|
::: الشاعر سلمان العطاوي في ضيافة شيوخ العصمه :::
تحيه عطره
وأسعد الله جميع اوقاتكم بكل خير اقام شيوخ قبيلة العصمة العقايلة مساء أمس الجمعة 2/11/1432هـ مأدبة عشاء تكريماً للشاعر/ سلمان العطاوي، الذي قام سابقاً بكتابة قصيدة مدح في قبيلة العصمة عامة وفي شيوخ قبيلة العصمة العقايلة خاصة وقد تحدث الشاعر عن سبب كتابة هذه القصيدة، أنه كان في مجلس من مجالس قبيلة قحطان العزيزة وأخذ كبار السن يتحدثون عن قصة مقتل الفارس المشهور/ ذيب بن شالح بن هدلان القحطاني على يد احد افراد قبيلة العصمة، وأن قبيلة العصمه هم من قام بقتله وقام احد كبار السن من شيبان قبيلة قحطان وأخذ يتحدث كثيراً ومطولاً عن شيوخ القبيلة العقايلة، حيث يقول الشاعر/ سلمان العطاوي (أن هذا الشايب ماله الا سيرة العقايلة وتاريخهم) وقد جادت قريحة الشاعر بهذه القصيدة التي تدل على الحمياء والعز والفخر المُتأصل في نفس شاعرنا وهذا ليس بغريب على اي فرد من أفراد قبيلة عتيبه كاااااافه ، حيث أن الذكر الطيب لاقصى عتيبي يشمل العتبان كلهم وقد قام الشاعر بإلقاء القصيدة أمام الجميع حيث يقول الشاعر: زار الفكر من هاجس الشعر زوار ...................................... يشد فكري و الفكر ينتحيله وقف بي الهاجس على باب الأشعار ...................................... وغنيت من باب الفخر بالقبيله لا جابوا الأجناب لعتيبه أذكار ...................................... أعتز وأفخر والمدايح جليله سلام ياقطم المحازم هل الكار ...................................... وأهل الفعول الطيبه والنبيله وسلام ياللي فعلكم هز الأقطار ...................................... ياخوان شيخه كاسبين الجميله عقايله وإن شيف عج الرمك ثار ...................................... يروون حد المرهفات الصقيله عقايله وإن قيل ستر البني طار ...................................... هم سترهن في كل يوم ٍ وليله عقايله وإن صار فالوقت ماصار ...................................... وقفاتهم تعدل بها كل ميله عقايله والمشيخه دربها سار ...................................... ثلاث مية عام جيل ٍ بجيله حطوا لهم في صفحة المجد تذكار ...................................... لليوم شجرة مشيختهم ظليله لضيا لها بصدور الأبطال معبار ...................................... من كف راعيها مزبن دخيله وين الشريف اللي دنت منه الأقدار ...................................... من ضربة سليمان حصّل حصيله وعبدالله ومطلق من خيار الأخيار ...................................... وطلمس بدا بالطيب راس الطويله وفرز الوغى شجعان وإن شبت النار ...................................... دايم عدوه فوق حام المليله وناصر طويل الباع وبعيد الأنظار ...................................... روس الطغاه العاتيه تنحنيله قاد السبايا مكرم الضيف والجار ...................................... أبوثمان أعوام وأشفى غليله ماعدد الراوي بساطير الأخبار ...................................... ولا روى للناس قصة مثيله ذكرت منهم من حضرلي بالأفكار ...................................... والمشيخه ورث السليل لسليله واليوم وارثها عن أجداده ذعار ...................................... يستاهل التمجيد راع الفضيله شيخ ٍ على ربعه مثل حصن الاسوار ...................................... عن ربعته شال الحمول الثقيله راع الجناب الدمث دواس الأخطار ...................................... ابو هلا راع اليمين الجزيله في ذمتي مايوصف إلا بسنجار ...................................... والإ الجدي لا تاه فكر الدليله وإخوانه أهل الطيب وافين الأشبار ...................................... عونه على جور السنين المهيله ياجعلهم ذخره طويلين الأعمار ...................................... ذخر الشيوخ أهل السيوف الصقيله تستاهلون المدح يانسل الأحرار ...................................... والنعم في حق النشاما قليله هيضني الموقف على بدع الأشعار ...................................... وغنيت من باب الفخر بالقبيله احترامي للجميع |
ونعم بالعقايله شيوخ وفريس
لاكان اللي ذبح ذيب بن شالح بن هدلان عاضه بن بقشان المقاطي وهذا الشي معروف عند عتيبه كافه |
اقتباس:
ما عليك زود يالغالي وونعم في عاضه بن بقشان المقاطي لكن هذا ما يقوله القحاطين ويقولون العرب ليا كذبت سند وعلى فكره وانا اخوك والله ما سمعت ان قاتل ذيب عاضه الا في النت وعلى كل حال رحم الله الجميع |
ونعم بقطمان المحازم مركى عتيبه يوم طاعن و مطعون والشيوخ العقايلة يستاهلون المدح وهذا فعل طلمس واجداده رحمة الله عليهم أجمعين صطروا تاريخ مشرف لقبيلة عتيبة الهيلا
صح الله لسان الشاعر ولاهنت عالنقل يامحتميها تقبل مروري |
...
ونعم بالعصمه وصح لسانه الشاعر سلمان العطاوي ،،، |
والله ونعم بالعقايله خاصة والعصمه عامه
وصح لسان العطاوي مدح من يستحقون المدح والثناء الاد عاصم |
اقتباس:
ما عليك زود يابن العم وردك هذا دليل على الحمياء والطيب اللي وارثه من شيبانك ويمشي بعروقك صح بدنك يالقرررم ولا هنت احترامي لك |
والله ونعم بربعنا اول وتالي , وعتيبه كافه ولاتهون باقي القبايل
صح لسان العطاوي ولاهنت على النقل .. .. |
اقتباس:
ما عليك زود يالغالي وحياك الله شاكر لك مرورك ومشاركتك |
وسلام ياللي فعلكم هز الأقطار
...................................... ياخوان شيخه كاسبين الجميله عقايله وإن شيف عج الرمك ثار ...................................... يروون حد المرهفات الصقيله عقايله وإن قيل ستر البني طار ...................................... هم سترهن في كل يوم ٍ وليله عقايله وإن صار فالوقت ماصار ...................................... وقفاتهم تعدل بها كل ميله عقايله والمشيخه دربها سار ...................................... ثلاث مية عام جيل ٍ بجيله حطوا لهم في صفحة المجد تذكار ...................................... لليوم شجرة مشيختهم ظليله صح لسان الشاعر /سلمان العطاوي والشيوخ العقايله يستأهلون ومن قال كلمة الحق بيض الله وجهه شكرا كاتب الموضوع |
| الساعة الآن »01:18 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd