| yassser |
17-Jul-2014 07:33 AM |
قصيده وملحمه وطنيه أهداء الي خادم الحرمين الشريفين كلمات فارس اباالعلا
1 مرفق
يا لله يا منزل كتابك ياغفار = نعمتك يا رب العباد أنحمدها
ونعوذ بك يا رب من كيد الاشرار=ومن شر حاسد نافثٍ في عقدها
يالمعطي الوهاب ياالنافع الضار= تحفظ بلادٍ حكم شرعك فردها
مستأمنين بظل عرشك ياقهار= ثم ظل من روس المعالي صعدها
ننعم بظل الهيلعي واف الأشبار=اللي قـفـل عنا الخطوب وصفدها
صميدع ٍ دون الوطن رد الاخطار= نعم المليك انشهد سعدها
فيه الزعامة ورث حكامٍ أحـرار= زعامةٍ بالعدل عمت بلدها
يا خادم البيتين يا دمنا الحار=ياسيد الراي الحصيف وسددها
تعقدبك الرايات والرأي لاحار= لا غابت أصحاب الرشدعن رشدها
تشهد كنانتها علي كل ما صار= بـالوقفة اللي سجلت لك وحــدهـا
تلجا لك العربان من كل الأمصار=عـن أمة الإسـلام تـجـلا نـكـدها
يا نصر الأمه يا أسدها يابتار= كم فتنتن قامت وفعلك خمدها
مـواقفٍ تـذكروتـنـشر بـالأخبار= مواقـفـــك كل العرب تنتشدها
لو ما الله الخلاق ثم أنت للجار= من يـنـتـشـلـهـا من براثـن حقدها
يطيب شعري لانظمته فالأخيار= ترثة هل العوجا كثير سجدها
من قبل الأجرب والمشوك ليا ثار= سطواتهم سقم الكبود ولهدها
اليا اقبلوا بأول هل الخيل معيار= وفاعقابها حامينـها في نجدها
حماية الساقات مفنين الأعمار= يـوم الجـزيـرة تشتكي من جهدها
تاريخهم نبراس في كل الانظار=في راس عيطا افعالهم معتمدها
سادو بفعل الشلف في قب الأمهار= لاثارت الهيجاء وكلن وردها
قولي مهوقول المزيف بالأشعار=تشهدجزيرتها ونجد شهدها
أفعـال أخو نورة تسطر بـالأنوار= أمعزي اللي فالمغازي هجدها
أسطورة التاريخ للخيل كرار= كم وقعتن يوم المعارك بجدها
هاذي رسومه بالجزيرة والأثار= وهاذي مضارب خيله اللي لكدها
تحكي بها الركبان وتهيجن أشعار= كل المفاخرمن يمينه حصدها
وحد جزيرتها بعد كانت أشطار= ثبت دعائمها وطهر جسدها
عمادها القرأن يتلي بالأسحار =ودستورها الشرع القويم و عمدها
يا أعذب الاشعار ياطير غيمار=اليا اصطفق بالجو ياطير زدها
حلق بها فوق الثريا والاقمار=في عزة امجادٍ قديمٍ تلدها
هي أجمل الاوطان في عيوننا أنهار=أرض ٍربتنا واحضنتنا بيدها
والله لا رد البراء وقت الأنذار=انا عمدها فالحروب وعتدها
هذا الوطن ماكرومربا للاحرار= دونه نبيع الروح با ول هددها
أبديت من أقصى المعاليق الأشعار= في حب دارٍ سعدمن هو ولدها
دارٍ لبوالقاسم شفيعٍ للأبرار = دار الحجيج اللي لبيته قصدها
دارٍ لها هيبة معزه ومقدار = دارٍ لبو متعب نعيم رغدها
في عزها نحيى ومن حبها انغار= عطبول نعشقها ونحمى عندها
نحمى علمها بالبوارج وبالنار = مال المعادي عندنا الا لحدها
عهدعلينا ماحيينا بالأعمار= فالسلم سلم ونضهد اللي ضهدها
مقدامنا ليث علي الند جبار= سلمان لا قــاد الجيوش وحشدها
ماخاب زيزوم العرب يومه اختار= ولي عهداٍ بالوزاره عضدها
فخرالوزاره وفالمهمات جسار=نجمٍ سطع با لمرجله من مهدها
ليث الوغى سقم العدا صعب الامرار=لاكبرت القاله بكفه همدها
النادر الحلحيل للجود مهمار= أمير نجد و ركن نجد وفهدها
تعيش ياراس الشجاعة بالأذكار=يادرعها و عمادها في وعدها
والنائب الثاني عديم وصبار=مقرن قرين الطائله في جلدها
فيه الشكاله وافي العلم والشار= كل المراجل سيدي اعتمدها
والداخلية مسنده فوق مغوار=مـحـمد ابن نايف مـثـبت وتــدها
أميرنا وأمن الوطن عنده أشعار=والأمـن نعمه والمواطن وجدها
وياخادم البيتين يانسل الاخيار=يامنتهى الصعبات رايك كمدها
اسمك وسام الفخر من والي الاقدار= شرفك ربي بخدمةٍ ما بعدها
تخضع لك الافعال أجلال واكبار=الراس قرمٍ والهقاوي وقدها
هاذي ثمان اسنين في خير وأعمار=براقها بالخير يسبق رعدها
غيثٍ علي البيتين غيثٍ علي الدار= مكه وطيبة شاهده في سوددها
ياباذل المعروف للبيت مدرار=يمنى الصخا تبت يدا من جحدها
بيت صدح فيه النبي سر وجهار=بالدعوة اللي كلنا نعتقدها
قبلة بيوت الله مقصد للمن زار=حجاجها من كل فج مددها
اجرك عظيم وخدمة الحاج لك كار=كل المكارم وافيٍ في عددها
والتوسعه شاهد علي كل مادار= يشهد بفعلك وافدٍ قد وفدها
جعلك تطوف البيت مع كل زوار= وجعلك ذخرياسيدي من قصدها
عسي الاله يمد في عمرك اعمار= ويدوم عزك ياسندنا وسندها
قلته وانا من راس هيلاً لها كار=لطامت العايل قديمٍ عهدها
نعهادك بالله ذرانا عن النار=انا حزامك فالجسام و كبدها
ولا انت ضلعٍ شامخٍ طود سنجار= سقمٍ علي العدوان وأمر وأدها
ياقمة الأمجاد تزهاك الأفخار= يافجر الأمه ذخرها يا أسدها
|
