يرمي المشلح ولايبغى القرابه..!
 

مالقينا فالدير فارس قبيله
يشعم النيران ويسوي حرابه

وانشغل فاضل بقلبه مع فضيله
يرمي المشلح ولا يبغى القرابه

العصيمي معتزل وانته بديله
ياسلام الله عليكم ياشبابه
ودنا نسمع سوالفك الجميله
ياعتيبي جاك من نسل الصحابه

العصيمي ماعتزل يصهل صهيله
يلطم العدوان ويثير المهابه

والسوالف والضحك وأكل البليله
قسمكم وحنا لنا السيف ونصابه

ههههههه
حلوه البليله صحت لالسن يحفظكم ربي؟؟

انتهى الموتر وروح مع مديله
كل واحد قام يشعب في ركابه
شفت صامل قام يمخض في صميله
ياعساه فوقنا تمطر سحابه

كل بني مالك تعوّد في بجيله
وانت لا منهم ولا حتى عتابه

أنت مثل الشايب اللي له كهيله
دوب يسحب رجله وينفض ثيابه

قالها واحد من اصحاب الفضيله
نحمد الله مانشارك مع عصابه
من يطب السيل لابده يشيله
صامل اشوفه مسوي له طلابه