يا سلام الله سلام الشاعر الشهراني=شاعرٍ مبداه بالمعنى مع التسليمه
كنت أعدّ أهل الفجيره من عداد اخواني=لين شفت أهل الفجيره تدبل التنعيمه

ياهلا يامرحبا بالشاعر البطراني=يبدع القيفان ماكنه يقول كليمه !!
لاتضيق الا من العجرا على الحجاني=بعدها ماكل طقة ، طقة وتعليمة!!

البقا بك يا سعد يا شاعر العتباني=وانت خابر كيف صوت الرعْد وسط الغيمه
فيك من هرجك ثلاثٍ تضبط الميزاني=غير هرج العام الاول ما نبي تقديمه

والله إنا خابرينك جمجمة ولساني=لوقطعت الك اللسان ارويسك بلاقيمة
العتب ياصاحبي مايلحق السرحاني=مالقا البارود قدمة مالقا الا غنيمه !!