افواج الحرس الوطني ""الجهاد""
 

السلام عليكم ::
كيف الحال وشلونكم عسى الامور تمام :::

الحقيقه انا عندي الكثير من الاسئله عن هذا القطاع وقلت بسألكم عندكم اجوبه عطونها تكفون واذا ماعندكم معلومات عنها اسئلو ربعكم وأقربائكم؟؟ وردوا علينا لان الموضوع مهم بالنسبه لي وبأذن الله انكم على أجر في فزعتكم هذي.
والاسئله هي=====
1-كيفيه التقديم عليها؟؟؟؟؟؟؟؟؟؟؟؟؟؟؟؟؟
2-هل يستطيع الطالب الجامعي اكمال دراسته الجامعيه والعمل فيها في نفس الوقت؟
3-هل يصبح مسمى وظيفتك عسكري؟
4-هل استطيع التنازل عنها في اي وقت >بيعها< او لي مده محددها يجب علي ان انجزها؟وكم توصل اسعارها؟
5-هل امنع من السفر الخارجي الا بتصريح اجازه خارجيه منهم؟
6-هل فيها دوره اجباريه في بدايه العمل بها؟وهل توجد فيها دورات اخرى مثل القطاعات العسكريه الاخرى؟وهل هي اجباريه؟
7-الدوره العسكريه هذي ايش مدتها بالظبط وايش يدربون بالظبط؟هل هم مثل القطاعات العسكريه الاخرى؟
8-كم يوصل راتب الموظف فيها في البدايه اذا كان يداوم ؟واذا كان لايرغب في الدوام >يعني الراتب ينزل في حسابه وهو وراقد في البيت؟
9-الكثير من الناس يقول اتفق مع امير الفوج ويظبط دوامكم ابي اعرف كيف هذي >ادري انكم بتقولون انك غبي لكن معليش<فهموني هو يأخذ من الراتب ولا كييف ؟وتعامل الامراء بشكل عام ايش يكون؟
10-دوامه ايش وضعه يعني هم وش يمسكون وش دورهم في الدوله؟
11-هل يوضع لي رقم في التامينات الاجتماعيه ولا لا؟
12-هل استطيع العمل في الشركات الاهليه وانا أعمل في افواج الحرس الوطني؟
13-هل فيه أشياء يقدمونها لك لاني سمعت انه يصرف لهم سلاح وتصرف لبعضهم سيارات؟
14-ايش اقرب دوره عسكريه لها في الوقت الحالي؟؟

تكفون يالنشاما عطونا الاجوبه.

الجهاد هي الافواج التي شاركة في توحيد المملكة العربيه السعوديه مع الملك عبدالعزيز ال سعود رحمه الله

ولاتستطيع التسجيل فيها عن طريق مكاتب التجنيد لان صاحب البندق يحق له التصرف بها بعد احالته للتقاعد

سوي بتسجيل احد اقاربه او بيعها الى من يريد

واسعارها الان تصل الى 100 الف ريال سعودي وفيها دوره عسكريه لمدة سته شهور وهي تابعه للحرس الوطني

وبدايه الراتب 2500 ريال سعودي وليس فيها دوام رسمي الا في السنه هناك مناوبه لمدة شهر في الفوج

وتستطيع تكميل دراستك وانت على راس العمل والان اصبحو يسجلون المهنه في الاحوال عسكري اما فالسابق

فهم لاينضرون للمهنه وانت تستطيع التنازل عنها في اي وقت الى اي شخص تريده


تحيتي

الله يعطيك العافيه يامشرفنا العزيز.
على هذي المعلومات المهمه.
^&)§¤°^°§°^°¤§(&^وانا في انتظار رد بقيه الاعضاء.^&)§¤°^°§°^°¤§(&^

يعني مايمديني اقدم عليها لازم احصل احد يتنازلي والمشكله الاسعار غاليه مره.
الله يعطيك العافيه ياذيبان:بناخي الايداء ماقصرت.
في انتظار رد بقيه الاعضاء

بناخي الايداء الراتب يبداء من ثلاثة الاف ومائتين هذا قبل ست سنين اعتقد الان زاد

هلا فيك بناخي الايداء
بالنسبه للفوج فأنا كنت فيها واخذت الدوره في ديراب بصراحه فله وكانوا يعاملونا غير عن الكتائب
يسمونا عيال الشيوخ
والدوره 3 شهور وعشره ايام وكنت اطلع يومي عشان معي واسطه
واذا خلصت ترفع المباشره من المركز حقك ولا يشوفون وجهك حول لهم 1600 حلال لهم ؟؟؟؟؟ ورح على كيفك وتقدر تبيعها بس ماتقول للأمير انك بايع تقول انك متنازل عنها وان اللي بيأخذها واحد يقربلك فقط والراتب الحين 4350 بالثانوي فقط للأفاده

هاوي طويق السلام عليكم


الحين النظـام الجـديد ماياخذ البندق الا اخوه او ولده

امـا يجيب اي واحد ويقول انا متنازله ع البندق خلاص هذي اول الحين

ياخوه او ولده ؟؟؟

وخذ العلـم من عندي ..