| العويصاني |
03-Jan-2009 09:23 PM |
قصيدة للشاعر/سهل بندر العتيبي---في فلسطين
يالعين لونك من الحزن تبكين=وش في يد الرجال لو شق ثوبه
والمشكله يالعين من ماتشوفين=شعبً يقتل بس وشهي ذنوبه
اطفال رضع مع شيوخ مسنين=مناظرن تنشاف فيها العجوبه
صهيون يقتل ويحدا القوانين=وحنا امه في كل حال مغلوبه
والله لو تعدادنا اكثر من الصين=إنا غثا سيلً تشيله هبوبه
الله يفرج كربتك يافلسطين=وينزل على عدوان شعبك عقوبه
يالقدس لونك من الحزن تشكين=والله ماجابو خبرك العروبه
حنا بجمع المال يالقدس لاهين=وعدونا يبطش بنا كل نوبه
وين الرجال الطيبين الميامين=اللي تدوس الموت ماحسبوبه
متى يجي يوم مثل يوم حطين=يعزنا الله بعد نصرًحكوبه
ولا مثل وقعت ثلاثه وسبعين=كل العرب بجيوشهم شاركوبه
الموت واحد يالرجال العزيزين=وترى الشهاده للجميع محبوبه
|
