الهيـــــــــــــلا *** منتدى قبيلة عتيبة - ياسيدي لشاعر خالد العرم الشيباني

هاذي القصيده عندما وصف احد الدكاتره الرسول صلى الله عليه وسلم
في بداية دعوته بالفشل

ياسيدي ياضياء الاسلام ياعنبره
ياخاتم الانبياء من يتهمك بالفشل
ياقايدي يامنار العلم يامنبره
ياداعي الحق غيرك ماندور بدل
الفاشل اللي حمل شهادة الدكتره
واصبح يشارك فطاحلة الجهل بالجهل
صرح بما يعتقد قلبه وحسب نظره
الكامل الله وهذا باعتقاده كمل
اغراه مايختبي في جعبته واظهره
واختار طيش الشباب ولا وقار الكهل
توقفوا يابني علمان يامسخره
سيرة نبي الهدى ماحوصرت بالجدل
في غفلة اهل العداله جالكم دندره
مسمومه افكاركم بافكار ذيك الملل
اقوالكم فاجره وافعالكم منكره
من قال بمسيلمه مايشبه ابا جهل
العاقل اللي سمع تصريحكم وانكره
والجاهل يقول لاناقة ولالي جمل
ياحماة الاسلام خير الخلق من ينصره
بعد تعرض له اهل الشعوذة والدجل
الدين مايقبل التهريج والغشمرة
مصيون بحماية الفرد الصمد من نزل
والعمر تاليه يدخل حوطة المقبره
ويعيش الانسان لحظات الرجاء والوجل
امامع الميمنه ولا مع الميسرة
ولا مع السابقين اهل التقى والعمل
من راح للقبر قاسه متره وشبره
حتى يزول الغرور ويعتريه الخجل
لو كل من شاف راعي مفسده يزجره
ماصار في مجتمعنا كل هذا الخلل
ومن يعترف بالخطاء لابد مانشكره
والناس مافيهم اللي مايشط ويزل
المعتدل نذكره والمنحرف نهجره
والمر يفسد على العسال طعم العسل

الشاعر خالد العرم الشيباني