الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   شعراء قبيلة عتيبة (http://www.otaibah.net/m/forumdisplay.php?f=46)
-   -   قصيدة الشاعر عبد الله بن عون ؟ (http://www.otaibah.net/m/showthread.php?t=122007)

زااامل الرويس 12-Feb-2011 01:13 AM

قصيدة الشاعر عبد الله بن عون ؟
 
السلام عليكم ورحمة الله وبركاته
انا سعيد بكم وبإنضامي لكم

وعندي أستفسار : ياخوان جتني هالقصيدة بريد اكتروني وابي اعرف من قايلها ياليت تفيدوني القصيدة هي تشبه قصيدة الشاعر الكبير عبد الله بن عون أطال الله في عمرة( يامل قلبن يسج وفيه دولاجه ) وشاعر القصيدة بيض الله وجهة قال انها على طرق بن عون ( أي انه معجب فيه ) وهذا اكبر دليل بأن قصيدة الشاعر عبد الله بن عون ( يامل قلبن يسج وفيه دولاجه ) لازالت في ذاكرة الناس رغم مرور سنين طوال عليها وهي تستحق خصوصا إذا عرفنا بأنها تعتبر من اروع القصايد في الشعر الشعبي أنا ابيكم تفيدوني من هو صاحب هالقصيدة لانها جميله وفيها ضمير حي من ناحية حفظ حقوق الشعراء ؟؟؟


الليلـه الشعـر نـاره نـار وهـاجـه=نوبٍ تلوب الضلـوع ونـوب تسهجهـا
من طرق أبن عون أبا أنهج نهج منهاجه=ماني بالأول ولا آخـر شاعـر أنهجهـا
لا قال ( يامـل قلـبٍ فيـه دولاجـه )=حـد القوافـي علـى قمـة توهجـهـا
شاعر ويفـرق عـن الشعـار بنتاجـه=ينحت صخور المعانـي ليـن ينتجهـا
والشعر أبا أقدح فتيله واشعل اسراجـه=وأوزن قوافيـه وارتــب مخارجـهـا
قـام يتوافـد علـى الأفكـار بفواجـه=أعن له مـن خيـول الفكـر واسرجهـا
وليا استوى في مطاره من على أبراجـه=يتـل جـزل المعانـي مـن مدرجـهـا
أبيـه ينصـا مقـر الطيـب واسياجـه=زبـن المكـارم وسيدهـا وفالجـاهـا
ويغّلف أغلـى الهدايـا وسـط ديباجـه=ويشـارك بحفلتـه والنفـس يبهجهـا
أبو عويض لضيفـه يضحـك احجاجـه=كلمة هـلا ومرحبـا بأسمـه يتوجهـا
مـن عادتـه مازلـج بابـه بمزلاجـه=بيبـان بيتـه لضيفـانـه مفججـهـا
ينصاه راع الوفـاء والطيـب والحاجـه=وحاجات من جـاه يقضيلـه حوايجهـا
أنهنـي أبنـه عويـض ليلـة أزواجـه=مشاعـر التهنئـه بالقلـب ننسجـهـا
عسى السعاده لباسـه والفـرح تاجـه=وأيـام الأفـراح فـدروبـه نتايجـهـا
والليلـه الشعـر نـاره نـار وهاجـه=وأغلى المشاعـر نبروزهـا ونخرجهـا

أبو طالع العتيبي 12-Feb-2011 08:41 PM

الله يعطيك العافيه ؛؛؛؛؛؛؛؛؛؛؛؛؛؛ تقبل مروري

زااامل الرويس 01-Mar-2011 02:34 AM

اقتباس:

المشاركة الأصلية كتبت بواسطة أبو طالع العتيبي (المشاركة 1156512)
الله يعطيك العافيه ؛؛؛؛؛؛؛؛؛؛؛؛؛؛ تقبل مروري




شكراً لك ولكن لم يجب أحد على سووالي ؟؟

بـن عـــاصم 02-Mar-2011 12:24 AM

اخوي زامل حسب ماأتضح لي في محرك البحث قوقل فتلك المجاراه للشاعر عبيد البديري من قبيلة مطير


الساعة الآن »04:31 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd