يا ليل خبّرني عن امر المعاناةْ = هي من صميم الذّات و الاّ اجنبيّهْ
هي هاجسٍ يسهرْ عيوني و لا باتْ = أو خفقةٍ تجمح بقلبي عصيّهْ
أو صرخةٍ تمرّدت فوق الاصْواتْ = أو ونّةٍ وسط الضّماير خفيّهْ
أو عبرةٍ تعلّقت بين نظراتْ =أو الدّموع اللّي تسابق هميّهْ
أعاني السّاعه و اعاني مسافاتْ = و اعاني رْياح الزّمان العتيّهْ
و اصوّرْ معاناتي حروف و ابياتْ = يلْقَى بها راعي الولَعْ جاذبيّهْ
و لاني بْندمانٍ علَى كل ما فاتْ = أخذتْ من حلو الزّمان و رديّهْ
هذي حياتي عشتها كيفما جاتْ = آخذْ من ايّامي و اردّ العطيّهْ

ياليـل حضّـرت القصايـد والأبيـات=وانته نديـم الحـرف وانتـه خويّـه
ياليـل واسمع هاجس الشعر بسكات=حنّت على مواله السامريّـه
قصدي أجاري بالقصيـد " المعانـات "=قصيـدةٍ فيـهـا المعـانـي قـويّـه
شاعر وآعاني واشعر إب بعض ضيقات=وازفر سديم الوقـت صبـح وعشيّـه
ياليل فينـي مـن همومـي علامـات=وفيني من أيـام الشقـى ألـف كيّـه
ياليل في خدّي من الوقـت شـارات=أضحـك وآجامـل والمآسـي خفيّـه
ياليل في عيني من الحـزن عبـرات=مدامـعـي يالـيـل دايــم همـيّـه
ياليـل فارقـت الفـرح والمـسـرات=وفارقـت سهـرات الليـال الهنـيّـه
ياليـل جرمـي تـاه بيـن المجـراّت=مايعتـرف فــي قــوّة الجاذبـيـه
اسبح واهيم ولا اعد المسافات = كن الوعد بين الجدي والثريه
ابني على رمل الشواطي بويتات = وتهدها أمواج الظروف العتيه
عندي أمل لو صارت آمالي شتات = مثل اليتيم اللي يتحرى هديّه
كل مرّة يسأل جدته : ليه أبوي مات ؟ = وتجاوبه : هذا القدر والمنيّه !
شمعة أمل أمشي بها بضع خطوات = ولا وقوفي والموارد دنيّه
وغيمة مطر ترسم على الثغر بسمات =ولا السراب اللي خذلنا مجيّه
ارسم من ألوان التعابير لوحات = أطيار وأشجار ورودٍ نديّه
والورد يزهاه الندى والفراشات = ويذبل اذا حطوه بالمزهريه
لو يزرعونه بالغرف والممرات = الورد يزهى بالفياض البهيّه
حصّلت من كثر التجارب شهادات = تجاربي ياليل ماهي شويّه
ويامحمد المطـرود راعـي القريـات=ياللـي علومـك يالشـراري نـديّـه
أنـا أفتخربـك ياسليـل الـشـرارات=لنّـك نقيّـاً مــن ربــوعٍ نقـيّـه
عطنـي علومـك يازبـون المخـلات=ياصيرمـيٍ مـن ضـنـا صيرمـيّـه
تطري علي لاجيـت أخـط العبـارات=ولاجيـت أبـهّـر دلّــة الشاذلـيّـه
حبّيت أجاري دايـم السيـف بالـذات=واخشـرك فيهـا دام الأشـواق حيّـه
ومن قبل ما اختم قصّتـي والمجـارات=صلّـوا علـى طـه شفيـع البـريّـه

ياليل خاويت الشقى والمسافات =كم ليلةً تبكي همومي عليه
ياليل بشكيلك همومي بالأبيات= وأجاري اللي قصته سرمديه
فيها سؤالا حار كله معانات=يشكي صدى صوت الحياة الرديه
ثوب اليتيم اللي قصر بالمقاسات =لا تسأله ما دام ثوبه عطيه
اليتم لو يرسم ورود وعبارات=ماهو دليلاً للحياة الهنية
الورد لو غلف بوسط المحلات =ما هو مثل ورد الفياض العذيه
يعني يغطى دمعته بابتسامات =الواقع المؤلم جروحه خفيه
أنا من دروب الحزن كلي أشتات =أرسم غياب الشمس وقت المسية
لوحة حزن تحمل فراق ومتاهات=الدمع بللها وصارت نديه
سلام يا حراً تعلى الطويلات =شبلا رقي للمجد والمجد زيه
من ساس عتبان وشموخ البطولات =متوارثين الطيب هو والحميه
وأنتم هل الهيلا ولابة مروات =شرب المصايب دلتاً شاذليه
تشهد لكم صفر الخيول المحنات =والسيف والقرطاس والمهمهية
صغيركم مثل البحر والمحيطات =وكبيركم مثل النجوم العليه
وأخص أنا نايف زبون المهمات =ابن العبيد اللي افتخر به خويه