محاورة بيني وبين الشاعر فايز العازمي من بني عطا ...
 

((فايز العازمي ))

ياعيد لا اوصيك ف اذناب النصارى واليهود
اوطى على الحوثي بخف الرجل والعن مترسه
والله وسبع انعام فيك ليا وصل قدح الزنود
تحطها ف الوجه يعتيبي معندك دسدسه



(( عيد الذيابي ))

من غير تعطيني وصاية مالهم قدمي وجود
ازهل زيود اهل اليمن والحد واجب نحرسه
والنعم فيكم جعل يفداكم من الدنيا جحود
ناسنً ليا جاها العدو مايغزي الا تفرسه



((فايز العازمي ))

ماباقي الا الذيب تطمع به مسحبة الجلود
مير الولا تكفون ف الطفل الصغير نغرسه
فرس العدا متعودينه يومها خيل" وذود
خذنا دروسن ماخذوها اللي بوسط المدرسه



(( عيد الذيابي ))

الذيب مايرحم ظهر شاه ولاهو راحم قعود
يأكل من النعمة مافكّر في خبول العسعسه
بني عطا نعم الرجال اللي يمانيهم تجود
وحنّا عتيبه والخميني لا نوانا ندعسه




(( فايز العازمي ))

الذيب يجفل لاسمع رمي" مثل صوت الرعود
لكن يهوش ان كان شن الحرب مادن جرسه

بني عطا وعتيبه الهيلا عما عين الحسود
من غير قاصر في رجالن من حقرها تخرسه




(( عيد الذيابي ))

سرحان لأمنّه صمل في صيدته ماهو شرود ••
ينومس عياله وهو فعله عظيم ينومسه ••

كلنً كسب نعم وفعل والحكم لعيال السعود ••
ولااحدنً ينقّص في شليويح العطاوي وفرسه ••

ابدعتم وامتعتم صحت السنتكم