ليامن هاجوسي طغى وأشغل البال =وعلى جزيلات المعاني حداني
اخترت من روس الرياجيل رجال=ونصيته بيوت القصيد وكفاني
هذاك ابن مسلط بلاشك وجدال =ماخترت عن ذخر الأجاويد ثاني
بيته مضيف وللمشاكيل مدهال =هداج مفتوح لمن جاه عاني
بيت(ن) حجى للي حداه اشهب اللال=فيه السمو وفيه كل المعاني
بيت الشجيع معرب العم والخال =لاهو برعديد (ن) ولاهو باناني
ولاهو هذاك اللي على مثل ماقال =ولد الكديش اللي شباها الحصاني
اللي يقول اذعار حفاظة المال =قطاعة الساقة فحول الغواني
يكرم جنـاب الشيخ ماحوله اشكال =يكرم جنابه عن فلان الفلاني
للرأي فتال(ن) وللعقد حلال =على المسيرة جود البني باني
من ربعة تعرف صناديد (ن) ابطال =سواقة العطفة بذاك الزماني
بيوم (ن) مهيل ومن نظر فيه يهتال =يهول اللي مانطق باللساني
يشيب رأس اللي نظر فيه بالحال =رأس الطفل قدام راع الحصاني
ماحد(ن) جهل تاريخ ذربين الأفعال =كل هرجبه بالخفاء والبياني
ويوم(ن) ابن ماعز تمثل بالامثال =طلال صور وقعته فلمكاني
ومعتق تناقل وقعته كل الأجيال =فعل(ن) عليه شهود قاصي وداني
على العداء والمعتدي سم سلال=وعلى القبيلة يبذلون الحساني
ماهي بمارة سكبة وبشت وعقال=ولاجت بحب اخشوم والألماني
الابسيف(ن) يودع الدم وشال =وحذف الجماجم لالغاء القوم شاني
كم دار قوم(ن) لللرباعين مدهال=مادوروا للحلف والأ العواني
سواقة المغتر على كل الأحوال =بيت(ن) قديم وجاء هذا البيت ثاني
ومن حاول يعدد مواقيف الأبطال=ينضب يراعه ماقضى منه شاني
الشعر في مدح الرباعين يختال=وفي مدح بعض الناس ياكم يعاني
ويالشيخ ابن مسلط مباغيرك ابدال = في لازمي خابرك مانت متواني
امر(ن) على شرواك ياطيب الفال =اسهل من أخذك للقلم بالبناني