عبدالعزيز المرشدي/والجيب الفكسار
 

[poet font="MS Dialog,4,black,bold,normal" bkcolor="transparent" bkimage="backgrounds/4.gif" border="none,4,gray" type=0 line=200% align=center use=ex length=0 char="" num="0,black" filter=""]
هذه القصيده لشاعر /عبدالعزيز عبدالله المرشدي
[/poet]

[poet font="MS Sans Serif,4,firebrick,bold,normal" bkcolor="transparent" bkimage="backgrounds/24.gif" border="ridge,8,darkred" type=0 line=200% align=center use=ex length=0 char="" num="0,black" filter=""]
يامحلى غب المطر شبت النار=في خبةٍ ماداج فيها شواوي
ربيعها ضافِ على ساير الدار=فيها النفل والقحويان متساوي
ارضِ خلاء يطرب لها كل زوار=يطرب لها اللي للتمشي هواوي
فيها الحيا والعشب طالع له ازهار=وفيها الخباري لون ماها سماوي
والصيد فيها له معدل ومقدار=صيدِ عن اضعوف العزيمه خلاوي
فيها الحباري والارانب لها كار=منوة رجالٍ يكرمون النداوي
وان صار معك من الطحاطيح الاخيار=ثلاثةٍ مايخلفون الهقاوي
وعزبتك مكتمله على كل معيار=في وسط صندوقٍ للاغراض حاوي
به دلتين صفر مع بن وبهار=ومحماسٍ مخصص لحمس القهاوي
يطربك الى من صار للجمر مسعار=والنجر دن ومعك تمرٍ حساوي
وشاهي وسكر مع فناجيلٍ كبار=ماهي فناجيل الضعيف الدناوي
وموترك جيبٍ من تصاميم فكسار=للهقوه الزينه شريك ورهاوي
سبيرين مكره سحب من غال الاسعار=منوة شجاعٍ للمطاريش ناوي
ماهمه الرمله ولاهمه القار=يعبر تهاتيه الخلاء مايراوي
ان سار بالصحرى تقل خلفه اعصار=يقطع بك الفرجه ويرد الحراوي
هذا منى قلبي لياقلت اباختار=ابعد عن اهل البلبله والدعاوي
اللي لهم في ساحة الذل معبار=ناسٍ صداقتهم تجيب البلاوي
ناسٍ صداقتهم على اهل الوفاء عار=يجيك واحدهم عما قلب واوي
طراد حكي ابهيم مكار هذار=ياضنوةٍ قشراء ياهاك الضناوي
فرقاهم احسن لي والاوادم احرار=وانا من الغلطه خجول وحياوي
ابعد جنابي عن هل البوق الاشرار=والطيب عندي من كبار المناوي
[/poet]

[poet font="Simplified Arabic,4,white,bold,italic" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=" glow(color=red,strength=1)"]
الشاعر / عبدالعزيز المرشدي
[/poet]

هلا الصميدع
صح لسان عبدالعزيز

وبيض الله وجهك ومشكور على نقل هذه القصيده

وان شاء الله نشوووف منك دائم الافضل

تحياااااتي

بيض الله وجهك يا الصميدع ومشكور على نقل القصيدة المميزة



واتمن اننا نشوف قصائد اكثر للشاعرعبدالعزيز المرشدي.

تحياتي
ابو وعيل الرويس

الله يعطيكم العافيه يابدر وابو وعيل




تحياتي

تسلم يا الصميدع ..
على الاختيار الموفق ..
لهذه القصيده السنعه..

تحياتي

قصيدة في غاية الجمال




وصح لسان قائلها وناقلها






تحيااااااااااتي

صح لسانك يالصميدع
وصح لسان قائلها
وتسلم على الاختيار الرائع

والنشامى (شرواك) تزين القصايد فيهم
والفكسار شف كل واحد كل(ن) يقصد فيه
مهوب النيسان اللي طايح(ن) سوقه في الشعر

تحياتي لك

مشكور يا الصميدع على ها القصيده الطيبه ...

بس يا ابو مالك وشفيك على النيسان وانا خوك

احترم مشاعر الي عندهم نيسان ههههههههههههه وعساك سالم

اخوك \ ابن فرحان

تسلم والله يا الصميدع على هذه القصيدة..
وصح لسان قائلها..

لك مني خالص التحايا

تسلمون والله يعطي ابدانكم الصحه والعافيه



ومشكورين على مروركم وانشاالله ماتشوفو الا الزين


تحياتي