الصدفه الي لفتبك يا اجمل سنيني=يا حلوها مير ما كنت اتصورها
جابتك عندي وحطت عينك بعيني=والشوق اشوفه يحاصرك ويحاصرها
العام تضحك معي واليوم تبكيني=وعلى الجفا نفسك من العام جابرها
لا تكتم البوح وعيونك تحاكيني=حواجز الصمت بوح العين يكسرها
ما تدري اني عشانك سقت رجليني=في طرقةٍ مااعرفها اولها من اخرها
يا مكثر هموم قلبي يا معنيني=الله لا يرحم جفاك ولا يكثرها
مشاعري من شقا حبك ملاييني=احترت ما بين مسلمها وكافرها
عطيتك الحب ولا ابيك تعطيني=وسلمتك الروح تنهاها وتامرها
والي ينسيك والله ما ينسيني=ان كنت تؤمن بها وان كنت تنكرها
تعال يمديك يا خلي ويمديني=ابا اجمع احلام عمري فيك وانثرها
وانت اجمع احلام عمرك كلها فيني=واتركني اعزها لجلك واقدرها
السالفه ما رجحت منها الموازيني=اصّغر السالفه وانته تكبرها
الضيق منها يواسيك ويواسيني=والنفس ما عاد ينفعها تصبرها
تعال جدد عهودك واقضب يديني=واسمع بيوتن لجل لاماك اصخرها
ماني مخليك وانته لا تخليني=وبقولك كلمه اسمعها وكررها
ان قام حظي تكمل دينك وديني=على العهود القديمه وانت خابرها
وان طاح حظي يا مقرون الحجاجيني=وطى على غارب احلامي وصابرها

المشاركة الأصلية كتبت بواسطة محمد@الجعيد (المشاركة 1319520) صح لساااااانك يابن هادي على هذه القصيده الرائعه ويعلم الله اني اقراها وانا اغنيها من جمالها لكن وانا اخوك ملاحظه على شطر منها في طرقةٍ مااعرفها اولها من اخرها واعتقد انه خطى املائي(في طرقتن ماعرف اولها من اخرها) في انتظار جديدك..

المشاركة الأصلية كتبت بواسطة فهد العازمي العتيبي (المشاركة 1319533) ،، صح لسانك يا ابن بشير ولاهنت .

المشاركة الأصلية كتبت بواسطة حمدان العضياني (المشاركة 1319556) مصافحة السعديابن بشير صح لسانك مليار وننتظر جديدك ياعملاق