الهيـــــــــــــلا *** منتدى قبيلة عتيبة

السلاا عليكم ورحمة الله وبركاته

اخواني مســآأكم الله بالخيـــرر

هذي ابيات قليله وتكلم عن نفسهـآآ

اتمنى انها تنال على اعجابكم ويسعدني مرووركم..

لي مع غرابيل الليالي مساري=ولي مع هجوس الفكر سجه ومنهاج
اسري مع الهاجس وكثر الطواري=حتى جبين الصبح والنو ينباج
ماكن حس بضيقة الوقت غاري=ضيقة عزيز(ن) حده الوقت( واحتاج)
جرحه من الايام ماهو بـ باري=وعزالله بيبطي ولاحصل اعلاج
عليه من دورة زمانه مواري=وبين عليه من الشقى (وجه الاحر1ج)
تضيق في عينه فجوج الصحاري=وتسبح به افكاره على كف الامواج
كنه بها لاظلم الليل داري؟؟=هواجس(ن) تلفي له افراد وازواج
واصبح خبير(ن) بالدهر واستشاري=من كثر ماواجه من ( ايام الازعاج)
وقلبي مولع بالسرى والغداري=في ليلة(ن) براقهـآ يلعج العـآآج
مع ظف ذود(ن) يقتفيهـآ لواري=ابواش بدو(ن) حولت من ورى ثاج
يمشون في ساقة اطوال السماري=في شفها لو من ورى حد الاسيـــآآج
ذيدانهم ترعى نبات الخباري=في مرتع(ن) ماقد مشى فيه دواج
وضيانهم تلفت نظر كل ساري=شليخ سمر(ن) جمرها له توهـآآج
وفي جالها صفة دلال وغواري=ونجر(ن) يجاوب مولع(ن) صابه اخــلآآأج
بدو(ن) تعلق فالعمود السواري=في كسر بيت(ن) لمبته ( شمعة اسـرآأآج)
اعيالهم يروون حد الشبآأري=نطاحة الهيجا ليا جتهم افـوآأآج
واصغيرهم بالجود والطيب ضاري=وكبيرهم للحق بالحق فـلآأآج
( ودي بهم) لو كان معهم (مباري)=بدو(ن) لهم في نجد مدهل ومدهـآأآج
قلب(ن) عليهم في حشاه انتحاري=يسلى ويلقة له عن الضيق مخراج
ويسج عن لجة حياة الحواري=الي منازلهم ورى ( قفل مزلاآأآج)
ويسلى عن الهاجس وكثر الطواري=الي مــ ع ـــه لين ابلج الصبـح ينبــآأآآج >

وسلاامتكم

فـــوآز الـعـصـيـمـي .