الهيـــــــــــــلا *** منتدى قبيلة عتيبة - شهادة ـ شمر لـ عتيبه الهيلا

قال الـذي يبـدع جزيـل المثايـل
ابيات منقيات مـن بحـر الأفكـار

مضمونها الترحيب بأهـل الفعايـل
عتيبه هلاالهيبه وافيـن الأشبـار

أهلاً هـلا باللـي لفونـا بحايـل
ترحيبـة ونكـرره الـف ملـيـار

اجـا تهلـي بالبيـوت الجـزايـل
وجبال سلمى لبست ورود وأزهـار

للطيـب والمعـروف رد الجمايـل
وأنتم عنيتوا من بعيـدات الأقطـار

لبيتـوا الدعـوة بشتـى الوسايـل
ولجل المعزه بيننا تهون الأسفـار

الله يحييكـم يارجـال الحمـايـل
شمر ترحب في طويليـن الأعمـار

جونا الرجال أهل الفعول الصمايـل
اسود نجد الي يدوسـون الأخطـار

نجد حموهـا بالسيـوف الصقايـل
والرمح والشلفا على قب وأمهـار

قبيـلـةٍ تاريخـهـا بالقـبـايـل
مخطوط بحروف الذهب سر وجهار

روقٍ وبرقـا بالسنيـن الأوايــل
حطوا لهم مجدٍ يسولـف بالأذكـار

برقا سنام المجد كـرام الخصايـل
وروق الكرم والطيب والفعل والكار

برقا صناديـد الحـروب الهوايـل
وروق الدروع الحامية حبس وستار

برقا تخـوض المعركـه والدبايـل
وروق لهم بالمجد صولات مغـوار

برقـا تـرد اللـي تنصـاه عايـل
وروق العدو مركين في كبده النـار

برقا فعولـه كالبـروق الشعايـل
وروق المطر والغيث وافين وأخيار

برقـا تراهـم كاسبيـن النفـايـل
وروق ترى خصمه يولي بالأدبـار

برقا ماقالـوا بـه بيـوتٍ هزايـل
وروق الشعر يفخر به كبار وأصغار

عتيبه عموم أهل السخا والفضايـل
عتيبة سيوف الهند ماضين الأخبار

سموهم الهيلا علـى كـل عايـل
ميزانهم راجـح لياصـار ماصـار

وأن حدت الرجال بعـض المسايـل
دخيلهـم فكـوه عـن كــل دوار

نعم الرجـال الـي تعـز النزايـل
قصيرهم كنه حديهم ماهـو جـار

وأكـرر الترحيـب بأهـل الفعايـل
يامرحبـا مليـون مليـون مليـار

الشاعر /عليق بن وبران بن عليق الكتفاء