى فيك البقاء والشيخ هذا الحفل قده ××× ياعسى عمر السنافي دايم افراح وسعاده

النشاما مستعده والعساكر مستعده ××× وانت واحد من جنود المملكه تحت القياده


حبيب

كل سيف مايبرهن سلته ياكود حده ××× والسيوف حداد وانت الله يلقنك الشهاده

انت ياسلطان فالميدان ماشفناك مده ××× وان نشدنا الناس قالوا عند دكتور العياده


سلطان

ان لقيت العلم هاته وان وصلك العلم وده ××× لاتشب النار من بدري وتلقاها رماده

من بغانا فاللوازم ماندور عنه صده ××× وانت لك مده وعينك كنها عين الجراده


حبيب

الحقيقه واضحه واللي على خاطرك بده ××× ماتموت النار زال العازمي يقدح زناده

انت في هذا السنه فالبرد كم شديت شده ××× شدتك فيها بلى هذا السنه ماهيب عاده


سلطان

خاطري مافيه ياكود المحبه والموده ××× وانت ياراع الزنود اليوم كبرت الوساده

صاحبك سلطان لو طال المدى ماباح سده ××× البلا في صبة المقرود عشاق القراده


حبيب

كيف ياراع المفتل ترمي الضلع وتهده ××× وش تسوي بالمفتل ابتداء حرب الابادة

بعد ماقفت ضعونك كل ضد ن شاف ضده ××× علم العذراء تطش البشت وتطش القلاده


سلطان

والله اني ما احتزم في محزم ن من غير عده ××× مير بكره شغل التلفاز وتشوف الاعاده

البشوت الاوله غير البشوت المستجده ××× وانت ضنك من بغى يقدر يصيد الذيب صاده


حبيب

روح عز اللي دموعه حولت من فوق خده ××× والعزاء موصول للي شوشته كبر العراده

والبعير اللي ليا شاف الجمال يعض بده ××× اربطه في قرنة الجزار والجزار ناده


سلطان

انته اولى بالعزاء وان كان لابده لابده ××× وجهه للي زمان العام حول عن جواده

جاك ضيف ن من بعيد اسقبله عشه وغده ××× لاتقول الضيف ضيف ن من بلاده في بلاده




وهنا المحاوره بالصوت والصورة

http://www.youtube.com/watch?v=z75qjRjFc9s

لاشكر على واجب يافهد


لاهنت على المرور يالغالي

سلمت ودمت ولاهنت ياهايل

واتمنى تعديل عنوان الموضوع الاخر يالغالي

شكرا لك.....

اعتقد والعلم عند الله ان المعنى يدور حول لجنة الحكم في شاعر المعنى

ودخول السناني بديلا للمرحوم بإذن الله فيصل الرياحي...

تحياتي.

حبيب

كل سيف مايبرهن سلته ياكود حده ××× والسيوف حداد وانت الله يلقنك الشهاده

انت ياسلطان فالميدان ماشفناك مده ××× وان نشدنا الناس قالوا عند دكتور العياده

@

انت في هذا السنه فالبرد كم شديت شده ××× شدتك فيها بلى هذا السنه ماهيب عاده

@

البشوت الاوله غير البشوت المستجده ××× وانت ضنك من بغى يقدر يصيد الذيب صاده


أعتقد انه لا داعي من تفسير المعنى طارووق طيّب ورائع بين الشاعرين !!


مشكور يابن لويبان

لاهنت على المرور يافهد


والمعنى يجي ابوفايح ويعلمنا


مشكور يالغالي

لاهنت والموضوع يخص هيف بن عبود

وفيه بويتات موجهه لفنجال بن سلطان


والمحاورات اللي حبيب طرفا فيها تكشف ذلك

لاهنت على المرور الرائع يارايد