عتيبه الهيلا
 

أسعد الله اوقاتكم بكل خير
هذي القصيده اهداء الى كل قبائل عتيبه و موجهه الى سعادة الدكتور/عيد بن لافي العتيبي

ياهاجسي والوقت ضيق ومحدود
هات الجزال الشاردات المهيبه
نوادر الأشعار تأتيني وفود
بالذات لا قيل الشعر في اعتيبه
اعتيبه الهيلا هل الطيب والجود
وأهل الشجاعه والخطر ماتهيبه
وأهل السيوف الحدب والخيل والذود
اعدوهم يرجع بكسره وخيبه
روق(ن) مع برقا هم شعله وبارود
ياويل ويله من نوو بالحريبه
لاجاء نهار(ن) فيه ظاهد ومظهود
والحرب في الميدان شبت لهيبه
النقص لاعداهم ولعتيبه الزود
والله خلقهم للمصايب مصيبه
تلقى العتيبي للصعيبات موجود
يحلها من طيب ساسه وطيبه
وتلقى العتيبي لازعل ياسم كبود
واذا رضا يبري كبود(ن) صويبه
والكايد اللي دونه الدرب مسدود
لوكان مستصعب ولا احد(ن) يجيبه
تأتي به العتبان مربوط بقيود
اما يجي بالطيب والا غصيبه
يالله لامن صارت ابروق وارعود
وجاء في السماء يالله صوره عجيبه
تمطر ولكن..ياالله برحمه وزود
في كل دار(ن)تسكن بها اعتيبه
يقولها اليامي بلا قصد مقصود
وفلاح مايبغى وراها طليبه[/size]

صح لسانكـــــ يافلاح

وشرفت منتدى عتيبه بقدومكـــ

وصح لسانك


ولاعليكم زود

صح الله لسانك
والله والف بلاببتك وابك انت
وهذي عوايد النشاما والطيب لايستغرب من اهله
ويامرحبا بك سعدنا بمشاركتك

صح السانك ودام إبداعك , ولاعليك انت وربعك زود , ويستاهل الدكتور عيد.


تحياتي

صح لسانك يا فلاح وبيض الله وجهك

اخوي مرزوق العتيبي
صح بدنك والطيب انتم هله

حاكم الغنامي
صح بدنك ولي الشرف بالتواجد بينكم

عبدالله البرقاوي
صح بدنك وانتم تستحقون المدح