تعال يامعجب اليا غاب مرزوق=واحسب حساب الاوله والاخيرة
لاتبدي اسرارك على كل مخلوق=ماكل مخلوقِ يحفظ السريره

اهلا هلا بالصاحب اللي على ذوق=يبدا بداياته ولو هي خطيره
القلب ياناصر بالاسرار مغلوق=عاش بمسيره واستمر بمسيره

(الله من العيلات وانا ولد روق)=طاحت حبوبك فالرحى المستديره
لسانك المفتاح والصدر صندوق=والرجل يحفظ كلمته في ضميره

يقولها ناصر وله قلب محروق=مدري زعل والا يباها ذخيره
يلعب ولد مرشد على كل طاروق=طالب وينصح ياعتابه مديره

لي كلمةِ تسمع ولي نضرةِ فوق=ويشيرني راع الوفاء واستشيره
خابرك ثقل وعقل مانته بمطفوق=وعندك مع الايام بصر وبصيره

بدر الكريزي /مرحبااااااااااااااااااااا مليون شرفتنا





فواز/عليك السلام ورحمة الله وبركاته حياك الله لنا الفخر



ناصر الجلاه/ حضورك دافع معنوي لي ومحبط نفسيا للمعجب