كل يوم أشوف ويصيـر فـي صـدري كـلام = أحـفـظـه واقـــول بـكــره وأخـلـيـه بـعــده
خايـف مــن زلــة الـرجـل خـطـوه لـلأمـام = زلــة مــن بـــاب عـفــوا تـصـيـر مـنـكـده
عـز نفسـي كنـز غالـي ماأبيعـه لـو يسـام = استفـز الـلـي يسـومـه وأهيـنـه وأضـهـده
ياهنـوف تنقـتـش الـكـف وتــدق الـوشـام = فــوق خــد مـثـل بــرق سـرىقـدم رعـــده
بـارق يشـرق ويبـرق تحـت جنـح الظـلام = الـنـجــوم تـخـالـطــه والــظـــلام يــبـــدده
يستدل اللى سـرى بـه يمـن والبـرق شـام = الـبـعـيــد يـقــربــه والــقــريــب يــبــعــده
فيـك وصـف منـه يـا ام الخلاخـل والزمـام = وانتـي الـلـي وصـفـك المستحـيـل احــدده
اختصر من وصفك اربعطش وصـف تمـام = كــل وصـــف يحـفـظـه خـافـقـي ويـــردده
وصـفـك الأول يـــزودك هـيـبـه واحـتــرام = والحـيـا والسـتـر راعـيـه يــدرك مقـصـده
وصفـك الثانـي يحـد الكـريـم ابــن الـكـرام = ليـن ينفـق كــل حـالـه ويبـسـط لــك يــده
وصفك الثالث لو أنـه دخـل وسـط العظـام = يركـض الرجـال ويطـيـح ويضـيـع جـهـده
وصفـك الرابـع مايعطـي لاشـرع ولانظـام = سيـرتـه مسترسـلـه مــن نـشـب ومعـقـده
ووصفك الخامس حلال وعلى غيرك حرام = ان تخـيـلـت أجـــده وان تـوقـعـت أفــقــده
ووصفك السادس من أسمك يجدد كل عام = مـثـل عـهــد الـوافــي الـلــي ولاه يـجــدده
ووصفك السابع يكف العيـون عـن المنـام = مـن طرالـه ماطرالـي ســرى مــن مـرقـده
ووصفك الثامـن ليـا غـردت ورق الحمـام = أعـرفـه وأقـربــه وإن تضـايـقـت أجـحــده
ووصفك التاسـع مابيـن الهبايـب والغمـام = الـغــمــام يـثـبـتــه والـهـبـايــب تــطـــرده
ووصفك العاشر يخضبـك بعـروق البشـام = والــظــلام يـنـقـصـه والـشـعــاع يــــزوده
ووصفك الحادي عشر ماقبـل بـرد السـلام = وان كتبـتـه فــي ثــلاث حــروف مـشــدده
ووصفـك الثانـي عشـر لاشـراب ولاطعـام = يبـرد الهاجـس وحــر الظمـتـا مــا يـبـرده
ووصفك الثالث عشر يستمد مـن الحسـام = أخــــذ ســلــه فــقـــط وهــكـــذا مــوكـــده
ووصفك الرابـع عشرفـي البدايـه iوالختـام = يسعـد اللـي غيـر شـوفـك مـاشـي يسـعـده
اختصرت وصوفك اللـي تشـد أهـل الغـرام = بالتـسـلـسـل كـلــهــا مـفــقــده ومـنــقــده
مجتهـد والمجتـهـد لــو يقـصـر مــا يــلام = اعتـرف بالحـق مـثـل الـعـوارف وأشـهـده
ولايهـونـون النـشـامـا رفيعـيـتـن الـمـقـام = الـرجــال الـلــي تـعــز الـبـخـت وتـسـنــده

يامرحـبـا ترحيـبـة تاصـلـك فـــي وادي جـهــام = عـبـر المجـلـة راح مرسـولـك وجــاك وجابـهـا
ياشاعر غصت البحور الهـوج وأدركـت المـرام = جبـت البيـوت اللـي مشاعرهـا تثيـرأعصابـهـا
بـيـوت شـعـر فـــي بدايـتـهـا تـحـيـة وأحـتــرام = لــولا معانيـهـا وراعيـهـا مـاكـان أشـقـى بـهــا
لكـن ابـن عمـي رفيقـي وش حياتـي لـه يضـام = وانـا سلايـل مـن يحـل مــن الأمــور أصعابـهـا
وان ماوقفت بصف ربعي في المواقف والزحام = تـحــرم عــلــي الـشـاذلـيـه مــنــك ياصـبـابـهـا
وشقر العصاء سو البـلا راس البـلا والأنقسـام = ولا رضـيـت بشقـرهـا والـلـي شقـرهـا عـابـهـا
والله سـريــع بـالـفـرج والله شــديــد الإنـتـقــام = والله يـعـلــم بـالـسـرايـر والـقـلــوب ومـابــهــا
ياشاعر شلت الحشيف وشلـت مـع دربـه نعـام = مـابـاقـيـا غــيــر طــــراه تـشـيـلـهـا بـتـرابـهــا
قلـبـي وقلـبـك قـالـوا الـلـي مايـحـبـون الأثـــام = ترى الظلايم ياعوض في حـظ مـن يسعـى بهـا
واللي يخوض المعركة ويفـوز ياخـذ لـه وسـام = واللي يخوض المعركة وإيموت مايصحـى بهـا
عـسـى شهـيـد المعـركـة مـنـا ومنـكـم للـرحـام = وديـونــنــا وديـونــكــم مـضـحـيــة لـطـلابـهــا
احـفـظ ســدودك والاشـــده ماتـشـابـه للـمـسـام = والله يخـلـي للـحـى بـعـض الـلـحـى واشنـابـهـا
من ضير الناقه على حاشـي مهـوب الهـا تـرام = لابــــد يــــوم يحـتـلـبـهـا يـنـكـفــي مـحـلابـهــا
هـاذي تراهـا يـاعـوض نـبـذه وخـطـوة لـلامـام = نبـذه وخـطـوه وأهــل مـكـه يعـرفـون أشعابـهـا
والـيـا نقـلـت البندقـيـه مــن تـبـا تـذبـح شـمـام = لاخـيـر فــي قــوم تـحـارب بـالـسـلاح أقـرابـهـا
شاور وخذ شور الرجال أهل العقل وأهل المعام = مجـربـيـن وعـارفـيــن الـسـالـفـة وأصـحـابـهـا
بنت الهـوا خطابهـا العشـرة مـن الخطبـة هيـام = الله بــلاهـــا وإبـتــلاهــا والـشــقــي يـبـلابـهــا
والبنت مجنونة تحط الخرص مع جنـب الزمـام = ومـــن الـجـنـون الله يعافـيـنـا تـشــق ثـيـابـهـا
كبـر الجبـل فـي زولهـا فـي وزنهـا ميـة جــرام = ماينـعـرف دلالـهـا فــي الـسـوق مــن جـلابـهـا
وأستغـفـر الله ماعلـيـهـا لا صـــلاة ولا صـيــام = والـلـي مراقبـهـا وقاضبـهـا تــراه أولـــى بـهــا
تـم الكـلام وطـال عـمـرك يـاعـوض والـعـز دام = والخـيـر والـشـر إقـرنـا والـنـار مـــن شبـابـهـا

ماتـت الفرحـه بعـد عاشـت وحيـده = والسبـب فـي موتهـا مـن والديـهـا
أمهـا فــي معاملتـهـا الـهـا عنـيـده = كـنـهــا واتسـتـغـفـر الله تبـتـلـيـهـا
قالـت ان البنـت مـا ماتـت شهـيـده = موتها مفـروض مـن بـدري يجيهـا
قـال ابوهـا ليـه يالنـفـس الزهـيـده = تزهـديـن وتزرعـيـن الـكـره فـيـهـا
قالـت اول شــيء مـانـي مستفـيـده = مـن حيـاة البنـت واكرههـا مابيهـا
ثـم ثانـي شـي أبـا اقـولـه واعـيـده = كــل مافيـهـا تـــراه ايـعــود الـيـهـا
قـــال الـيـهــا يـامـدبــرة الـمـكـيـده = كـن نسيتيهـا تـرى الله مـا نسيـهـا
قـالـت ارحمـنـي عـذابـي لا تـزيـده = الخـطـايـا قاضبـتـنـي فـــي يـديـهـا
هو صحيح اخطيت واخطايه عديده = ميـر سامحـنـي وساعـدنـي عليـهـا
قــال ربــك رحمـتـه تـاسـع عبـيـده = راقبـيـه ورحـمـتـه مـنــه اطلبـيـهـا
والا انـــا رحــــال لــديــار بـعـيــده = الـك كــل الــدار بـعـدي واسكنيـهـا
قالـت أببـدى معـك صفحـة جـديـده = قــال شـبـي نــار فيـهـا واحرقيـهـا
مـابـقـا مـــا تستطيـعـيـه وأريــــده = فكـرة الاعــذار مــن مـخـك شليـهـا
كـان ودك تسمعـيـن أخــر قصـيـده = بطـلـي كـثـر التـأسـف واسمعـيـهـا
والقصيـده بيـت والمـاضـي يعـيـده = أحفـظـيـه وكـلـمـة انـــدم ردديـهــا
لا تقـولـي فالحـيـاه انـــك سـعـيـده = مـن يبيـع النـاس بعصـا يشتريـهـا

ذريـتـي ماذريـتـي وش ذريـتـي يــا ريــاح الـخــوف = تـدفـيـن الـعـواصـف والـقـواصـف فــــي طـوارفـهــا
وأنا أحس العواصف والقواصف في صميـم الجـوف = ولــكـــن أتـصــبــر وأتـجـاهـلـهـا وأنـــــا أعـرفــهــا
وأقـول أصبـر عليهـا اليـوم والليلـه وصبـح أشـوف = ويـــوم الـغــد جــــزر ومــــد والافــكــار يـصـرفـهـا
وأنا العاشق وأنا المغرم وأنا الضامي وأنا الملهوف = وأقــــول الـعـفــو يـامـجــر الــريــاح ويامـصـرفـهـا
الـي قصـة غـرام فـي حشـاي إليهـا نـقـط وحــروف = ولابــــــه شــــــي يـمـحـاهــا..ولاشــي يـحــرفــهــا
كتبهـا مـن كتبـهـا وأن محـاهـا مــا عـمـل مـعـروف = أنـــا أحـــب الـحــروف الـلــي تشـرفـنـي وأشـرفـهـا
أبيهـا وسـط قلبـي سـر مـا أبغاهـا علـى المكـشـوف = ولا أبــغــي عــاتــي الـتـيــار يخـطـفـهـا ويـجـرفـهـا
رسالـة حـب مـا تكـتـب وتـرسـل فــي ورق وزروف = ورا حـــدب الـضـلــوع اقــــرأ معـانـيـهـا وأزرفــهــا
ولا يسـمـع بـهـا الجـاهـل ولايمـشـي بــه الملـقـوف = ولا عـلــم بــهــا الــلــي كـلـمــة أعرفها..مـطـرفـهـا
الـى منـه هـرج جـاب السوالـف طـوف يتبـع طــوف = مـــن أدنـاهــا الـــى أقـصـاهـا يخـلـطـهـا ويـغـرفـهـا

خواطـر ليـل نكتبهـا تحـت نـور القـمـر ولا = تحت جنح الظلام اللي حجب نور القمر عنا
خواطر ليل وش هـا الليـل لا بقـى ولا خـلا = يدبـر مــا يـحـب ومايـريـد ولا اعـتـذر مـنـا
ونحن معشـر العشـاق لـو نضحـك ونتسـلا = مجاريـح الغـرام وعاشقيـن اللـي ابــد حـنـا
نهلـي بــه لـكـن يــروح لا رحــب ولا هــلا = بـعـكـس نـقـابــل بــــه إذا قــابــل يقـابـلـنـا
مشاعرنا تفيض مـن التعاسـة والفـرح كـلا = تعاملـنـا بـصـدق ولا لقيـنـا مـــن يعامـلـنـا
وهـذا طبعنـا مهمـا حصـل بالصـبـر نتـحـلا = ألا يـاكـثـر مـــا نـسـمــع ولـكـنــا تحـمـلـنـا
ولــو إنــا تغليـنـا مـصـيـر الـعـشـق يـتـغـلا = علينـا ثـم يحطمنـا مـن أيسرنـا إلــى أيمـنـا
درينا كم غلا عشق طغى وعن سكتـه ضـلا = تـذكـرنـا يانـاسـيـنـا وتـعـرفـنـا ماتجـهـلـنـا
ليـا منـك ذكـرت اللـي بقـى واللـي بـعـد ولا = عرفت انك بدون احساس ماتقـدر تواصلنـا

بعـد ثالـث ثـلاثـه حــل والـوقـت لـيـل = كـل عيـن مــن العـبـره سـقـت خـدهـا
ارتـعـش واتـثـبـت والعـبـايـر تـسـيـل = لا اقــدر اقــول لـيـه ولا اقــدر اردهــا
واقـف موقـف المحتـار وقــت طـويـل = انـظــر لـواقـعـي بالـعـيـن واصــدهــا
مااقدراهب من الواقع على المستحيـل = تقصـر الرجـل خطـوة قـبـل لا امـدهـا
حسبي الله علـى الفرقـا ونعـم الوكيـل = هددتنـي وانــا مـجـروح مــن ضـدهـا
بين حزن الوداع وبيـن جـور الرحيـل = كـــل لـحـظـة تـمــر بــهــم واعــدهــا
واشهد الجدي في مبداه واشهد سهيل = قـصـتـي تـبـنــي الاهــــرام وتـهـدهــا
ماشفالـي جـروح ولا بـرد لـي غلـيـل = صــارت الــروح روح بيـحـت سـدهـا
كـل ماقلـت شــده قـلـت يمـكـن تـزيـل = كلـمـا قـلــت راحـــت قـلــت لا بـدهــا
شرهة القلب عدل ونظرة العيـن ميـل = اقـنـع النـفـس مـيـر النـفـس مـاودهـا
والمشاعـر لهـا بيـن الحنايـا صهـيـل = والخـواطـر تـحــز الـنـفـس وتـحـدهـا
واكتب الشعـر مـن دمـي ودمـي ثقيـل = كـلـمـا جـيــت امـــد القـافـيـه شـدهــا
اقربـي يالقوافـي واشـربـي حنضلـيـل = مــن بـحـور يسـاقـي جـزرهـا مـدهــا
واذعنـي للحقيقـه واشربـي سلسبـيـل = مـن نـهـر يــذوب الــذوب مــع نـدهـا
مايـشـح الكـريـم ولا يـجـود البـخـيـل = كـــل نـفــس طبيعـتـهـا عـلــى قـدهــا