مرثية فالشيخ /مشحن بن بيّن بن برقا العصيمي يرحمه الله ..
 

في تاريخ ٩/ ٦ /١٤٣٦هـ
توفي والدي الشيخ/مشحن بن بيّن بن برقا العصيمي يرحمه الله
وقيلت هذة الأبيات المتواضعة فيه

يالله ياللـي سجدنـا خوف من شانــه
ترحــم تقيــاً صــلاتـه مايخليـهـــا
اللي حفـظ دين ربـه واكمـل أركانــه
كـل الفرايـض لـرب البيـت يديهــا
عســى شفيعـــه كــلام الله وقراءنــه
يوم البشـر تنتظر في حكـم باريهـا
ابـطلـب الله جليــل المـلك سبحـانـــه
رحمتك تسبق عذابك وأنت معطيها
لعـل قبــره مــدى شوفــه وريضـانـــه
في جنـةٍ نورهـا من فـوق غاشيهــا
شيــخٍ يمـد الوفــاء بكفــوف مليانـــه
النــادره حبتـــه والعـــود راعيهــــا
كـل المراجــل معه فـي دم شريانــه
الـطيبــــه زاد ربعـــه مـايـربيهــــا
تلقى الشحم في طرف بيته لضيفانه
والناقصـه في حياتــه مايدانيهـــا
يشهـد له الله وفعلــه قبـل جيرانـــه
ضيفـــان بيتــه معشيهــا مغديهــا
بيت الكرم ثابتٍ بأسمــه وعنوانــــه
وبعض العرب من غلاها مايذكيها
فقدت رمز الوفاء ياصعب نسيانــه
لكن دبرت ولي العرش راضيهــا

صح لسانك يابو نواف


والله يرحم عمنا ويسكنه فسيح جناته

الله يرحمه رحمه واسعه ويسكنه فسيح جناته
ويرحم جميع أموات المسلمين ،،،
وصح لسان من قال هذه الأبيات الجميله ،