رف من رفوف مكتبة ابن فطيس الفذّ ..!!!
 

مجهووود تشكر عليه يا الدجيماء


و هذا الشاعر احدى حسنات برنامج المليون


شاعر يستحق المتابعه و التمعن


له اسلوبه الرائع و الجميل


و من مدرسة السهل الممتنع


و يكفيه فخر انه من مدرسة سعد بن جدلان


لاهنت و مشكووور و ابيض وجه على الذائقه التي تدل على راعيها

الراي السديد ..

أول شئ : اشكرك على المرور المتحف .. والرااائع ..
ثاني شئ : على ماقلت ابن فطيس من حسنات شاعر المليون .. وشاعر مايختلف عليه اثنين ..

ثالث شئ : وجهك ابيض .. مرورك اضاف للموضوع اكثر ماتتصور .. لاهنت ..!!

حياكـ الله يابن طامي ..

مرورك رااائع كعادتك ..

لاهنت ..

حياك الله يالدجيماء والله لايهينك

اما بالنسبه لمحمد ابن افطيس لياذكر شارع المالون ... يذكر ابو فطيس شاعر اضاف للبرنامج الشي الكثير

اما ليا جينا لنقلك فأنت مميز ... تكفيك كلمة شكراا يالذيب ولا

حياك الله يالشبل ..

معك في كل ماتقوله ..

ويكفيني مرورك فقط .. ولوبدون ماترد ..

الله لايحرمنااكـ ..!!!

لاهنت يالدجيما

الله لايهينك يالحبردي ع المرور المتحف ..!!!

ماهـو بكفـو الوقـت حبـك يمحـيّـه
ياللي تخـاف صـروف الايـام تمحـاه

ارتـاح ..مـادام المواصـل يقـوّيـه
انت انت..وانـا انا..وقلبـي هـو ايـاه

حتـى ولـو بتغيـب ذكـراك تكفـيـه
ياواحـدٍ تكفـي عـن النـاس ذكـراه

حبـك علـى رملـة خفوقـي مواطيـه
ورياح عذلني عنك مـا تمسـح خطـاه

واللي يعذل القلـب عـن درب غاليـه
الله بمـا يـبـلا الموالـيـف يـبـلاه

اخفيـه يابالفيـت والـحـال يبـديـه
ادنـاة واحـد ينظـر الحـال يـقـراه

مخفيـه فيـه ومعتنـي ٍ بـه وحاميـه
من كـل عيـن ٍ ودهـا تنـزل حمـاه

قلب ٍ يحبـك والهـوى الـذرب ماليـه
كانـك مكذبنـي ؟؟ بعيـنـك تـحـلاه

شرط ٍ تشوفـك فيـه منـت بحواليـه
ويمكن تشوف ديـار واماكـن ارعـاه

وبتشوف بـه تمثـال والوقـت هاريـه
وبتشـوف زرع ٍ ميـت وواقـفٍ مـاه

وبتشوف جـرح ٍ فيـه سكيـن راعيـه
راح ونسـى السكيـن والجـرح ينخـاه

وبتشوف حصن ٍ عـج الاقـدار سافيـه
وبتشوف باقـي بيـت راعيـه خـلاه

لا تنزعـج هـذا خفـوقـي وباقـيـه
ولا تضايـق مـن تصـدع زوايــاه

قـد زلزلـه فرقـا وهـزت عراويـه
والله ستـر والحـظ عـانـه وعـافـاه

وكانه صلح لك واعجبـك زيـد تبنيـه
ابـنـه وجـهـز للمقابـيـل مبـنـاه

ابغيـك بـس مـن المفـارق تداريـه
وازهل من يـداري شعـورك ويـدراه

وحلـل وحـرم فيـه يابـرك بلاويـه
وحلّه وراع رضاي ورضـاك ورضـاه

جعلك بعد بعض الوجيه ... امحق وجيه
نـاس ٍ مراتعـهـا الرفـيـق بتقـفـاه

انـواع واخطـر نـوع مانـي بناسيـه
نـوع ٍ علـى تفريـق الاثنيـن مسعـاه

تلقـاه دوم وكــل يــوم ٍ تلاقـيـه
والى بغيتـه صـدق مـا عـاد تلقـاه

ولا انت ردك كل ما ادعيك.. (( لبيه))
انشهـد ان منتـوا بفيعيـنـي اشـبـاه

منت بمع العالم ولا تقـول لـي.. ليـه
انت ادرى منـي وش جوابـي وفحـواه

كذيـه... ومـن الله يـازيـن والـيـه
واغلا طـروش القلـب ودواه مـن داه

الحلـم ياتينـي بـزولـك واراعـيـه
وفـي كـل حلـم اقـوم قبـل اتحفـاه

اعشق سميك فـي البزاريـن وادعيـه
واقبـل خطـاه الـى اخطـا واتلـقـاه

واسمـك يروعنـي الـى مـر طاريـه
واحـب ملقـوف ٍ يسولـف وطــراه

وامـر بيتـك مـن بعيـد ٍ ولا اجيـه
وانـا لونـه فـي يـدي مـا اتـعـداه

حتى (توايـر) (موتـري) تلتفـت فيـه
تبغي تلـف ويستحـي العقـل والجـاه

وصلك يخيط الصـدر والبعـد يفريـه
ويابري حالـي كـان صديـت بريـاه

ويلي علـى ادري حبنـا ويـش تاليـه
وويلي على ادري وش ورى الغيب ويلاه

عشـان اشـوف اذا محبتـك ..ترفيـه
والله لا اقفي عنّك....... واستغفـر الله



الله الله يابن فطيس


الدجيما علومك جميله وموضوعك مميز لاهنت يابعدي وصح السانك والسان بن فطيس