الهيـــــــــــــلا *** منتدى قبيلة عتيبة
صفحة 1 من 3 1 23
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   المحاورات المنقولة الكتابية والأراء النقدية (http://www.otaibah.net/m/forumdisplay.php?f=66)
-   -   الأبداع بين مستور العصيمي وعلي العضياني (http://www.otaibah.net/m/showthread.php?t=112702)

ابو فايح 27-Jul-2010 05:33 PM
الأبداع بين مستور العصيمي وعلي العضياني
 
مستور العصيمي وعلي العضياني طاروق فايف ستار



علي العضياني يسأل مستور عن إعتزاله ويقول أن عتيبه مافيها مثلك وتأتي الإجابه من مستور العصيمي بأن الأمر ليس بيده وأن السن له دور في ذلك وتستمر المحاوره في إبداع ومراوغات ونقاش شعري رائع



بيت أعجبني في تركيبه وفي معناه


مافي بني تغلب مثل سالم الزير= اللي تكحل له عيون الجليله



أترككم مع الطاروق


علي العضياني
يامرحبا و اللي بعدها مساء الخير = في ليلة(ن) تسوى ثمانين ليله
ماعاد يا مستور فيها معاذير = يالشاعر اللي تعتزي بك قبيله




مستور العصيمي
دام البقا يا مكرمين الخطاطير = يا اهل الوفاء وأهل العوم الجميله
الرجل تعبت من طوال المشاوير = يا صاحبي ماعاد فالامر حيله


علي العضياني
راع المراجل مايحسب المخاسير = حتى ولو إن المسافه طويله
مافي بني تغلب مثل سالم الزير= اللي تكحلّ له عيون الجليله



مستور العصيمي
ما انته بشايل لك حجر من شمنصير = كل الدروب ندلها يا الدليله
ياعلي ركّب لك جناحين واتطير = ماتمسي ألا يم حرة بجيله



علي العضياني
ترى حزامك ضد قحطان و مطير = الفارس اللي فوق ظهر الأصيله
صفق الهوى ما حرّك طويق و النير= لكن عدّ الحق بأهون وسيله



مستور العصيمي
ليش النصارى يأكلون الخنازير= و أرزاقهم فالوقت ماهي قليله
انته من العتبان مافيك تقصير = مثل الدواء يشفَ القلوب العليله


علي العضياني
شايب و لك عندي معزه وتقدير = ولاّ ترى رد الاجابه ثقيله
الكيف عانه فالدلال المباهير = يجلى عماس الراس بنه و هيله



مستور العصيمي
الله يعز اللي يقود الطوابير = حيلتك ماهي حيلت(ن) مستحيله
المشترى والبيع ربح و مخاسير = قرب حبال الزند حول الفتيله


علي العضياني
العز في حد السيوف البواتير= والظل من تحت الغصون الظليله
اللي حباله تجذب الماء من البير = مايمشي مع الدرب يقرع صميله


مستور العصيمي
هذا المحيط الاطلسي يا بوابير = واللي يريد البحر منكم يجيله
ياعلي انا بدهن لك السير ويسير = حتى يكون لكل عدله عديله


علي العضياني
اتقولها وأقول هذا شمنصير = اللي يقول إنه يشيله يشيله
بعد الغنيمه جابها مخلب الطير = الغاديه ماعاد فيها عقيله


مستور العصيمي
منته بخابر يوم سوق المظاهير = أهل القنا ماعودوا بالفشيله
كم من ذهيبه مالقوها المداوير = ما أحدن يمدك باليدين البخيله


علي العضياني
من يجحد الأجواد مامعه تفكير =يوم المواقف والسيوف الصقيله

ماجد الهذلي 27-Jul-2010 05:52 PM
علي العضياني

شاعر مبدع وهو من شعراء المنتديات الذين أثبتوا جدارتهم في الميدان

بكل قوة

العهد بعلي قبل كم سنه يوميا ً ثلاث أربع قيفان

هنا في هذا المنتدى

بالتوفيق يا علي وتستاهل

ومن سار على الدرب وصل

خالد بن مورق 27-Jul-2010 05:54 PM
من اجمل الطواريق استمتعة في متابعتها على قناة المرقاب

ماجد العصيمي 27-Jul-2010 06:33 PM
الله حسيبك يابو فايح ههههههههههههههههههههههههه

الجوراسي 27-Jul-2010 06:46 PM
ابداع ياعلي الله يوفقك وييسر لك امرك

ودنا نشوفك في جده

فهد علي العازمي 27-Jul-2010 10:31 PM
صحت السنتهم جميعا

نوآف الغنامي 28-Jul-2010 11:53 AM
لآ هنت والله يبو فاااايح


علي شاعر غني عن التعرييف

ابدع ولا هو غرييب على ابو فلاح

والى الاماااام يا شاعر الهيـــــــــــــلآ




صحت السنتهم

وبيض الله وجيههم

ناصر الجلاه 28-Jul-2010 11:57 AM


..

ابوفايح

..

الله لايهينكـ ياذيبان


حقيقه طارووق من الطرفين


صح لسان الشايب ابوتركي وصح لسان ابوفلاح



..

جمال العضياني 28-Jul-2010 09:39 PM
الله الله
مستور وعلي :::
يحضر الابداع بحضور العمالقه..........

ابدعت ياعلى امام قامه شعريه.......
ومن اجمل ماقريت....




لاهنت يابو فابح على النقل..........

مشاري 28-Jul-2010 09:56 PM
شاعر العضيان شهادتي فيك مجروحه

ابيات تسجل بماء الذهب


ابداع لامثيل له من العلم مستور العصيمي وشاعر العضيان علي فلاح


تحيتي


الساعة الآن »06:03 AM.
صفحة 1 من 3 1 23
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd