الهيـــــــــــــلا *** منتدى قبيلة عتيبة - ابيات شعريه في بعض مواقف قبيلة عتيبه الهيلا

معركة ريحان المشهوره بين قبيلة مطير العبادل تحديدا علي راس عقيدهم مسيمر الفراوي وبين خمسه من الحفاه خامسهم ولد صغير جاله فعل مشرف
ولقد سطر الحفاه الخمسه في هذه المعركه الاسطوريه اعلا مراتب الشجاعه والاقدام حيث انهم ردو ابلهم وكسرو القوم المقدرين ب400مقاتل واثخنو فيهم قتلا وهي بحق تعتبر مفخره كبري من مفاخر قبيلة عتيبه بشكل عام وقد قليت في هذه المعركه كثيرا من القصائد التي بعضها نشر وبعضها لازال غير معروف وغير متداول ولقد حاولت جاهدا ان اجمع مااستطيع من القصائد التي قيلت في هذا اليوم العظيم واعذرونا علي القصور

القصيده الاولي لصاحبها الهليمه بن ثمر الرقاص الحافي

نهار جونا العبادل مع مسيمير----يومن علينا لعله مايعودي
ياكثرهم يوم جونا بالخواوير----ماكنها الا دحاميل الورودي
يوم الحميمه تعاقبنا المخاسير---يوم الردي باه والطيب يزودي
يم الحميمه ضحاءجاله تفاكير---يوم الملح ثار يشدي للرعودي
ياما حلي الخرص فالحمر المناحير---اما تفج النحر والعضودي
ياذيب ابالفوس والخفقان والنير---عان العشا في صراديح الصمودي
ياما ذبحنا لعكفان الدناقير---من فاطرن نيها حشو البدودي
كم عيطموس تسير بالدواوير---عقب النكايف تكثح بالنفودي

القصيده الثانيه لصاحبها سالم ابو شيبه الرقاص

يازقم يوم جانا المستصيح----ثاترت القنبره فوق البيار
ثم ردينا لزينات الضبيح---ثم قمنا وناطحنا نوار
قال زامل نوار انته طريح---قال جوكم هل الجفره مطار
ثم ركبنا علي هجنن طفيح----وسيرنا بزلبات المهار
ثم نحرنا الحراوي نستضيح---قالو الكون عقبكم يسار
ثم ظهرنا الي العلم الصحيح---واختلط عجهم هم والبكار
قال زامل عزاتي من يطيح---لاحد يرفعه ترى اليوم عار
قلنا والله سعدك ان هب ريح---والله انا لنعشي كل طار
وقال مانع لنا علمن قبيح----وقال حجي مطماتن كبار
وانقصونا برجالن ذبيح----واعطبونا عساهم للدمار
كل ماجيت ابي ادله واستريح---هيضوني مذريت الحرار
كل ماجيت ابي ادله واستريح---هيضوني متيهت العشار
كل مااجيت ابي ادله واستريح---هيضوني مدسمت الحكار

يقصد الشاعر سالم ابو شيبه ببيته الشعري ((قال مانع لنا علمن قبيح)) يقصد كلمة مانع الرقاص انشالله نرد البل او مايشاء الله نردها الا ان كان الرصاص الحمر مايفكها

ويقول كذلك الشاعر سالم ابو شيبه في بندقه هذا البيت الشعري من ضمن قصيده فقدت للاسف
ياما ذبحت ابها غلام حمر عين ----الين ماريحان مااروح جنابه

القصيده الثالثه لصاحبها عبدالله بن رماح اليابس الحافي

الاواشيب عيني يوم جونا جردة المطران---علي العيدي حرار الجيش يقداهم مسيميرا
فزعنا واحتزمنا يوم صيحنا ولد شيبان-----لياهم يدفعون البل مجاهيم ومغاتيرا
تمذرعنا عليهم كل صمع مالها صعران---عطيبات المضاريب وسيعات المظاهيرا
والا ياذيب ياللي في القرى وذيابة الخفقان---تعهدنه علي الحول تلقن الاساويرا

القصيده الرابعه لصاحبتها حصه بنت مشعان ابالخيل المهيدلي العطاوي زوجة ثامر بن سعيد الرقاص

صدر قطيع مهتني له بمرباع----عشبه رطيب فوق عد قراحي
وجوهم هل الجفره علي وقت مهجاع----واوحو هل الماء رميهم والصياحي
وتناوشو عوص النجايب بمفزاع----000000000000000000
وغدابهم زامل ومانع وهزاع-----امسبلين الروح دون اللقاحي
وفكو عشاير من جديله يجي باع----عقب استحلوها وساع المناحي
وان القرافه يامدورة الاطماع----ياهدم عز ابيوتهم يوم طاحي

-------------------------------------------------------------------------------------------------------------------------

هذه الاحديه النادره لشاعر من شعراء الجعادين من العصمه يفتخر فيه بفعل ابناء عمه العصمه في المناخ بين عتيبه واعداءها ويذكر عطفتهم التي ساقها مشعان ابالعلا والتي كانت من اكبر عطف عتيبه عددا وعده في هذا المناخ وجالها فعل مشهور ومثبوت

يقول الجعيداني العصيمي
سلام من بال بردان السلام----ياميرنا يوم القدايم والسلوم
يااميرنا يوم الملاقا والزحام---يوم العطف سيقت علي الدوشان قوم
قاد الجمل قدام ربعه بالخطام----عليه جوزاء عزوة القوم القروم

هذه الاحديه النادره التي تنشر اليوم في هذا الموضوع لاول مرره وهي مدح في العلاوات
تقول الشاعره
ان كان عربنا(000)-----عويذا وافترقنا
وان كان عربنا العلاوات---ياسعدنا ياطربنا

-------------------------------------------------------------------------------------------------------------------------------

وهذي ابيات من محاوره بين المرحوم مطلق الثبيتي واحد شعراء السدارا خوال الملوك وهي ابيات نادره قد اجزم ان كثير من القراء لم يسمعها من قبل

يقول السديري من ضمن محاوره طويله هذا البيت

الثبيتي الضعيف مايعرف ظعنا---- حنا السداري موردت الحديد
يقصد بموردت الحديد أي انهم هم اللي كانو يمدون الدواسر ضد الشيابين في هية الهضب بالرصاص والسلاح وكان يقولها مفتخرا الا ان مطلق وكعادته رد عليه الرد المفحم جعله ينسحب من المحاوره ويهرب
يقول مطلق الثبتي رحمه الله هذا البيت وبيض الله وجهه وصح لسانه
عزنا ما جالنا من جادلن عند اهلنا-----السدارا دواسر والدواسر عبيد
يقصد بالشطر الاول ان السدارا جالهم عزهم من اختهم حصه زوجة الملك عبدالعزيز ام الملوك اخوان نوره حتي وصلو للي وصلوله

واعذرونا ياربعنا عتابه علي القصور