| معجب العتيبي |
13-Apr-2009 10:10 PM |
ابن سرحان الثبيتي
عد مبدا الثريا والقمر !! مرحبا بالحضور اهل الوفا=والعطاوي نقله مرحبا !! عد مبدا الثريـا والقمـر
المعاني لها بطن وظهر !! والسوالف لها وجه وقفا=والذكاء لو يخالطه الغبا !! فالمعاني لها بطن وظهر
معجب العتيبي
عد ماهل همال المطـر !! البقـا يالمغنـي فالشفـا=مارعطني علومك وش تبا !! عد ماهل همال المطـر
كان عندك خبر !! عندي خبر واضحه فالبيان وفالخفا=لانرابي ولا نبغا الربا !! كان عندك خبر عندي خبر
ابن سرحان الثبيتي
انت نايب قبيله معتبر !! ثم جالك عضيـد مكلفـا=ليه صدوه ماقالوا جبا !! وانت نايب قبيله معتبـر
انته اتغيب عنا وتحضر !! ماسمعناك قلتلهم كفـا=يوم انا فالبدل حظي ربا !! وانته تغيب عنا وتحظر
معجب العتيبي
يازمان العجايب والعبر !! لو يبين المغطا قلت افـا=في زمنّا وفي وقت الصبا !! يازمان العجايب والعبر
مالحظنا خطا والا خطر !! فالمقابل ولا جـا فالقفـا=احذر احذر تثور فالخبا !! مالحظنا خطا والا خطـر
ابن سرحان الثبيتي
يالعطاوي على شط البحر !! انت غايب ولو قالوا لفا=غبت عنا وغيبك الوبا!! يالعطاوي ترى المعنى بحر
انتم اثنين والثالث حضر !! مير له بينكم راعي جفا=عانهم مثل حنان الدبا !! وانتم اثنين والثالث حضر
معجب العتيبي
الضباب ان طغا غطا السفر !! والمسافر يبا جوٍ صفا=يامذيع النبا هات النبا !! والضباب ان طغا غطا السفر
من بدا في لزومه ماقصر !! لو تطول المسافه ماغفا=كل ظالم نقول اله تهبا !! من بدا في لزومه ماقصـر
ابن سرحان الثبيتي
كان تدعيله بطول العمر !! بيت ابو زيد من صم الصفا!! = والجمل لو برك ولا حبا !! كان تدعيله بطول العمر
نفجع الناس ونخض البشر !! لو نقول ان ابو زيد انكفا = مار موته خطير ولا نبا !! نفجع الناس ونخض البشر
معجب العتيبي
كان حاكم بقا معنا شهر !! مانقول ان له نور وطفا=البلا كان لقّا المنكبا !! كان حاكم بقا معنا شهر
ماتدوم السعاده والضفر !! حكمه وكل شيٍ يعرفا=والزمن يابن سرحان اشهبا !! ماتدوم السعاده والضفر
ابن سرحان الثبيتي
ليه وانا نصحتك من عصر !! لجل ماكون معكم منصفا = لا تخلط الحليب مع اللبا !! ليه وانا نصحتك من عصر
جاك وجهين فالدرب العسر !! وجه بادي لك او وجه اختفا = وانت عينك على راع النبا !! جاك وجهين فالدرب العسر
معجب العتيبي
يانصيحة بعيدين النضر !! صاحبك يانصيحه ماهفا=كلها ياعتيبي تشربا !! يانصيحة بعيدين النضر
قلتلك واضحه طاب السهر !! قلت شاعر وحسي مرهفا=صار دربك طويل متعبا !! قلتلك واضحه طاب السهر
|
