أجمل بيت شعر سمعتة ( المشاركة للجميع )
 

بسم الله الرحمن الرحيم



موضوع نعود ألية ونكررة مرة تلو الأخرى لأنة موضوع أكثر من رائع

ولابد من كل الأعضاء المشاركة معنا




ونبدأها بهذا البيت وهو للشاعر محمد بن طمحي الذيابي



[poet font="Simplified Arabic,5,burlywood,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
الله ولا رزقن ورى رخاية الراس=فقر الجيوب ولا حيات المذلة
[/poet]


تقبلوا تحياتي ....

أسعدت مساء وصباحا

موضوع طيب وخذ مني

على الطــــــــــاير

[poet font="Simplified Arabic,5,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
الله ليامنه نواك بمسره "=

أنزل عليك من الاسابيب وأظهرك

والله يامنه نواك بمظره "=

لو أنت في عال الشواهيق حدرك
[/poet]

الأبيات الجميلة كثيرة :
ولكن من أجملها أبيات لراشد الخلاوي يقول فيها :
قولوا لبيت الفقر لا يامن الغنى ,, وبيت الغنى لا يامن الفقر عايد
ولايامن المضهود جمع يعزه ,, ولايامن الجمع العزيز الضهايد
وإذا أردتوها كاملة ,, قولوا لي وأبشروا ,,

بيت بن حميد
 

واخير منهن ركعتين بالاسحار 0000لاطاب نوم اللي حياته خساره

يبدولي انه من اقوى الابيات معنى ومغزى

مساء الخير
ياداهية عتيبه
اجمل بيت سمعته لشاعر رشيد الزلامي
العز لنفس واجب والحيا سنه
وانا يديني من الثنتين مليانه
وبيت لشاعر سلطان الهاجري
اعرف الكذبه لياجات من فم الكذوب
ليا قعد يرخي لسانه ويرفع برطمه
وسلامتكم

موضوع جميل جدا
وارى الناس ومشاعرهم تختلف والابيات الجميله كثيره
ومن البيات التي اثرت علي بمعناها هي
لشاعر: سعد المغيري

ياعبيد تذكر ديار الرفاقه مريفه 00 واللي مع الاجناب كنه على نار
يمنن بلا يسرى تراها ضعيفه000 ورجل بلا ربعٍ على الغبن صبار

أنا معكم على الخير والشر...
واستلموا البيت اللي يقول فيه الشاعر خالد الكسر:

جتني هياء بحجاجها الموت مقرون *** من مشيها تاطى على فرش ديباج

مشكور اخوي داهية عتيبة على موضوعك
اجمل بيت الي هو للشاعرمحمد السديري
لاخاب ظني بالرفيق الموالي = مالي مشاريه على نايد الناس
يا عل قصر مايجيله اظلالي = ينهد من عالي مبانيه لساس
لاصار ما هو مدهل للرجالي = وملجا لمن هو يشكي الظيم والباس

جامل زمانك لو حصل فيه تقصير

محدن تجي دنياه حسب اختياره

والله موضوع طيب وهذه هي اول مشاركه اشاركها في هذا المنتدى الطيب صراحه اللي رفع روس عتيبه عموما والله يجزاء من صممه بالخير ولن تكون هذه اخر مشاركه لي لكن سابحث عن المواضيع المتيزه واضعها في المنتدى انشالله.

احسن قصيده مرت علي هي لرشيد الزلامي:-

ياموزع النعم خل النعم لاصحابه....................ماينعطي غير للي يستحقونـــــــه
النعم ينعطي لرجلٍ فاتحٍ بابـــه...................للضيف وليا بغوه بحال يلقونـــــــه
اللي بوقت اللزوم يبين مضرابــه..................سيف تحده لزومه مايحدونـــــــــــه
والاالردي لاتقول ونعم يضرابـــه................يرهي على نعم وهوه قاصرٍ دونـــه
ليا قلت له نعم قام يفتل أشنابه.................يحسبك صادق ما يدري نعم وشلونه
يطمع بشيٍ يموت الخبل ما جابه................ثم قال أنا جبت نعم اللي يقولونــــه
بعض البشر يحلمون احلام كذابه................ومن لاعرف قدر نفسه عدّ طبلونــــــه
يجيك مسرع مايدري ويش يبلابه...............من قلة العرف ما يمشي على هونـــه
اما على الاقربين اشتال مشعابه..............والابعرض المقفي سلّ مسنونــــــــــه
تناول الغايبين واكثروا احزابـــه..............اللي على قلة الخيره يدفونــــــــــــه
واهل العقول سكتوا ماقالوا الجابه..........لا ينقصونه بشي ولا يزيدونــــــــــــه
قالوا هذا فيه عاهة وابتلشنا بـه.............والا هذا فيه شيٍ ما يعرفونـــــــــــــه
وخلوه يسرح ويمرح خاب من جابه..........ما نومس اللي من الصغر يترجونــــــــه


وفيه بعد وحده اللي يقول فيها اول حياة الفتى مشاوير وعساسه ؟؟؟؟؟؟؟ الى اخر القصيده


مشكورين وفمان الله