قال أبا ارحل وتوديعك قريـب=غيبتـي خالقـي يعلـم بهـا
وأنت فكر وجيب اللي تجيـب=بس الأحـزان عنـي خبهـا
قلت هجران؟ قال بهمس .عيب=فكرة الهجر تكفى كبها
ويوم دنّـق وكررهـا بـ .أغيـب=كن الاضلاع جا مـن شبهـا
خيم الحزن والموقف عجيـب=والعيـون السحـاب يصبهـا
من ينادي علينا مـا نجيـب=لـو شتمنـي ولـو يسبهـا
و ابتسم يكسر الصمت الرهيب=قال نفسك حراام العـبّ بهـا
بس أنا امزح وظني ما يخيب=وَحَّدَه تختبـر مـن حبهـا !!
واشهد إني وثقت انك حبيـب=أنـت نـور العيـون وطبهـا
قلت لو هي تكرر.. قال عيـب=تحلـف الـروح بالله ربـهـا
ولّ يا موقف اليـوم الكئيـب=جاب الاحزان شعـر وصبّهـا

المشاركة الأصلية كتبت بواسطة علي الثبيتي (المشاركة 1105859) بس أنا امزح وظني ما يخيب ----- وَحَّدَه تختبـر مـن حبهـا ياطيبها وطيب اختبارها ههههههههه صح لسااااانك يالذيابي