الله مـن عيـن تكـدر منامـهـا=تسهر لياليهـا ولاادري علامهـا
لى ناموا العالـم تزايـد سهرهـا=كلن ينام وداومـت فـي دوامهـا
تسهر طّوال الليـل و الله يعينهـا=وهاذي طبيعتهـا وهـذا نظامهـا
وان بان نور الصبح فزيت سارح=اطردحضوضي واتحـري قيامهـا
اتعبني التفكيـر والهـم والقلـق=وروحي علي خلي تزايد هيامهـا
رعبوبه كن القمـر لـون خدهـا=وبنت الشويخ اللي رفيع مقامهـا
حبيتها حب من اقصي ضمايـري=وابيع روحي ياسعد فـي غرامهـا
مصيونه دايم علي العـز والنقـاء=ولاتطريـه الـرجـال بكلامـهـا
ماهي بمثل اللي تخاوي صديقهـا=وترسل ولد عمه يوصل سلامهـا
والعين عين اللـي تعـلا بمرقبـه=لى قرب الصيده وكسر اعضامهـا
ثلاث وعشرين عـام(ن) عمرهـا=ومغّيب حتـى شهرهـا وعامهـا
مثل المهاه اللي من الصوت شارد=هلي شافت البدوان تبنـى خيامهـا
يلعن ابو من لامنـى فـي حبهـا=ياجعله اللي حشوها من حزامهـا
احبهـا حتـي ولــو ماتهـيـت=واطرد وراها فـي يمنهاوشامهـا
خطبتـهـا لـكـن مازوجـونـي=عيوا قرايبهـا وعيـوا عمامهـا

المشاركة الأصلية كتبت بواسطة عمرالروقي (المشاركة 216632) صح لسانك ولسان شاعرها ولاهنت يالحد الرهيف

المشاركة الأصلية كتبت بواسطة نبض المشاعر (المشاركة 210917) احبهـا حتـي ولـو ماتهـيـت واطرد وراها في يمنهاوشامهـا صح لسانك واختيارك ذووق نتظر جديدك دمت بوود