حداة العوازم على الحروب
 

حدايه العوازم (من عتيبة) للبلادية في حفل زواج محمد جمعان
البلادي في محافظة رابغ ........





سلام رده من عتيبة كلها مسكاً و كادي
تنصى الحروب أهل الكرم وأهل الوفاء وأهل المبادي
مجينا من نجد تقديراً لدعوات البلادي
والطيب لأهل الطيب من عند الولي حظ ونصيب
والثانية يا ويش رجل ذاع جوده في البداية
لين أصبح لكل البشر في ما مضى مقصد وغاية
وله ثلاث سنين وهوه من الجناح إلى العناية
والدم له لونين والعلة ما عالجها الطبيب



الرد من البلادية :




يامرحبا من حرب للعتبان ذرفين الأيادي
ترحيبة مثل الحيا اللي من مزون الغيث قادي
أنتم عتيبة ربعنا وقت اللاقى كيد الأعادي
ميقافنا واحد وكل عن لزومه ما يغيب
اللغز حله سوق الأسهم يوم سووله دعاية
أحد كسب وأحد مع الأيام صارت له حكاية
والوقت هذي حالته ما فيه شي بلا نهاية
واللي حصله درس ما ينساه يفهمه اللبيب

يعطيك العافيه

نقل طيب

دمت بخير

ونعم في العوازم والبلاديه من حرب

وابيض وجه ياسهيل على نقل الحدايه الرائعه

ودي وتقديري لك

مشكورين على مروركم

وبيض الله وجيهكم ياعتابه

هلا هلا بالجميع

مروركم ششششششرف

لا هنــــــــت وسلمـــــت يمينـــــك علــــى النقــــــل الجيـــــد

سلمك الله يابو دحيم