قصيدة مخلدالقثامي في هذال الشيباني ( أخو همــــلا )
 

هذه قصيدة للشاعر مخلد القثامي في الامير هذال بن فهيد الشيباني يذكر فيها بعض خصاله المعروفه يقول مخلد:


ياراكب حمرا تبوج اشهب اللال0000تهوي كما يهوي فريد الادامــــي


عملية في مشيها ترمل ارمـــال0000عملية من قاطعات المضـــــــامي


اليا عطت دو الخلا تهذل اهذال0000اهذال ذيب محتديه الظـــــــلامي


اسلم وسلم لي على الشيخ هذال0000سلم على الحر العديم القطــــامي


ياراكبه مني الى جيت هــــــذال0000لعل عود عقبه للرحـــــــــــامي


في مجلسه تلقى من البن فنجال0000وهيل يكثر بالدلال الحشــــــامي


مع حكرة فيها من السمن زلال0000ولها من الحيل الجلايل أيــــدامي


حر تزلزل من طويلات الاقذال0000نلطم به العدوان شرق وشـــامي


كم راس شيخ زوله عمد لازال0000لا جا لزافات الجموع ادحـــامي


شيخ يتل الخيل زينات الاذيــال0000يبرى لها عبد كبير الهــــــوامي


خيل زهاها اللبس والجوخ والشال0000وربع يروون الحداب الحيـــامي


نبيه للراس المصعفق اليا مـــــــال0000لا سيقة العطفه نهار الزحـــــامي


اما لنسل مضيم وافين الافعـــــال0000والا لعلوى اهل الجموع الزوامي


ان شاف نشر اعداه نوه بالاجمال0000ورفرف بجنحانه وكسر وحامـي


كم هجمة يقطع عليها اشهب اللال0000هجمة حريب دونه الليل زامــي


قلط سبوره واول الفي مامـــــــال0000راحوا عجال وعودوا باغتــنامي


واصبح يعزلها مبندق وخيــــــال0000والنشر الادنى قنعوه العســـامي


وله الى يبسن الارياق محــــوال0000بالمارتين اللي تصيب المــــرامي


ويا نجد والله مانبيعك بالابــــــدال0000يا مرتع الشقحا ردوم السنـــامي


ويا نجد ياما راح فيك من الاجيال0000وياما غدى بك من رجال وجهامي


يانجد لاترهب من الحرب لو طال0000ترى شراع الحرب ماساع قامي


ابشر بجيش وخيل واسلاح ورجال0000صفر وحمر مثل لون التهـــــامي


ياما قطعنا فيك من راس خيــــــال0000لاثار عج مغبرات العســــــــــامي


باكر الى علك من المزن هطــــال0000وشفت الزهر كاسن خشوم العدامي


اما تحدرنا من العرض وشمــــال0000والا علينا للطلايع مـــــــــــــــلامي


مثل النهار اللي غطا هضبة الضال0000فيه الدويش وفيه ولد الامـــــــامي


ولدوا على خشم القهب سيلها مال0000ناخذ عمار مجربين الاســــــــــامي


يابو جهز ياعز من ضده الجــــال0000امشي على الرجلين مثل النظــامي


ياشيخ ابالي حرة ترمل ارمــــال0000مكسوبة من مال قوم قيــــــــــــامي



مع تحيات اخوكم 0000سيف العدل0000

صح لسانك يا سيف العدل
والله يرحم مخلد ويرحم أخو هملا
وتسلم يمينك ولا هنت قصيده جزله من شاعر فحل في شيخ من شيوخ القبيله

اشكرك اخوي الحر الاشقر وماسوانا غير الواجب

مع تحيات اخوك 0000سيف العدل0000

لا هنت يا سيف العدل
وستجدني قد كتبت هذه القصيده وفي نفس الصيغه
وفي قصيده القثامي للعضو المتنبي فنظر الي صفحه المتنبي
وسلامتك

الخنفري 00000000000000000000000000000؟

سيف العدل
وضح شقلت ؟

ابدا اخوي الخنفري بس كان ودي يوم انك نقلة هالمشاركه في صفحة المتنبي ذكرت من هو اللي نزلها في المنتدى احقاقا للحق والله من وراء القصد0

اخوك في الاسلام00000سيف العدل0000

اخوي سيف العدل
انت لم تفهم قصدي
فانا كتبت القصيده ولم اعلم انك كتبتها ولو داري انك كاتبها كان ما رديت على المتنبي هذا مقصدي

الخنفري ماصار الا الخير ولاتشغل بالك وعلى قول القايل:

اشره على الطيب ويشره عليه000000000000000000!

0000سيف العدل0000