صغيرهم مادنق الراس تدنيق**ختم العتيبي صح ماهو تجاري
 

يشرفني الانضمام اليكم والتسجيل ومشاركه اخواني اعضاء منتدى عتيبه الهيلا واحببت ان اهديكم هذه المتواضعه في حقكم والا قدركم اكبر فان راقت لذائقتكم فهذا جل مااتمناه وان لم ترق فابشروا بالعوض
================================================== ======
للبيت شاعر والشعر له طورايق
وللحرف كاتب والقلم له قواري
وللبنت عاشق والكرم له عواشيق
والطيب يلقاله من الناس شاري
وناعشقت اهل الكرم والمواثيق
اللي على صيد الضواري ضواري
انا اشهد انه ماعليهم ملاحيق
بيضان الايدي واصلين المحاري
احبهم حب(ن) لزى بالمعاليق
وحب(ن)لغير اهله من الصدق عاري
ومن حقي افخر بالرجال المطاليق
وبعتيبه الهيلا يزيد افتخاري
في برق(أ)ولاروق من غير تفريق
اللي لهم عند المناعير طاري
ذباحه الحايل بوقت(ن)به الضيق
لطامه العايل اذا الدم جاري
ولحد(ن)يشبهم بضلعان وطويق
ذولا مقابيس الوغى بالصحاري
سميتهم شمس العرب بالمغاسيق
والشمس تحرق مكثرين الهذاري
على العدا سم (ن)على فكه الريق
وخويهم ماجاه بالوقت باري
رجالهم يحل صعب المواسيق
وحريمهم مادوجن بالعصاري
وصغيرهم مادنق الراس تدنيق
ختم العتيبي صح ماهو تجاري
وشعر(ن)قصر دون الرجال المطاليق
ماهو شعر لو لبسوه الخزاري



شعر:سعود الجبوري العنزي

صح لساااااااااااااانك ياسعود
ولاعلاكم زود
والله سبعين نعم ياعنزه
تقبل مروري

صح لسانك يا سعود


وبيض الله وجهك وسبعين نعم فيك وفي ربعك يالقرم

صح لسانك

ونعم فيك وفي ربعك الاد وايل

ونعم والله يالعنزي يابن وايل حقك بياض الوجه

وصح السانك ولا عليكم زود ياعنزه


قصيده جزله

صح بدنك اخوي عايض وشرفتني بمرورك وماعليك زود

صح بدنك اخوي مرزوق وماعليكم زود وشرفتني بمرورك وردك

صح بدنك ياخوي حمد وماعليك زود وشرفتني بمرورك وردك