سلام ياهل الكويت اللي حكمها الصباح = وارسا على الطيب مبداها وقانونها
من عادتي مارد الا فوق عدٍ قراح = وادور الغاليه واسوق عربونها

يامرحبا في محل معطرين الرماح = وقفاتهم كل خلقه الله يعرفونها
من عادتي موقفي يشفي ويدمي جراح = واتعب على الطيبه واقول ياهونها

ياعازمي ياسعودي فى اول الافتتاح = يقلون مال الامانه غير مامونها
وانا حسابي مع اهل الخيل واهل السلاح = لا يعترض راعي الباكور من دونها

ياسعيد بكره ليا هبت هبوب الرياح = تبقى البضايع مكدستن بكرتونها
لوكم خوال النبي مافيه عندي سماح = اقرا على الناس صاحيها ومجنونها

حنا خوال النبي حنا الزعاف الذحاح = حنا حكمنا بيوت الشعر والحونها

من فوق راسك يحوم الطير طلق الجناح = وبضاعتك يالعتيبي دور ازبونها

باسم حكام نجد وشعبها الوافين = ياسلامي سلام اسلام نبدابه
اجتمعنا على مبدا وعلمن زين = عند شيخن ذرا منهو تذرابه

عند شيخٍ يرحب كل ساع وحين = مرحبا والكرم في حلة اصحابه
انته منين جاي وين رايح وين = كل رجال لازم يحسب احسابه

والبقا شد حيلك والدروب اثنين = والوعر قدم عينك ذيبه ودابه
منت قادر تزيح طويق بالبكلين = الجبل خاب ظن اللي تهقوابه

دربنا درب حراس الوطن والدين = والجبل ما ذكرنا عوية اذيابه
السوالف كثيره والصحيح يبين = لكن الموت ما تدري عن اسبابه

فالشفا معك برشومي وتوت وتين = كل ما شفت لك سايح تلوابه
انتبه لاينوشك راس ابو حدين = اترك السيف الاحدب يسكن اجرابه

كن عمرك مع اهل المعرفه يومين = وابك انا من عتيبه ربعي اعتابه
مير انا بنشدك ياراعي الاسمين = منهو اللي ليا طالت تعزاوبه

المشاركة الأصلية كتبت بواسطة الجوراسي (المشاركة 851165) جرت بين هذين الشاعرين اجمل طواريق المرحلة الاولى.... ولكن الفريق الثاني ( الخماش والمنصوي الاماراتي ) فكانت محاورتهم سيئة للغاية وقد كان واضح من المرحلة التمهيدية أن المنصوري لا يملك ادنى مقومات شعر المحاورة ولكن اللجنة سبحان الله لا يرفضون احد وقد يكون السبب قلة المتقدمين للمسابقة... عموما بالتوفيق للشهيب وشكرا لك

المشاركة الأصلية كتبت بواسطة عبدالمجيد النفيعي (المشاركة 851202) من عادتي مارد الا فوق عـدٍ قـراح وادور الغاليـه واسـوق عربونهـا شاعر جزل سعيد مايحتاج ومشرف للقبيله بيّض الله وجهه

المشاركة الأصلية كتبت بواسطة .. خالد الثبيتي .. (المشاركة 851238) شاعر جزل ومبدع ونتمنى له التوفيق بمسيرته

المشاركة الأصلية كتبت بواسطة محمد العتيبي (المشاركة 851339) الشاعر / سعيد الشهيب مبدع مبدع وجزل نتمنى له التوفيق دائما .. ولاهنت على التغطيه ...