يهل الركيب إلي زهابـه شلاتيـح= حطو لهنه بيت أبو نايف يمامي
بيت مرادن ياردونـه هـل الفيح= ويسرع الى هشال الخلاء بالمقامي
وصنيتــه يعبالهـا هبـت الريح= أكوام حيل للنشاما الحشامي
ونجرن إليا حرك سرى له تضابيـح= على دلالاً مكرمات شوامي
طعامهن من سوق صنعاء بتصليـح= يشرى لها البن المصفا قطامي
وبهار الهيل الخضر خالطـه ريـح = الزعفران اللي جديد وعامي
في بيت حمـاي العيـاد المدابيـح = لا حل عند أقطيهن الزحامي
ولحق الطلب شهب وهلها مشافيح = بحدبٍ يفجن المضارب شمامي
أنتم يابـو نايف مقـر التماديـح= كم خيرن يسند عليكم كلامي
ذكرك جذبني من بعيدن ونا مريح = هشك ولطفك لضعوف اليتامي
واللي يجيك منشح الحـال تنشيح= كنه على شط الفرى ما يضامي
يصبح مسرٍ والروايـا مشاويـح = من جمة دايم قراحٍ هشامي
من بيت أبو نايف عشير الطماميح = ريف الهثالا جعل عمره دوامي
بيته تزوره مبعدات المسـاريـح = عوصٍ وكن وصوفهن الأدامي
والا نعاماً للمداحـي مراويـح = عقب العصير وكدن شوف رامي
وفاضاً على مقطر بيوتاً مداويـح= وشافلهن بيت كم الضلع زامي
في ربعته تلقـاء سواة المياييـح = فيهم صدير وفيهم أحداً ضوامي
عداً ليا حرك جمامـه ليا فيــح = عليه غادين الخلايق لمامي
قلته وأنا عندي على القول تصريح =ومدحي لعوجان النواضر همامي
وسويت من صدري بيوت مماليح =تصعب على غير وأنا لي تمامي
وزينتها لعيـون راع المطاويـح =حقن لبو نايف علينا لزامي
من يوم جوني بالخبر منه أنا مشيح =أمشي النهار وساهرن في منامي
بنساهر الي ينطح العلم تنطيـح =حلال عسرات الأمور العظامي
طير السعد ما عذب أهل الملاويح =صيده من الجل الجواز الجسامي
أبو هلا ما سنح البـاب تسنيـح =تفرح به الى من حفاها دوامي
وصلاة ربي عد ما ذعذع الريـح =وعداد ما يمطر سحاب الغمامي
على نبين وضح الحق توضيــح =وبالبعث يشفع لأمته يوم قامي

يامرحبـا ياميـر نجـد واهالـيـه=مـن جـدك الاول قديـم وتـالـي
انتم شيوخ البر واللـي نـزل فيـه=ماطـرت القمـرا ويـم العبـالـي
وايمن منازلهم حـدود العلـم فيـه=ويسار لامن الحيـا جـاء شمالـي
ترعونـه بعـرب تقطـف حلاويـه=غصب على نشرالخفيـف الموالـي
وان صرصر الجندب ويبست مراعيه=تلقى على المحدث بيـوت واهالـي
تلقـى بيـوت قيلـن الفـلا فيـه=ومصطـرات فيـه صبـح الدلالـي
ومن غيرها يلقى العشا عند راعيـه=يلقاه مـن شانـت عليـه الليالـي
لاد الكريزي لاشترى الموت شاريـه=ثم صاح صايح والدبش في المفالي
لحقوا على مثل المها فـي تحاليـه=صفر غذاها مـن حليـب المتالـي
مركاضهم يبرد ضما كبـد راعيـه=لا دبـر الاول وخــلا التـوالـي
لا قام راع الغوج ينخا ولـد خيـه=يافـلان ياحامـي عقـاب التوالـي
ترى حصاني شرعن الرمـك فيـه=بمشلشلات مثـل وصـف الحبالـي
كـل ينـادي ميتـه يقتضـي فيـه=والحوم في جو السماء لـه ظلالـي
اوحي الكريزي يوم كثرت عزاويـه=ماعاد لي حيلـه ولا لـي محالـي
قمت اندب كحيلان يرفـع مواطيـه=وقام يترفـع مـع رفيـع الحبالـي
در العرابا شاربـه فـي حواجيـه=قـام يتزبـر كـنـه ام الغـزالـي
انت الامير اللي زهى الكيف راعيـه=والختم في يمناك عصـره هلالـي
ورث لبوك وجـدك اللـي يواليـه=والجد الاقصى ذاك ريـف الهشالـي
بيت الندى تلقى النـدى دايـم فيـه=وبيت الهوينا مايجـي لـه ظلالـي
احييت عادة شايـب كنـت تاليـه=وشرفتنا يـوم ان سلكـك جلالـي
يامرحبـا ترحيـب غـال لغالـيـه=وترحيب من شاف المطر والخيالـي
وترحيب مولود حبـا بيـن اهاليـه=امه تجـره فـي سميـن الظلالـي
اهل طلال ويومه اللي جـرى فيـه=كم سابق طاحت عوضها الجلالـي
وكم سابق راحت رسنهـا تباريـه=خلـى ثقلهـا طايـح فالمجـالـي
وصلاة ربـي عـد ماهـب ذاريـه=على النبي اللـي حكـم بالعدالـي