الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   منتدى دواووين شعراء المنتدى (http://www.otaibah.net/m/forumdisplay.php?f=99)
-   -   ديوان الشاعر / فهيد الرويس العتيبي (http://www.otaibah.net/m/showthread.php?t=100443)

عمر الدغيلبي 09-Nov-2009 04:26 PM

ديوان الشاعر / فهيد الرويس العتيبي
 
السلام عليكم ورحمة الله وبركاته


أسعد الله مساكم بكل خير


نطرح لكم ديوان الشاعر / فهيد الرويس العتيبي


http://www.gazlaltmathel.com/up//upl...fdbfd1d2fe.jpg


وهو أحد شعراء منتدى الهيلا الرائعين


شاعر متميز أثبت وجوده بجزالة شعره



إليكم ديوانه الذي يحتوي على 47 نص من قصائده من الأقدم و حتى الأحدث


قراءة ً ممتعه




1



لاتبيع الشاص ياراع الوكاله= غيرللي ياوكيله هم هلله
مثل مصلاح الأباعرطاب فاله = البداوه غيرهامابه هواله
كل براقٍ اعيونه في خياله =ياصله لوهوابعيدٍعن محله
ويستوي للي هواه وشف باله=لوتعب نقل القطامي ولعتله
كل نايف جال عدافوق جاله =مايهمه كثرمصروفه وقله
ويستوي للي معألفرجه لحاله=ذيب مسرامايبيله من يدله
لاتحضن طارته يبعد مقاله =ماوقف به حدرميلات آلآضله
ولاترددبه على راع البقاله = يوم بعض الناس هذي سهمتله
فأشوارع يدرج مثل المحاله=شايفه واكيدغيري فاطنله
لوخسارة كل واحدمن حلاله=بس من بعض الاوادم واسفله



2



و الله مطاوع من يذ م السفاري=الأوغيره مانبي غيره اسواه
ا مجربه محتاج تجريب غا ري =عندي اطروقه فالمواتر امخلاه
هو منوة الي مشتقن بالصحاري =لاحافه السواق يطرب الممشاه
مع النفود ولا يهاب الصفاري = واليازماله راس غرمول عداه
ان فكه الله من اصدوف الجواري= لتمشيه ماتنتعد د مزا ياه
لاطب ريضانن تطارخ خباري =في عثعثن مافيه ناقه ولاشاه
جديد نبته ماخلفته الظهاري = علاه توحي لم سالم ملالاه
اخير من لجت حساس البواري = ومن البلد والناس كلن على ارياه
كلن على رايه وانا بختياري = والبرمسلا لين رجلي تمثناه
يرتاح قلبي من شقا كل طاري = والعمر لابده سنينه تقفاه
يقفي كما غثون به السيل جاري= والرابح الي قابلن منه مولاه
في ماقفن فيه الخلايق عواري = يالله ياقابل من المسلم ادعاه
تفكنا من هول هاك النهاري =وصلاة ربي عد نون نثر ماه
وعداد نجمن في دجا الليل ساري = على نبين جا بدين المساواه





3



المجلس الي مايعزز جنابه = نقصن ولونه وساعن مبانيه
حتيش لودايم على الرجل بابه = مهوب والله مطلقن وجه راعيه
لصارمنصً للعفون الزلابه = مال الرجال الطيبه مجلسن فيه
جواًخلا لوهوتقانب اذيابه =اخير من شوف الوجيه المكاريه
مافي مقابل باردالوجه ثابه = الي تغثك هرجته يوم توحيه
اما سكت الهرجتن مستعابه =ولاهرجت ولحقوق المشاريه
هذاك لونه من ادنا القرابه =فرقاه خير ولاتحمل مساويه
لوكان ساعه ماتحمل عيابه =غيره ابلقا الي تنومس شواريه
مناك ولا واحدن من عتابه =ماطاه فألرقه يبيعه ويشريه





4





يقول من ياخذ بكيفه ويختار = فكره يصنفله على كل سيره
لافتردولاب التفاكير وندار = يبدع حسين القول ما يستعيره
ياخذمع الطاروق سجه ومشوار= لامادحن عمره ولاذم غيره
الناس تنبيهاعن الناس الاخبار = والعرف مايخفى الرجال الخبيره
والقل ماعذرب طويلين الاشبار = والمال ماغنى اهل النوس الفقيره
والشار يوخذمن حكيمين الاشوار= والشعرماكلن يجيدإتعبيره
الشعر اله مدخال دربً ومظهار = رجلن يعيرله ورجلن يعيره
ياجاهلن بدع المثايل بالاسطار = الشعر خله لاتعرقل مسيره
خله لبونايف اليا عد بيطار = حيثه من احساب الرجال الشهيره
الي يلهم بالعرف ماردومصدار = ولاينحصون اهل العقول المنيره
يصعب علي اعدهم كلعهم مار = مع ساير العربان في كل ديره
قلته وكلن عنده ادراك وبصار = والسيل يعرف واقعه من عويره
وصلات ربي عدماطايرً طار = على بشير الحق وايضانذيره





5





انا عيني عليها السهر زادي = وحارب نونها حلو الرقا د ي
الاياعين وشبك ياشقيـــــــه = علام الطرف فألسهرمتما دي
وانامالوم طرفك يوم يسهــر = مادامه وامره يسهر إفوا د ي
والاياقلب وشعلمك عليـــــه = تحرك في خفايه كل هادـــي
انت تامر وانا بالفعل اطيعك = انفذ ما بغيته بجتـــها د ــــي
على دربك امصخرتن اخطايه = تحدرني واترقيني سنا د ـــي
إيلين احفيت من تبعك اسبوتي = ولاحصلت من تبعك امرا د ــي
وانا بنصحك يالمجنون هود = وخل اهل الموده والودا د ــــي
مادام الي هويته خان عهده = ترا من يتبع المقفين غا د ــــي
تجنب سكة المقفي لعلــــــه = تنحابه مسايل كل واد ــــــــي
عساه انعاش ساعه ماتهنا = يعيش ابحسرته حتى النفاد ــي
وجعله ميتن لنار تصــــــــلا = اعظامه لين تودعها رما د ـــي





6




يالجيب لوزاد حرك حامي الكنه=ماحاصللك مع المطراش مقيالي
عودت منكف وانافي خاطري لنه = اونس بصدري كما تونس من الصالي
عميات الاريامن العميان لدنه =اضعاف الانفس مغير اجروم وازوالي
لاركيت حملي على الضلعان شالنه =لكن بلايه من الجيلان تنهالي
دام القريب معاذيره يدننه =والي مطرف تعذر دون مدخالي
النفعه الي تجيني دونهامنه=مغنيني الله عن اولهامع التالي
كم واحدٍ لوتهقوا يختلف ظنه = يعد عمره بلبس الثوب رجالي
الي يكبر عضوده مايسرنه = هو مادرا انه مايصلح غير حمالي
محري ومحري ومحرنبه ومحرنه=لوجت عجوزاًتفوقه طيب وافعالي
ودك سواته مع الخفرات غطنه=ولاعقيمن يموت ولاخر اعيالي
لو الدراهم فعول الطيب يشرنه=ماشفت فيه افتخاتٍ بين الاعمالي
والقاف لو الضمايرما يغننه=ماكان يشتاق راع القيل للقالي
وترا الطبق مايوافق غير مع شنه= وكل جاهل مع العربان عقالي





7





ياهيه يالي عن عيوني تدرا =تراي والله عن مشاهدك ماجوز
فهيد لحقه عقب شوفك مضرا =ماخطاه سهمٍ ساطيٍ به على النوز
سهم العيون ولالقاله مفرا = واقفا وكنه بين الاضلاع منلكوز
يونس علاك بداخل الجوف حرا = وعلاك كن القلب يصلا على اقزوز
وذبحه الياشاف الجديد المزرا =زاهيه عودلك مثل يانع الموز
وسطاًتصره بالاباهيم صرا =وصدراً زمابه صاغر النهد مركوز
وشريت شقرًٍٍ فوق الامتان برا =تظفي على ردفٍ اليا قفيت منبوز
اليوم بالك من صويبك تبرا =خافي صوايه بالحشا جاله بروز
الطف بحاله يابعد كل غرا =حالن ترا معادله باشقى عوز
وعلاك مني كل يومن يمرا =سلامن احلا من طعم فاخر اللوز





8





قالوعلامك يابسٍ كنك القـــــــــد= والحال كنه منك يبراه بــــــــــاري
عندالدكادر كان تكشف توكــــــد= ولاتدورلك من الناس قـــــــــــاري
قلت البخيص بحالته ماينشــــــد= وانا عن الي في خفالروح دارــي
ياناس كملي صابراًواتجــــــــــلد= اضحك على عيونالخلايق واداري
وليوم من صبري ترا الحال مجهد= امشي ابقلبن دبرته عند غـــــاري
ماجور ياقلبن شكا جاير الــــــود= يفوح فوح ملقمات الغــــــــــواري
على عشيراً بالغلا شد شـــــــــد= غلاه يلعبي على كل طــــــــاري
جود صوابه بالحشى هايف القد= بسوداً مضاربهن سوات اسواري
عين اشقرن يعجبك فعله اليا هد= ينومس الصقار برض الحبـــــاري
وبياض خده نور برقٍ تمرعــــــــد= برقن بنوره يقتدي كل ســــــــاري
بالوصف دق وجل ماشيف ماعـد= يالي بزينك فالعذارا تمـــــــــــاري
عالج اجروحن مالهادونكم بــــــد= حيثك لعطبات الجروح استشــاري
تزين حالن ناحله كنها قـــــــــــــد = ماغير عظمن كن باريه بــــــــــاري






9






حسبي على الي جابها فالمجله =الصوره الي تاتضر المشقـــــــين
ام العيون الناعسات المضــــــله=ومثل الاهله فوقهنه حجاجــــــــين
عكشن هدبهن ويل من سلهمـله=فيهن من اسهوم المنايا نياشــــين
قلب المصوركيف ماجاه خــــــله=هومادرى ان الموت من نظرة العين
صويبهاماله مداوين لــــــــــــــله=صويبهاماله مصداً عن امريـــــــــــن
اماتوفا ماتعدا محــــــــــــــــــــله=ولارمى باثوب صنع المجانــــــــــــين
هذا الهوا ياجاهلٍ في سجــــله=قتلاه فالعالم تعدا الملايــــــــــــــــين






10





هاضت اهجوس الضماير للقصيد=واستهلن بالتماثيل الجداد
من بنات الفكر تنظيم(ن)جديد=وعن مسار الغير ممشاهن احياد
لويوافق طرقهن طرق النشيد= قاطعين الشك عنهن بالكاد
لافرقهن راعي العقل الرشيد=الخدوش اخدوش ماهي فالمراد
ماحسبت احساب لخطات البليد=هيه يالي تهت عن درب الرشاد
فالقضيه وش غدالك من فقيد=مالك ابها لامسام ولاشداد
مار خلك فالسعه حيثك بعيد= لاتنوش للقواطيع الحداد
من وحمهن كم تودب من عنيد=مال مضربهن على الدفه ضماد
حسيتي في ماقف اليوم الشديد=والمات(ن)لصباح وللهجاد
لكن افلج وانتبه حذرا تعيد=الخطا راس الخطر فيه التماد
اعرف احدودك وعنها لاتحيد=المقرد منتهاها لنفاد
والشعر وهبة كريم المن يريد=مامنعوه ولاعطونيه العباد
مخره عود(ن)عسى عمره مديد=فا تحن في كل صندوق اعتماد
لا بدعته ماتلفت لزهيد=للجزيل اشوم عن نظم الزهاد
واكتفي عن طول شرحي بالمفيد=لاتحلم بالقضا وسط البلاد
ذاصحيح العلم والمصدر وكيد=كان تفهم فالمعاني ياستاد
والختم صلو على خير العبيد=النبي شفيعنا يوم التناد
عد مايثمر هدب خضر الجريد=وعد ماهبت نسانيس البراد






11






بديت بذكرعلام الغيوب مدبرالاكوان=جليل الملك إمدير الفلك عظيم الشان سبحانــه
بسط سبع ورفع سبعٍ على العالم بلاعمدان=إلاهٍ سجداً لرضاه نطلب منه غفرانــــــــــــــــــه
بعد ذكره تعالى منهج السنه لنا عنوان=سلام الله من هجوسً لبدع القاف طربانــــــــــه
دعى داع القصيد وعبرالهاجس من الوجدان=يرحب بالشيوخ الي على الصكات عوانـــــــــــه
ابو تركي سلم راسه إلمضيوم الدهر عوان=وكيل ابوه سلم ابوه وسلمو باقي اخوانــــــــــــه
اميرٍ لاتكلم ينفتح له مغلق البيبان=حكيمن عاقلن ماتوحي الزله من السانــــــــــــه
تسلسل من صواريم الحرار معرب الجدان=ابو خالد عسى ربي يطول باقي ازمانــــــــــــــه
مواريث الشيوخ الي على الشيخه لهم برهان=اليا جا ذكر ابن جامع رجح بالنعم ميزانــــــــــه
اله قيمه واله شيمه واله هيبه وسيع إبطان=سعد من كان ابو خالد في وقت الضيق مزبانـــه
تغيب الشمس ماوفيت حقه مكرم الضيفان=يطولبنا المقام ويتعب الشاعر وقيفانــــــــــــــــه
ولاننسى عضيد اخوه زان الوقت ولاشان = نسل عوداً عسى في جنة الفردوس مسكانــــــه
رباعينن على روس المعالي جالهم مسكان=صليب الراي نايف شرعت لضيف بيبانــــــــــــه
ولخالد فيصل الايدا جزيل الشكر والعرفان=إنيابه عن زملايه وشان الي معه شانـــــــــــــه
رجالن تدي الواجب على اكمل وجه في الميدان=اجنودٍ للوطن في خدمته تتعب على شانــــــــــــه
حماه الله من كل الشرور وزمرة الشيطان=تحت حكم السعود الي على امن الشعب سهرانه







12




نفسي عن مخاطب الجهال ضابطها = ولاقولي كلمةٍ مهيب مضبوطه
علي اقيس اهدومي قدم اخيطهـــــا = مالبس اثيابن بغيرقياس مخيوطـــــه
من يجهل الخيل مايعرف مرابطهــا=والحرف قاريه يعرف ماضع نقوطه
قامت تمادالمهبل في تخبطـــــــــها = ناسً يبابون والهداف مغطوطـــــه
اوحي لغاهاومقفي عن مشايطها = ولاني بهايب لو الارياق مشطوطه
عندي صعوط المجنن واقدراصعطها= مير البلا الي على الارقاب محطوطه
حدبن تهاب اليماني من تسلطـــــها=واحكامها كلها بألشرع مربوطــــــه
واعمال شيطانها الرحمن محبطها = على الردا اهل الردامهيب مغبوطه
الاحيه الي قليل العز شامطــــــها = عند العرب كلها مهيب محموطـــــه
والله عليمن بساقطهاولاقطـــــها = والود كل البشرتعيش مبسوطـــــــه
دعوى للادنين والاقصين صافطها=ماقلتهامن ضميري غير مصفوطه
ابيوت شعرٍاسواها مايخلطــــها = من راس------على القرطاس مخطوطه






13





انا عيني عليها السهر زادي=وحارب نونها حلو الرقادي
الاياعين وشبك ياشقيه =علام الطرف فأسهر متمادي
وانامالوم طرفك يوم يسهر=مدامه وامره يسهر فوادي
والايالقلب وشعلمك عليه=تحرك في خفايه كل هادي
انت تامر وانابالفعل اطيعك=انفذمابغيته بجتهادي
على دربك مصخرتن اخطايه=تحدرني وترقيني سنادي
ايلين احفيت من تبعك سبوتي=ولاحصلت من تبعك مرادي
وانابنصحك يالمجنون هود=وكب اهل الموده والودادي
مدام الي هويته بان صده=ترامن يتبع المقفين غادي
تجنب سكة المقفي لعله=تنحابه مسايل كل وادي
عساه ان عاش ساعه ماتهنا=يعيش بحسرته حتى النفادي
وجعله ميتن لنار تصلا= عظامه لين تودعها رمادي







14





اليازبنت ازبن على مثل ماقيل=روس الجبال النايفات الطوالا
واليا نخيت انخ الزحول الحلاحيل=الي لهم على الثقيل احتمالا
لاتنخدع في شوف بعض الازاويل=لوهو يحالي بأثياب الرجالا
لاصارفالشدات ماينطح الشيل=نقصن ولونه كبير الخيالا
فالمعضله لونه اكبرمن الفيل=خطو الرخم علاه كبره وبالا
كبه اليا كبرت علاك اللقاويل=وعقب الولي عنز على اهل الشكالا
اهل الوفا شرابت البن والهيل=الي يشيلون الحمول الثقالا
رجالهم ماقدم العذر تعجيل=يرفى الخمال ولايجيب الخمالا
شرواعبيد من الرجال المشاكيل=جزلن ويطرب للعلوم الجزالا
جارورفيق ويبهج الصدر بلحيل=شوفه الياعدو اكرام السبالا
رجلٍ على الشطات يجهش كما النيل=ولضيف والناصي بشوش القبالا
في مدح ابوثامرتزين التماثيل= من غير ذمن في قروم العيالا
ماقلتها كذبن ولاهيب تدجيل=تصريف هجسن مايجيب الهزالا
يتعب على الجزلات من طيب القيل=حسب المعرفه مادعي بالكمالا
الناس مامنهم صرين بلاميل=والكامل المولا عزيز الجلالا






15





قالوترقيت قلت الشكر للي له=علي بعد الله الرازق معاريفي
طيبه غمرني وبالمعروف مثنيله=جامع كبير البخت طيب مواقيفي
فالفوج كلن بطول العمر يدعيله=له سمعة(ن)بثناءمهيب تزييفي
وله منهجن فالعمل مايقبل الميله=راع السنع بالثقه يزدادتشريفي
احشمه وان تكلم معه يصغيله=وياقف معه فالقسى مايلحقه حيفي
وراع الحيل مايمشى قدمه الحيله=عند ابوتركي تظيق ابه المحارايفي
وعنه يتجاوز لتقويمه وتعديله=من حسن ذاته ولاذكر شي ماشيفي
عن واجب الفوج مالهنه مشاغيله=شال المهمه وزوع بالتكاليفي
عن عاتق الي عسى الايام تمديله=حر(ن)مباديه في روس المشاريفي
شيخٍ الياكبرت القاله رجح قيله=اشهرمن النار في راس اطول منيفي
ومن ضامه الوقت بعد الله يعنيله=يفزع بجاهه وبذله للمصاريفي
ماحصي فعوله ورمزاً صعب تمثيله=ماحد(ن)جهل به من السيفي اليالسيفي
بيته على الدرب بينتن مداخيله=قصر ابن جامع ولايحتاج توصيفي
صرحٍ على العز مسرجةً قناديله=من ترثة امجادمروين المراهيفي
فالقرنه اسس ابوخالدمنازيله=عزاً لربعه وللعاني ولضيفي
واطلب من الله عسى الايام تمديله=حراً مباديه في روس المشاريفي






16




يالله يالي لك صيامن مصلين=والغير وجهك ماصرفنا العباده
ياحي ياقيوم فزعتك يامعين= عبدك بلا عونك يّضيّع اجّتهاده
ومن عقبهايالي للمثال موحين=للعلم زبده دون نقص وزياده
ارسالتن للي عن الحق غادين=وفي دولة الاسلام يعلن جهاده
يبى يجاهد في بلاد الحرمين=مغويه فكر الي مضيع رشاده
يقول للجنه وقدامك اللعيّن=مايدري انه ساعيٍ في نفاده
واثكل نساويين ويتم وراعين=شعبٍ وَمن وشلون حّلّل هجاده
يامستّبيح الدم حمّلت وزرين=وزرالنفوس وزر نفسك ارفاده
مثل السّهم تراك تمرق من الدين=معنى الحديث وماورد في مفاده
لوصمت وتصلي من الليل ثلثين=وعندي من اقوال المشايخ شهاده
فالدين لاتسمع كلام المغالين=ارجع قدم تاكلك نار الآباده
وحنى لحكام الشريعه موالين=متوالفين اقلوب شعب وقياده
وموحدين الصف مافيه صفين=فالمملكه ونعيش بأمن وسعاده
في ظل ربي ثم ظل السلاطين=وعلى الولا نربى الولد من مهاده
وبرواحنا دون ابومتعب مفادين=راع الوفا يجني الوفامن بلاده
ابو اليتاما وارمّل والمساكين=ومن جاه يطلب حق حصل مراده
ولآهمل كما غير قضية فلسطين=من همها مايهتيني في رقاده
مناصر الاسلام فانحى البلادين=الله يسلّمله عضيد السياده
ولي عهد امّين لقالو امّين=سلطان سلطان السعد والرياده
رجل الدفاع وفي نحور المعادين=للمعتدي جهز ارجال بعتاده
والشعب لامره كلوبوهم مطيعن=دون الوطن كلن يريد الشهاده
وضد الخيانه والفساد متواصين=وعسى الولي لرشد يهدي عباده
قاله اعتيبين سلالة شجيعين=ونار النشاما ماتعود رماده
يذهب ميامينن وياتي ميامين=والذيب ماعقب خدين السواده
تمت بذكر الي له الخلق راجين=رباً تجلت عظمته بنفراده






17





يطربني المسيـار بـارض خليـه=دار الحيا شوق الرجال الطحاطيـح
ياجعلهـا لسيـل صبـح وعشيـه=من وبل همال المـزون المروايـح
لينن كـل شعيـب ركـب إردّعيـه=ولاغاض ماه انهل فوقـه كواثيـح
حقوق وسم(ن)من جزيـل العطيـه=من وقع سيله جرح الارض تجريح
نهـار رابـع بـذرة الخـد حيـه=ومداد وليه بالعشـي والمصابيـح
عشريـن لليلـه ماتخالـف نويـه=وعقبه يزين البـر للهل المراويـح
خطوا الرجال اهل الظفـر ولحميـه=نزهين جمعاهم على هبـت الريـح
ومن الحزابـه ولمـو كـل شيـه=تواعـدو مـرواح ولا مسـاريـح
وطبولهـم قفـراً عشوبـه نديـه=متخالطن نوار نبـت الصحاصيـح
تضحك زهوره فالفيـاض العذيـه=وفيه ام سالم تزعج الصوت وتصيح
ولاهب ذعـذاع النسيـم ضحويـه=جا للخزاما والشمطري معه ريـح
ثم شـب نـاره راعـي الشاذليـه=وصكو عليه اهل الوجيه المفاليـح
وجا للسوالـف والشعـر قابليـه=وفنجال كيف يّنـزّح الهـم تنزيـح
انشهـد انهـا سجتـن عالمـيـه=مامثلها عنـد الرجـال الزحازيـح
تسوى القصورالـي قببهـا علّيّـه=لوذهبـت بيبانـهـا والمفاتـيـح





18




اعلام غيبها عن الشوف الاعلام=وبين وجيه الي ورا القصد تعتاش
الغاخطوط اقلام واحرفله اقلام=ويلين القاسين ويقسي هشاش
تقتلبه الاحلام وتعيش الاوهام=والله من كفٍ يصفق على ماش
من دافع الاعجاب فالصف قدام=ياخذ صور فديو وياخذله فلاش
لانه يعاين عين مصدرت الاحكام=جاهل وصدقله جهاهيل ياعماش
وكانك مشجع للصور دوك الافلام=عانه على الشاشه ظهر كنه اللباش
يجيب هرج اهل اليمن واهل الشام=تبي الحقيقه مابقى فوقهاقشاش
والياجزع مثلي فلاهوب منلام=افكار منهاصاحي الراس ينداش
تردالعدود احيام وتصدر حيام=ويروح لليله كله نقاش في نقاش
ولااقول اناالي بالغٍ مجد الاروام=لكن اشوف ولاغطا عيني غباش
وان جابسوق اهل الجزيلات سوام=نقدت فرق السوم من ظامري كاش
وشعاد لوما تيّد فهيد ياغلام=مانته بلافي حمود ولانته بهتاش







19




الرجـل لاأهدالـك مشّـوره هـديـه=قله جزيت بخير لـو مانـت قنعـان
هرجه وقلها مانـت خسـران شيـه=وان جاز رايه قله اشكـرك يافـلان
هـذي تراهـا لـك يامقعـد وصيـه=بعـد الصـلاه وماتعلـق بالاركـان
رجـلٍ بليـا ديـن مـالـه بغـيـه=لوقيل له في ساعة الضيـق بلهـان
وايـاك تقبـل مـن حـدٍ محقريـه=وردك على الناقص من الناس نقصان
وباقـي يامقعـد للوصـايـا بقـيـه=حق الخوي والضيف والجار لاهـان
وباقـي وباقـي واليـالـي مـديـه=لكن هذي جات مـن فكـر عجـلان
وان قلـت وش طـراه طـرا عليـه=صحيح فالاريـا هزيـلات وسمـان






20





يقول من يشري بالمثـال ويبيـع=الي لفكره عاصي البيت ينصـاع
ينوع المعنى على الكيـف تنويـع=لاطب سوق(ن)فيه شاري وبيـاع
تلافت(ن)بنـات فكـره مرايـيـع=الهن عليه اليانتحن عنه مرجـاع
ولاشرعٍ في داخل الجوف تشريع=ماناقصٍ غير القراطيس ويـراع
اخذت من صافي عذاهن قراطيـع=من عيلمٍ في داخل الجوف نبـاع
والشعر بحر(ن)فيه تغدي المراميع=ولاضاع للهل المعرفه فيه مرمـاع
يضيع فيه مرقـع الهـرج ترقيـع=الي ركب من غيرمجداف وشراع
واليانتصـف محـاصل له مراجيـع=لويملك الثنتين مع دربهن ضـاع
ويقدالهن راع المعرفـه تسانيـع=الـي للحلـوات التماثيـل جمـاع
لاساقهن يمشن لامـره مطاويـع=يصبهن صب الذهب عند صنـاع
واليا تضواهن سـوات المجاميـع=ينقالهن من طيب الكيـف سمـاع
وانا يهيضني مـن القيـل ماذيـع=اللي على موجات الافكـار ينـذاع
قريحتلي تصنـع البيـت تصنيـع=واقدالها قـدم المداخيـل مطـلاع
ولاعاد ابيه يطول مبناه ويضيـع=الزود مثل النقص ماشوف لـه داع
وختمت قافٍ لاعبنبه علـى ايـع=قافٍ مغنه بين محنـي الاضـلاع






21





يالله بنواً منك يكسي سمانا=خشوم مزنه كالقصور المبناه
ينساق بمرك يم هاك المكانا=يم النسيم وعن يمينه ويسراه
شهلول دفاقه برفق وطمانا=ينهل من فوق المقابر حمل ماه
ويسقي ضريح الي فراقه دهانا=ربيع تالي يوم تسعه دفناه
يالله إلتجبر فابوخالد عزانا=شيخ المواقف راع الطيب والجاه
شواهد فعوله عياناً بيانا=ياقل من سوى بربعه سواياه
تنومس فعوله وسيع البطانا=ياكم معدوماً بعد ربي اغناه
وعتيبه الهيلا نعت مع نعانا=مابه عتيبي ماكظم غيض فرقاه
شي نشوفه مايبيله مثانا=ثقيل وزن وفي عتيبه فقدناه
مواقفه تنطق ولوماحكانا=لليم جموعٍ عن يساره ويمناه
في قصره العامر سوات الاخوانا=وقال إجتماع الصف مانقبل سواه
واقنع برايه طيبين المجانا=شيخ مداه بعيد وسماناً ارياه
معشي الهيلا مع الحشو ظانا=ولاساقها يبى وراهاالمثاراه
وحصل وسامٍ للسوالف ظمانا=من قال حاتم ماكذب يوم سماه
مايمحي مهما يطول الزمانا=هذاه حاتم طي لليوم طرياه
وحاتم عتيبه له حقوقً علانا=نذكر فعولٍ مافعلها مراياه
من شان لاقفى مانشح بدعانا=يالله يارب الكون تدمح خطاياه
وتجزيه عن فعل الحساني حسانا=وبالعفوتجعله من النار منجاه
وتجعل مقره وسط خضر الجنانا=والحمدلك والي قضيته رضيناه
عدلٍ قضاك وفيك علق رجانا=ثم فالرجال الي تحلوا سجاياه
يالله التمدي في عمارامورانا=جامع وفي باقي اخوانه مكافاه
عقب الولي هم يالدويله ذرانا=وتم الكلام الي من الراس جبناه
يالله للتجبر فابوخالد عزانا= شيخ رحل ماتنمحي دوم ذكراه








22






طبع الردي مايحسن الظن فالناس =لانه يحسب الناس مثله رديه
والياسمع له كلمةٍ جاه وسواس=قال انت تقصدني وهرجتك فيه
قله عساك ابخير ماجور لاباس=انته مريض وعلتك باطنيه
واعرض عنه توميبه اخماس واسداس=خلك حكيم وهويلاقيه زيه
لاتزعل الاجواد من شان هلاس=الصدق واضح والعوارف ذكيه
ماينقص ارجال الوفا ذم الانجاس=ولاعانقت شقر الحرار الحديه
لوحلقت فالجومهيب قرناس=لاشافته ضاقت عليها الفضيه
والعلم اله مدخال من بين الاقواس=يارد ورود الضاميه للركيه
الياتحيزم بالفشق كل قباس=قلت السلام الغيرك المقدريه







23





ياحي صوتك وحياكا=لوعبر الاسلاك ينحبي
ياللين العود مغلاكا= لايابعد من خلق ربي
دايم عيوني تحلاكا=ماغيرك احداً على للبي
لوشفت فالقلب مبناكا=مايلحقك شك في حبي
والنارمن عقب فرقاكا=في داخل الجوف تشتبي
امابرد الكبد من ماكا=ولابتعد لاتلاعبي
وش ينقصك لومن فاكا=مثل العسل لابدا نّبي
يزيد ميزان حسناكا=لاصار يقصدبه الطبي
والي من الناس يشناكا=عساه يسحن له الشبي






24




هجوسي ياهجوسي صخريلي شرد القيفان=ابي قافٍ مع الشعار يجملني واغنيبه
ترا الي مايجمل جيبته عندالعرب نقصان=تنقيلي جزيل القول والاالهزل ماليبه
توكلنا على الله واستعنا باسمه الرحمن=سلام الله على ضيوف الحفل وايضاً معازيبه
تحيه طيبه تنساق بالتقدير لضيفان=باسم جامع امير الفوج هلا والفين ترحيبه
ارحب في وجوده لاعدمنا شوفته ذيبان=وابارك له ولافيها غرابه يوم تنصيبه
يقينٍ ضامنه من قبل مرسومه من الديوان=على شان الوفامن طبع ابومتعب واساليبه
ملكناصاحب الاحسان جزاه الله بالاحسان=وفا مع شيخنا الراحل قبل دنياه تقفيبه
وفاعقبه مع اعياله وعين الكبر الشجعان=اثنين من اكبر اشبال الفقيده حاتم عتيبه
محنكهم على كل الدعاوي باشة الشيخان=ابوخالد عسى الله يرحمه معنابقى طيبه
فعوله باقيه معنا باسم جامع واسم سلطان=علاهم منه علم وحلم وطيب الراي والهيبه
مجاذيب العقاب من المجاني تنتج العقبان =ولابه طير غير اصله يعود من مجاذيبه
وبعدما غاب نجمً من سمانا في سمانا بان=كماه من النجوم الي تعلا في مراقيبه
والياسقت المدايح فيه يستاهل وانا فهدان=هذا جامع عسى ربي اله الناس يبطيبه
على قيد الحياه مشرعٍ لضيوفه البيبان=تنصاه الرجال ولايحسب كم صرف جيبه
وكمالضلع الطويل وفي حجاه لقاصده مزبان=ليامن وصله المطلوب عده خاب طليبه
وثوب الكبر مالبسه ولاجره مع الخدان=كبير الجاه مانقص التواضع من مراتيبه
هذا هوديدنه عسى يبقى للفخر عنوان=جمع كل اسمات الطبيه والطيب ضاريبه
وله نهج العداله فالعمل مايصغي الميزان=تساوى فالعمل عنده بعيد الناس وقريبه
جميع افراد فوجه كلهم عنده تقول اخوان=ولايقبل تهاون فالعمل والحرص يوصيبه
ومن باب التسامح ياكثر عفوه عن الغلطان=وكم من واحدٍ كب التلاعب عقب تاديبه
هذا موجز وفي مثله لون الشعر بدعه زان=لكنه صعب يوفي مثل ابوتركي مواجيبه
وانا ماقلتها من شان ولاشان ولاشان=سواء من شان مدح الي ينومسني تعزويبه
بيوتاُ قلتها من هاجس افكاري على الأوزان=ولاني جاهلٍ في صرف معناها وترتيبه
بديتبها باسم جامع وابختمها باسم سلطان=نيابه عن وكيل الفوج هلاوالفين ترحيبه






25






البيت عقب ابوي ماشوف له نور=طاف(ن)عقب ماراح فالعين نوره
لو ولعو لنبات سطحه مع السور= مظلم وفي كبدي سوات الحروره
وصدري من العبرات والضيق محشور=والدمع من عيني تقافا احدوره
علاك يالي يوم الاثنين مقبور=في منتصف افضل شهر من شهوره
اي والله اني فاقداً وافي شبور=على المعزه طايلاتٍ شبوره
عاش وتوفى باطيب خصال مذكور=عند المعارف ذكرها ومخبوره
ناشيً الطاعه به الصدق مخبور= وعلى الشجاعه والكرم من ظهوره
لايقبل الهزله ولايشهد الزور=وبابه مشرع ياجده من يزوره
ولاقول في غيره من العالم قصور=الي عليهم من مزاياه صوره
الله يجبر خاطراً منه مكسور=وعسى الذنوب الي عليه مغفوره
عسى الولي يجعل مقره مع الحور= في جنة الفردوس مسكٍ عطوره
امين يالي بامرك الفلك مديور=يامفني(ن) خلقك وبامرك انشوره
الدائم انته والمخاليق بدور=ولافيه حيً غير واصله دوره
مال البنادم فالتصاريف مقدور= ونفسي على ماقدر الله صبوره
مومن وراضي بالقدر خير وشرور=والخير من حظ النفوس الشكوره
فالحالتين معظّم الرب مشكور=والعبد من نفسه حوادث شروره
مرحوم يالي يوم الاثنين مقبور=وعلاك لو تبكي العيون معذوره





26




قال ماعندك خبر قلت وشهوبه=قال مابه طرق ماهوب مطروقي
قلت راع المعرفه بين اسلوبه= لوتوافق نص نطقه ومنطوقي
قال وافرض داخل السوق للجوبه= ان ماجبته من الغير مسروقي
قلت لاقاله ابو راس مقلوبه=جبت فراق السلع داخل السوقي
يفرق الغالي ويعطيه ماجوبه=لاشتبه في هرجتي كل مطفوقي
والمطفق للقشر دوم مندوبه=مالتفت فيهم ولاتنقص احقوقي






27





نقاط الوقوف الحرج وسط الدروب العوج=تضيع هقواي كل من هو مشى معها
دروب(ن)تضيع بها المساعي بلا منتوج=وساع المداخل ضيقات(ن)مطالعها
الياطبهالعاقل مشى كنه المسنوج=تبين الوجيه ولوماعشت واقعها
اعرف التكانه واعرف الحذق والمرجوج=يسج القدم للهاويه مايرجعها
وعسى الي عليم بكل الوضاع ياعروج= كفيل النفوس انه عن الشر يمنعها





28


صوت وصدى بين الشاعر / فهيد الرويس و الشاعر / سعد الرويس


صوت / فهيد الرويس


مابه عقيله عرفته واسمه الغادي=مفرود مرجان ماغيره يحاليله
يفد مابه هجارولابه قيادي=مع ساقة الزمل اظنه فاترً حيله
احداه يم السناد ويحدرالوادي=ياحيلت الله يابومشعل وش الحيله
ياشاعرً لك مع العرّاف مقعادي=والقاف لاجاك مايجهلك تحليله
مانيب اسند لكل من قيل قصادي=ولاقول انااللي بشعره سابقَ جيله
ولانيب مشهور في التلفاز والرادي=ولاكل ماسمع واشوف البال يصغيله
الغث سمعه وشوفه غث الكبادي=والجزل لوهو قليل الفكر ينحيله
واليا حداني لبدعه ياسعد حادي=الشعر ماني بغاوي في مداخيله
مع منهج اهل المعرفه نهجي حيادي=ومنتوج فكري منزهةِ محاصيله
واجديد العرف ماحطيته ستادي=وانته ومثلك يابومشعل نعنيله
العلم حتى يجي مردود الاوكادي=لاشفت بعض العرب في منهجه ميله
ياشاعرً لك مع العراف مقعادي=وصلك موجز كلام وهات تفصيله



صدى / سعد الرويس




الفكر شوش وهو منولن هادي=من يوم غناله الشاعر مواويله
الشاعر اليي لبدع القاف معتادي=بيني وينه علوم كبار ومهيله
من ضاع جعله يروح بغير معوادي=يافهيد فوق الطويله لاتناديله
دامه يشوف الطريق وعنه متحادي=السوق مانته مكلف في مهابيله
عواد كبه ينادي باسم عيادي=ومن زل في حقوق خلق الله ياويله
هذا زمان الذيابه فيه رقادي=وتلقا الثعل فالمساري راكزً ذيله
والناس فيهم صدوق وفيهم ربادي=والطيب كلن يباه وصعب تحصيله
والشعرراح الضحيه يابن الجوادي=يافهيد من كثرة الشعار عزيله
رشيد قال الشعر كورة هل لنادي=تشاوتوه المهبل وانهكو حيله
ضاعت معانيه ورسومه والاعتادي=بين الحداثه وبين شعيل وشعيله
اهل المعاوش تسابق داخل المادي= وكثير منهم على قولتك ماصغيله
والجزل فانظارهم تقليد ومعادي=والي مورا لاتنشد ويش وريله
وقبل سلامي عدد مادن رعادي= وعداد تسبيحة المسلم وتهليله



29

صوت وصدى بين الشاعر فهيد الرويس و الشاعر نادر النمر


صوت / نادر النمر


يافهيد لاتنشد عن الحال يافهيد = ناظر غيابي / كل ماله يزودي
كني أنا في حيد ,, والناس في حيد = بعدت حتى صرت بــ ( أقصى ) الحدودي
لو كنت لاراضي .. ولا محصل ٍ فيد = إلآ .. مشاريه ٍ بـ ( صدري ) قعودي
من جد ( ياكم لي ) .. وأنا أعيد وأزيد = علمت لين اليوم باحت سدودي
اللي ذبحني بالوله أتلع الجيد = اللي من عيونه إلين الخدودي
أغيب كلي وأخذ شوي وأعيد = وأرجع أغيب شوي وأصحى وأعودي
وإليا قرب مني وجاله تناهيد = ولديت عيني يم غض النهودي
أغيب أنا وياه ونرروح تأبيد = والعقل يفقدني ويفقد وجودي
هذي 3 سنين بالضبط تأكيد = على النقى حبه يذود ويجودي
هذي 3 سنين بالضبط تحديد = محبة ٍ بـ ( أسمي ) ورمزي وكودي
مصيونه ٍ ماشافها زيد وعبيد = بنت الشيوخ معربين الجدودي
واليوم من دون العلاقه مقاريد = مابين عذال وحقود وحسودي
ولن كان تبغى الصدق ياابن الاجاويد = أنا أختلف جوي / وشكلي / ومودي
يافهيد فيني جابت العيد يافهيد = اللي غلاها كل يوم ٍ يزودي



صدى / فهيد الرويس



من يوم نادر سندا لعلم تسنيد=يمي فلالي عن جوابه صدودي
اختصني من دون كل الاواليد=وانا معه بابذل جميع الجهودي
ماحيدعن لازمك يالنمر ماحيد=وعقّب شنب من لاوفابالوعودي
وهجوس فكري حضّرت للمراديد=ومنّي حسب علمك تجيك الردودي
مال الشدايديالنمرغير صنديد=مثلك عليه الكايده ماتكودي
اصبر وتال الصبر قالوتحاميد=راح الكثير وبأذن ربي تعودي
تعودبعد انك تنول المقاصيد=يم السعوديه مرب السعودي
وشكيت لي من حب عليايابوزيد=والحب يانادر يفت الكبودي
حب الشرف ماينذكربه مناقيد=لكن اله ميثاق سلم وعهودي
كانه معك صادق ظبي الافاريد=لايشحنك راع الحسد والحقودي
ناسً على قولك يانادر مقاريد=لعلهم في مظلمات اللحودي
نبي نشرد حزب الاعوان تشريد=وتحل بامر الله جميع القيودي
لكن وين ديار منتوقت الجيد=ارسل عليه باقيات البنودي
ولاعاد ليه عقب علمك مقاعيد=حتى نفرح خاطرك بالعنودي
الي عليها غاديلك تناهيد=نجيبها بالجاه والاالنقودي
ان قاله الله رغم كل الحواسيد=وتعيش مع جو السعاده ركودي
هذا جواب فهيد واقبل من فهيد=ازكا تحيه من عبير الورودي
واسلم عدد ماغرد الطير تغريد=وماشيفت بروقً وسمعت رعودي






30




إهداء للشاعر / سعود الحافي




لله درك يابيض الوجه ياسعود=وقفّت فالراحه جميع القعودي
مثلج صدور اللي ورا الشاشه قعود=شرواك يابن العم فخرالسعودي
سجلت نوماسَ للشهاد مشهود=محسوب للهيلا كعام الضدودي
نوادر بيوتك على ابداعك شهود=تشفي كبود وسقم بعض الكبودي
مثل الخيال الي تقصف به رعود=زلزال رعّاده يصحي الرقودي
كن البرد من مزنته صفق عبرود=منه الجماجم صابهنه جمودي
تدرج نظرها بس وحجاج معقود=تحكي عن الذله عيون الشرودي
مايدري انه صاحب النقد منقود=الشعر له حراس مثل الجنودي
مايقبلون النقص في الاصل والزود=والنقد اله حسب الظوابط بنودي
مهوب كرسي دونه الوح ممدود=ومن جا مشخص قام فوقه يدودي
يبشر بمثل سعود في ماقف سعود=معاد دون الحلق غير العضودي
ومدام مثلك يابيض الوجه موجود=ياسعود عن شعر الاصاله يذودي
ومن المداد الك الشكر غير معدود=لاهنت والله ياعريب الجدودي







31




ياهاجسي جت حزة الازم تسمـع وش تجيـب=كـرس جهـودك كلبوهـا والثمينـه هاتهـا
ان كانهافالجو حلق في فضا الكـون الرحيـب=وان كانها وسط البحور إقـدم علـى غباتهـا
اتعب على شان الهنوف الي ماتعرض للخطيب=لين القصيـده فـي محاسنهـا تتـم ابياتهـا
غيداً ملكني حبهـا مامثلهـا عنـدي حبيـب=اسوق مالي والولد والحـال فـي مرضاتهـا
وان قلت منهي قلت لك مهيب في حاجة للبيب=هذيك هي المملكـه عاشـت بظـل إحماتهـا
دارً على نهج الشريعه حكمهـا مافيـه ريـب=الله بخيره عمهـا واسخـت عطـا خيراتهـا
من فضل ربي كل غصنً فالسعوديـه رطيـب=الله يديـم الامـن ويسلـم لـنـا قاداتـهـا
في شور ابومتعب صليب الراي ونحاز الحريب=حاكـم محنـك والرعيـة ماجهـل برعاتهـا
ودون الوطن يارد على حياض المنايا مايهيب=يضـد حيـلات الـدول ماضدتـه حيلاتـهـا
يالله عسى شمس ابومتعب عن سمانا ماتغيب=ويسّلم عضيـده لاالنوايـب محتمـل شداتهـا
ولي عهده محزمه بالعزم والـراي المصيـب=رجـل الدفـاع وللكتايـب مـمـنً قواتـهـا
سلطان جعل الله يرده للوطـن سالـم قريـب=اميـن يامشفـى النفـوس وفـارجً كرباتهـا
من شاعرً مشاعره تنـدا وفـا ماهوغريـب=ارواح كل الشعب شوف ابو الجميـع إمناتهـا
ولدعوة الشعب الوفي لعـل ربـي يستجيـب=ويرسم على كـل الوجيـه بعودتـه فرحاتهـا
وفي غيبته رجل المهمه عن مهماتـه ينيـب=النايب الثاني كعـام اهـل الفتـن وإدعاتهـا
نايف وزير الداخليه عوق كل امـراً عصيـب=هوثالث ازحـول الرجـال اثقاتهـا وادهاتهـا
حكامنـا هـم فخرنـا وحنالهـم درعً صليـب=ومعهـم ولانـا للوطـن ماتلحقـه شكاتـهـا
عهد الولا موروثنـا عليـه نشـب ونشيـب=ماننقضه واهـل الشيـم ماضيعـت شيماتهـا







32





يامشغل ٍ غيرك بكثر الدعايه=شاعر وشوفوني مع الناس موجود
تاتقنع العالم بصح الروايه=ماتدري ان الكذب مالك منه فود
وصدقك من صفق على الدبك بايه=وجافيك منهم زود ونقصك من الزود
يامدور الشهره كسبـت الفوايـه=تجيبها تجميـع حامـد ومحمـود
اناوغيـري كاشفيـن الحكـايـه=لاتحسب ان الناس من حولك رقود
حطيت لك صوره بعـال البنايـه=كيان حلم الوهم اله وقت محـدود
ماله ثوابت وانشد اهـل الدرايـه=يبي يشوفه يوم راعيـه مهـدود
هذي ترا لهـل التصنـع نهايـه=والكذب ذنب وفيه عيبٍ ومنقـود
عند الرجال وناقص العرف تايـه=يبي يحصل شي من دون مجهـود
وبالمختصـر قـرار كلـن ورايـه=روح وسولف لك على لمت هنود






33




صوت وصدى الشاعر فهيد الرويس والشاعر محمد بن سعود الرويس


يامرحبا يامحمد سعود حييت=حييت يابن هلال مني نيابة
نيابة(ن) عن كل الاعضاء بعد جيت=في منتدى ربعي وربعك عتابه
عتيبه الهيلا لها بالفخر صيت=ولها الصداره بين عزومهابه
من غير نقصً في الرجال النعاتيت=من كل عرق وكل عزوه ولابه
لاجل اتحاشى قولت فلان زليت=ومثلك عن الزله منزه جنابه
انا دعيتك وانت مشكور للبيت=ياشاعرً بدع المثل ماغوابه
وعلى السنع بالعرف يامصخرالبيت=اقبل سلام فهيد بتلاجوابه
ويامرحبابك يالعتيبي بعد جيت = في منتدى ربعي وربعك عتابه


مرودود الشاعر محمد بن هلال


ابك البقى يافهيد كملت واوفيت=وافي خصال بدون شك وغرابه
واكبر دليلً بالوفا فتحت البيت=الي نهار ولليل ماصك بابه
دعيتني للمنتدى ذايع الصيت=عرين اسود المملكه والذيابه
وبدعوتك يافهيد من قلب هليت=وحقً من حقوقك على الاجابه
شرواك ماذكر عنه يافهيد صديت=لوهو من الاجناب كيف القرابه
ودخلت باب المنتدى وابي حييت=بسمك وبسم الي عطوك الاءنابه
اعضاً إعزازً كلهم كم تمنيت=اشوفهم بالعين ماهو كتابه
حتى الياهندبت فيهم وغنيت=اوفي حقوق اهل المكارم عتابه





34





هجوسي لاتمدين الزهيده=وجزل القول مطغيك برصيده
عطيني كاش من عذب الفرايد=وانا اّصْخَرلك من المعنى جويده
على الطاروق اطوع كل عاصي=واسوقه سوق في جمله مفيده
تسجَلي على الواقع حضوري=وعيني دايماً يم البعيده
وغيري تنظر عيونه جهتها=نريد ويفعل الله مايريده
ولاحدً نال شيً ماقًسمَله=في هذي معتقدنا من عقيده
نطًبق سنة الصادق محمد=صلاة الله على صفًوة عبيده
اُمرَنا كل مايذكر نصلي=على وجه نبي الله ودَيدَه
حبيب الله خصه بالرساله=بشير الخير منذر من وعيده
يبشر من سلك درب الهدايه=ونذير اهل الضَلال من الوقيَده
وبلغ دعوته رغم المشقه=وبدد ظلمة الشرك العنيده
وشمس الحق بانت للخلايق=وعلى الحجه جعله الله شهيََده
ويوم الحشر فاألَأمه يُشفَع=مفضلنا على اقوامً عديده
هذا هوخاتم الرسل المنزه=رفيع الخُلُق وصْفَاته حميده
بحبه عن شعوري كيف اعبر=تشح إعن التعابير القصيده
ولو اكتب ملايين القصايد=خلاصة علم وعباره وكيده
بعد تم المثل ماني بخاسر=ومن يبذر ترجا للحصيده
ان كانه ماجنا مبروك منها=يعوضه كونها فرصه سعيده






35





بلاش تتعب فالمثل يامسويه=لصار فالموضوع ربح وخساره
تجهد تفاكيرك على ويش ياهيه=اسمع ولوك ماطلبت استشاره
ياراعي الجزله لك الراي مهديه=الشعر لاخشيت جو اختباره
لياك مع مبناه تربط معانيه=ونمق قدر ماتسطيع العباره
صفصف جمل وكتب على غير توجيه=لو تاتحط ام الحصان الحماره
دام الوزن والقافيه عندك اوكيه=امر القرار اضمن بصفك قراره
ومن زايد اعجابه يصفق بكفيه=ويرددالمعنى جديد ابتكاره
هذاه واقع والشعر عايشٌ فيه=اقبل دماره يوم زاد انتشاره
من يوم راع المال مابدى تمعنبه=بالشعر واهل الشعر تونس حراره
بسبودهم!!من هول شي يعانيه=مورثٌ اصبح من عروض التجاره
هذاه يبتاعه وهذاك يشريه=ولامنهم اللي حافظ له وقاره
ماهتم واحدهم سوا في مخابيه=بالكم لابلكيف حدد مساره
مرتبا حكمه على كم ياتيه=وجته الجموع منافسه لصدار
وكلن سهمه اكيد للي يواليه=يمد مقدوره بحسب اقتداره
من منطلق واجب على الشخص يديه=ماخذ احساباً لشعر وعتباره
على الشعر وشلون حكمه يمشيه=هذا عز الشعر ولاحتقاره
لاهملت تقييمه وقيمة راعيه=سعيت في مبناه وانت دماره
يامدعي حرصك على الشعر يكفيه=ماقمت حب له تعلي شعاره
عكست منهاجه وعليت واطيه=وغيرت مفهومه بزعم الحضاره
حضارة مازادته غير تشويه=ولاجماله غطته بستاره
سوت لها صرحا با الابداع تمويه=ليحان جدرانه وسقف استعاره
ادناة عاصوفً عن الارض يخفيه=مهوب مثل الي مسلح جداره
على القواعد مسساتاً مبانيه=ويشهد مع التجديد فن العماره







36





لاتدعي في معرفة شـي يجهلـك=ويبين قـدام العواريـف جهلـك
وترفعك عن بعض الاشيا يجملك=لاتتخذلك مع هل العـوج مسلـك
سفهتك لنّاقـص تـرا ماتنزلـك=مع العقول الراجحه حط عقلـك
دامك موثـق ماتخطـه باَناملـك=ماتلحق الشبهات نقضـك وفتلـك
لوحاول المشبوه بالنقـد ياصلـك=مهوب يمك هامته تحـت رجلـك






37




والله اني خابرً عمري ثقيل= لين سلهم طرف مقطوع الرجا
واحدً ماشفت له قبله مثيل=دون ماشعر قلت يابدر الدجا
قال كيف وقلت انادي لي زميل=فالمحل واسمه هذا بدر الدجا
قال كملي للمحل واناعميل=مالمحتك قلت وين المخرجا
قال صاحي قلت لاوالله عليل= من صوابٍ تو في جوفي لجا
والله ال يبطي منه قلبي يشيل=وانت ياسٍ فيك يحتال الرجا
ياكثر جرحاك يالرمش الضليل=وفيهم الهالك يفوق الي نجا






38




تباشر الشعب السعودي بسلطان=تباشروبه شيبهم مع شبابه
ولي عهد المملكه طير حوران=كلن فرحبه يوم جا من غيابه
ياسيدي غنالك الكل طربان=مشاعرً ماتنحصى بالكتابه
لوقربوعندي ثمانين ديوان=ماحصيت ربع اللي فوادي حضابه
وكلن فواده من محبتك مليان=من البحر لين الخليج انتهابه
ومن الحديثه ماشيً به لنجران=كلن يقول الحمد للي لفابه
شعبً دعى في غيبتك سر وعلان=ويارب دعوة خيراً مستجابه
من دونها ماصك للعرش بيبان=اليانوى للعبد طبً شفابه
والشكر للمعبود حنان منان=وشعبك سعيد بجيتك لاغرابه
مامدة اكفوفك سواء بر وحسان=ياامير مداً ماطمعت بثوابه
الامن الله وانت للخير عنوان=لمسابق الخيرات مالك مشابه
عطفك شمل رمل وفقارى ويتمان=وتعاملك معهم بلطف وحبابه
الله يمد بعمرك ازمان وازمان=ياامير يارمز الوفا والمهابه
تبقى لبومتعب على الحكم عوان= وابو المصاب تعوضه في مصابه
ابوً رحيمً طيب القلب سلطان=سلطان سلطان السعد مرحبابه






39





موجهه إلى الشاعر / قعدان عبدالرحمن الوهاب





والله ان مثله يفرحنامجيه=وجب الدعوه وللحفله تعنا
وانت ياشاعل مادام انك خويه=بلغه تقديرنا بسمك وعنا
حافظين القدر للهل المقدريه=فالسنين الماضيات وفي زمنا
والك ياقعدان مع الشكرالتحيه=من هجوس فالوازم ماتونا
بالوفا لهل الوفا تمشي جريه=انته الوهاب عرفك ماجهلنا
من سعاطير الرجال اهل الحميه=والنعم مليون مره لك يثنا
مظهرك فعلك وتمدحك البريه=بالذكر طيبك قبل شوفك وصلنا
يالدماسي مانبا عنها جزيه=غير مردود الثنا ياصلك منا
وسمعتك فالشعر عن مدحي غنيه=لك بيوتا بالجزاله طرزنا
وفالنهايه منك يازبن الونيه=العذر كان المثايل ماوفنا
والسلام ختام ماهل برديه= وعد ماناح الحمام وماتغنا






40




صوت وصدى بين الشاعر فهيد الرويس والشاعر سعد مطلق الرويس





يافهيد صارت ساحة الشعر فوضه= الشعر تالي الوقت ماهوب محضوض
تعرضه ناسٍ عثو في عروضه=وصابه من جداد الشواعير عاروض
ولاعد ترضى عنه نفسٍ غيوضه=وطمن بعد يافهيد ماكان منهوض
ومن لاعرف معنى الشعرلايخوضه=يرتاح ويريح ولاهوب مفروض
الاعلي رجلٍ يسدد قروضه=يدفع حقوقه نقد مافيه معروض




الرد



الشعر من مبطي رديه حضوضه=مهوب توه ياسعد شي ملحوض
وفهيد مثلك منه زادت مروضه=ولافيه عاشق جزل ماهوب ممروض
خصٍ عقب لاشك عشاق روضه= كيان حلم الليل فالصبح مقضوض
شغلٍ على الوالم سريعٍ نجوضه=والكم منهم مايزن ثقل باعوض
وزنينهم كنه زنين البعوضه=وكم شاعرٍ قبل تغمضك مغموض
عامل يابو مشعل علاج الحموضه=واصبر ومنهاج الطلاسيم مرفوض






41




شعرالنبط مقبل على اظبط بالشكل=حرف الشعرحتى ان وزنه يستقيم
قدامه النقاد تشكلها شكل=والاغلبيه جانب النقدالسليم
فالنطق جل النقد والمعنى ركل=ياناقد الاملا هذا نقدٍ عقيم






42





اما كذ ولا فلا يالقنوات= فعل القناه الرايده غير مسبوق
قامت لاجل ترفع للاشعار رايات=ماقصدها تاخذ على الطاق مطبوق
ومسابقة سلطان هي اكبر اثبات=تبي تعزز قيمة الشعر فالسوق
وغير انها لشعر مبدى انتصارات=فيها الولا ينساق مع كل طاروق
من شاشة المرقاب روح المولاة=اشارةً تنبث للارض من فوق
امن القمر حتى تجي فالمحلات=توْصْل مشاعر للوطن كل مخلوق
فالمملكه لاجل الوطن والقيادات=مشهد توحد صف مابينه افروق
والشكر موصولاً لها فالمحطات=هي القناه الي الها الشعر مسيوق
ومني لادارتها جزيل التحيات=والشكر والتقدير ما مال زملوق
ولطاقم المعني بالاشعار بذات=تحيةٍ معها اطيب المسك مرفوق





43





ياهاجسي لجل الوطن عبر تـرى منـت مّعـذور= إن طعـت ولاللوطـن عـلاك تنفـيـذ الأمــر
دارٍ حباهـا الله بخيراتـه وبالـديـن معـمو ر=وانا غلاهـا غامـرٍ روحـي ووجدانـي غمـر
إلهـا وفايـه والـولا ينسـاق لـولاة الأمـور= حكامنـا عـن حبهـم وشلـون اعبّـر بالشعـر
لو الشعر من حبّهم ماصـار فـي مـده قصـور = يبـا يصيـر العجـز فاـوراق الطباعـه والحبـر
امّهمةٍ يالجنـة التحكيـم صعبـه فـي سطـور= اقدر أصور ماحوى فكـري ومـا شـال الصـدر
تدرون ويش إلي فقط في مّخيلـة ذهنـي يـدور= مآبه مواطن ماجعل صـدره لبـو متعـب مقـر
وتدرون ويش أسباب همًّ ساكن وسـط الصـدور= غيبة ولـي العهـد والشعـب السعـودي ينتظـر
لحظة قدومه سيـدي سلطـان مدعـاة السـرور = متى من الموجز علـى الأسمـاع ينـذاع الخبـر
وتشوفه الأعين وكل الشعب يهتـف لـه طهـور= أن اشهد إنْهـا فرحـةٍ مامثلهـا طـول العمـر
لحظة وصوله سيـدي نـورٍ يزيـد الـدار نـور= ابو الجميع إلـي كمـا وبـل الخيـال المنهمـر
كفه على شعبه يهل الخيـر فـي شتـى الأمـور= بأعمـال خيـرٍ يرتجـي عنهـا مـن الله الأجـر
مالـه شعـار إلا تجـاره عنـد ربـي ماتبـور= وسّمـه ليامنـي بغيـت ادعيـه قتـال الفـقـر
والأرمـلـه بعنايـتـه واقــام لليتـمـان دوُر= هـذي شواهـد بينـه ذكرتـهـا بالمختـصـر
من شاعرٍ ماقد سبـق لـه فالقنـوات الظّهـور = واسعد خبر لاقالـو المرقـاب ملـزوم اتحضـر
ون ما حصل كل الشكر يوم اعكسوا صدق الشّعور= مـن خاطـري لملوكنـا هـذا يكفينـي فـخر





44





عقب اتصل قعدان مالي مقاعيد=ملزومٍ اعناله مثل ماعنالي
شرواه اله توجيب لوهو من بعيد=وشلون لصار ابن عميً موالي
سلم الوفا محفوظ بين الاواليد=ماظيعوه مكرمين السبالي
ولانته يابوشباب محتاج تمجيد=من روس قوماً يدركون المنالي
من عزوة الوهاب نعم الصناديد=ملفا الرجال ونعم هاك الرجال
ماقلتها وليه وراها مقاصيد=وانا من ارجالاً تروم المعالي
كسابة الامداح عوق الاضاديد=روسان واختم بالسلام المقالي






45




في سلامة الامير محمد بن نايف




الحمد لله والشكر يالاميري=من جا يشيل الطعم طعمه غدابه
انته سلمت وهو لاقا المصيري=الشر يلحق سوه اللي نوابه
ولانك نويت الخير حصلت خيري=يامير كلن يدعي بطلابه
انه يحط الشر قدم الشريري=ويعز من نهج الشريعه مشى به
حنى بنعمه ماتغر البصيري=الامن ماله في بلدنا مشابه
وابوك وخوانه صغير وكبيري=عبدالله وسلطان سبع الذيابه
في ظلهم ننعم بخيرٍ كثيري=والنايب الثاني عدو الحرابه
كالشر من فوق الفتن مستطري=حتيش لو الدين لبست ثيابه
شرذمةٍ تخدع بمكر الغريري=يذبح اخوانه والابو والقرابه
الله يجنبنا الفتن يالاميري=ولرشد يهدي كل فاقد صوابه
هذاه موجز مايكنه ضميري=على الورق يحكيه حرف الكتابه






46





صوت وصدى بين الشاعر فهيد الرويس والشاعر نادر بن دريميح السليس




صوت فهيد الرويس



ماعاد فالدعوى يانادر اعلومي=لابد مايوخذ احساب المصافيط
ولال التشره حسب ظني لزومي=هذاه رايي وانت ابكلش محيط
ماصار ماهبط بتوع العزومي =لوهو زمان معفط القيل تعفيط
النحت يبقى والرسم مايدومي=واهل المعرفه ماتمشي الخرابيط
لوشجعوها مفختين الايمومي=وعلى الوكور تحط حتى الشبابيط
والك التحيه ياحفيد القرومي=واحكم على كل العلوم المرابيط



صدى / نادر السليس


يامرحبا عداد وبل الغيومي=واقلط على حمر الزلول المباسيط
مع كيف بن وفالصياني شحومي= في مجلسٍ فيه النشاما مقاليط
في راس عيطا عن لهيب السمومي=ومبداك في روس الطوال النعاطيط
هذا وانا وقت الزومي بلزومي=اسرج ظهورالخيل واضمر العيط
واجلس لهن تسعين مره واقومي=الشرد الي يتعبن الواقيط
فهيد فزع كل قبا قحومي=ويقطف زهر وايغوص في غبة محيط
تنشر علاه البيض في كل يومي=والسود تنشر فوق روس الجحاليط
والي على المشراف دجاج رومي=لوزينو ريشه بكثر السلافيط
وبيت الردا لوزخرفه مهدومي=ولاخير في هاك الوجيه الزعاميط
وشرواك ياذخر الاحرار محشومي=لاشافته برق الحباري مخابيط








47






عندي سؤالٍ وين ابالقى له جواب=مافيه كيف وهل ولابه لما
إشارة مدلولها فصل الخطاب=لاصرت بين مكبلٍ ومكمما
ولاحظة في وجيه العرب نوع اغتراب=والزمك من هو فالحقيقه ملزما
هي حكمة الله وانتظر منه العقاب=ما أرضاه فعل الظلم ويل الظلما
في يوم عده بالف عامٍ فالحساب=جميع من خالف يبا يُسئل لما
وشلون مايُحسب لـ ( هالحظه) حساب=لا يازمان العولمه يكفي عما
ياجعل حرف الدال والله لذهاب=لاشاله الهابط رقابه للسما
ماشاله إلا لأجل يسعي فالخراب=كالسوس مايبقي سنونً فالجما
هل يازمان العولمه تحكي الكلاب=وشهي فصايل دمها بين الدما
يال العجب وشلون تلبسها الثياب=وتهدها تسرح وتمرح بالحما






إنتظروا المزيد من دواوين شعراء منتدى الهيلا


احترامي

عبدالرحمن الهيلوم 09-Nov-2009 04:44 PM

ابدااااااااااااااااع
صح السانك والسانه
دوم انت مبدع

فهيد مقعد الرويس 10-Nov-2009 08:40 AM

عاجز عن

الشكر ياخوي عمر

الله لايهينك

وصح بدنك يالهيلوم

تحيتي للجميع

منصورالزبيلي 10-Nov-2009 08:47 AM

بارك الله بك , شكراً أخي الكريم

مسعود بن جحيش الغبيوي 10-Nov-2009 08:07 PM

مشكور ياأخي عمر الدغيلبي على هاذا الموضوع الرائع
وصح لسانك ملايين ياشاعرنا المتميز دائما أخوي فهيد وتسلم
وشكرا لكم

فهيد مقعد الرويس 11-Nov-2009 11:36 AM

ابوعادل

يامرحبابك

وجودك من دواعي السرور لاهنت

وصح بدنك يالغالي

تقبل اطيب تحيه

فهيد مقعد الرويس 15-Nov-2009 11:12 PM

اضافه


قـد قلتلـك لكـن ماتسمـع القـول=انتـه مسـارك مايوافـق مسـاري
دامك على التمثيل والنمـك مجبـول=هـذي تبـي تلقالهـا عـم غـاري
تضحك على العراف ماهوب معقـول=اليـا نجحـت بغـش فالاختـبـاري
راع المعرفه تنكشف له على طـول=لصـار فاهـم فالكتـابـه وقــاري
وانكان تطمع تقنعـه فانـت مبـدول=والله ال تبطي في غداريـك سـاري
وتصبح كماالمعروف في حكم مجهول=وفي الشعر مثل الصفر على اليساري
وش هولـه اجاملـك بالله يابالهـول=اقولهـا والكـذب ماهـوب كـاري
ماطعتني يـوم ان بيدينـك احلـول=قـدام تبلـش وانـت بالعلـم داري
كشفت ملعوبـك ولا اخبرتبـه زول=قلت انتبه قبـل الهبـوط اضطـراري
الي على راس الهرم جيب محمـول=يبي يدحـدر مـن علـوه اجبـاري
وعن ماحصل ماغيرك انسان مسول=لاعـاد تدوخنـي بكثـر الهـذاري
اكلك على اللي طبلولك من الضـول=والزم مسـارك لاتعـرض مسـاري

__________________________________________________ __________


يامرحبا مليون مع مليون مره يالامير=ترحيبةً مضمونها قدر وفا نبديبها
ان اشهد جيتك فالحله لها قدراً كبير=انته حفيد الي عسى الجنه عطوره طيبها
واسعود ابوك مرويً دون الوطن حد الشطير=شارك مع الفذ المحنك سهلها وصعيبها
عساه في جنات عدنً لاسموم ولاسعير=والله يدوم امن البلاد ويحفظ الله ذيبها
خادم بيوت الله ال شعبه ساعيٍ في كل خير=ومفاخره ماتنتعد لو نبا نحكيبها
وولي عهده محزمه عون اليتاما والفقير=الله يرده دعوةٍ كل الوطن يدعيبها
انتم هل العوجا بعد ربي ملاذ المستجير=العزوه الي ماجهلها كل من يوحيبها
ويامرحبابك يانهار بن سعود من الضمير=تحية من هاجسً طربان واغنيبها

________________________________________
الياايدتك النفس والعقل خطاك=امر على خطوتك تخلف مسارك
ولاتراك ان استمرتبك اخطاك=اخر محطه في طريقك دمارك
ياالادمي ياقرب والله معشاك=قدمك ذلولك بركت في انتظارك
ياعجل والله ما توديك مرساك= وهناك طبعاً دبرتك عند غارك
بالعدل تجزا حسب ماسوت ايداك=لا فل دفتر ظبط شرك وخارك
وشهدت على ماقمتبه ساير اعضاك=وحسب شهادتهن يوثق قرارك
كانك من اهل الخير سلّم بيمناك= وكانك من اهل الشر يعطى يسارك
ولابه مقارن بين ذولا وذولاك=يارب اجر عبدً ضعيف استجارك
مذنب ولاله يالولي غير رحماك=بالعفو نجه من لواهيب نارك

الودار 511 15-Nov-2009 11:49 PM

في الحقيقة قصائد يطرب لها البال

مشكور اخوي عمر على هالمجهود الرائع

فهيد مقعد الرويس 30-Dec-2009 06:05 AM

ا1ضافه الي الديوان
اليكم بعد السلام عليكم هذه الا بيات عسى ان تجد شي من الاستحسان
حقك اليا سيرت مهوب فنجال=حقك يقلط في كبارالصياني
لكن حسب رغبتك ياطيب الفال=الساعه البركه مجيك مكاني
حييت يابن عون ياذرب الافعال=حييت ياغازي عريب المجاني
بالمرجله والشعر الك منزلٍ عال=ماحدٍ جهلبك ياسهيل الايماني
بين الرموز اسمك لمع قدر واجلال=يرضابه الياقلت قاصي وداني
وسط الجزيره فالشعر مضرب امثال=قبل الشعر عندي يجيله كياني
واليوم بعد اني فتحتله الاقفال=سقت المثل على خبير المعاني
مثلك ياغازي فالشعر منهل اجيال=ولهل الاصاله دعمك اكبر ضماني
والك التحيه عد ماهل همال=مع كثرها شكري وزود امتناني
وحقك الياسيرت مهوب فنجال= حقك يقلط في كبار الصياني

ولدعساف 30-Dec-2009 06:55 AM

صح لسانك يالرويس عالقصائد وبانتظار جديدك.


الساعة الآن »11:00 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd