الهيـــــــــــــلا *** منتدى قبيلة عتيبة

كما يعلم الجميع ان الشعر ديوان العرب والقصه اللي مايكون فيها ابيات شعر تثبتها تعتبر قصه غير موثوق فيها وكما تعلمون القبائل قديما غازي ومغزي عليه ويوم لك ويوم عليك وهذه قصيده ايام الحرايب بين البقوم والحرث والسبعان يوم كلن مدته من ذراعه وصراحه اعجبتني من الراوي وحبيت اشارككم بها في المنتدي العامر باهله وبضيوفه

يقول الشاعر حمد بن عثمان الجنيبي البقمي
تواجهو حرث وسبعان وبقوم------مثل الورود اللي علي الماء صرايم
والعلم عود عند الاد ابن جغثوم----- هل بندق تبني عليها الزرايم
الطير في دقلاتهم يكسر الحوم ----- والذيب يلقى فالمداس اللحايم
ولاد الكليبي كنهم حد مسموم----- من يلمسه باتت عيونه سقايم
ياليتني حضرت معهم طرف يوم---- يوم الفتيل مولع بالبشايم

والبيت الاخير القائل
ياليتني حضرت معهم طرف يوم--- يوم الفتيل مولع بالبشايم
يدل علي ان الشاعر من ابطال الرجال يتمني حضور الشر والذابح والمذبوح من قو شجاعته والسطاره اللي براسه وحميا في ربعه والله يرحم الاولين شجاعه وصدق وحميه في ربعهم

---------------------------------------------------------------------------------------------------------------
وهذه ابيات حكمه اعجبتني لشاعر من البقوم يحب التسامح ساله واحد من ربعه قاله انت تحب التسامح فقال
تسامحي مافيه نقص ولا عيب----ترى التسامح من صفات الرجوله
العيب رجال يكب المواجيب----- والا علي الغرات يشعب ذلوله
ارفع مقامي في طوال المراقيب---- وكل بتعرف طلعته من نزوله

قائل هذه الابيات هو سحيم بن رفاع من الدغافله من وازع البقوم

وسلامتكم