بديت باسمك ياعظيم الشان غفار الذنوب=يالواحد المعبود وهاب الستر والعافيه
انت الوحيد اللي تعلم الغيب في سر القلوب=ياعالم بسري وماتخفى عليك الخافيه
يارب انا طالبك لاسيرت شمسي للغروب=واجتمعت الاصحاب من حولي وعيني طافيه
عبدك وابن عبدك محمل بالمآسي والعيوب=ياعالم بعيبي وملبسني لبوس/ن ضافيه
اغفر لعبدك مايبي يصبر على النار الشبوب=لوكان ميزانه ويده يوم تعرض خاويه
ياربنا فزعتك لاضاقت بنا كل الدروب=وحشرتنا يوم المحاسب كلنا في زاويه
اغفرلنا وانت الغني عن من قضى عمره لعوب=لاهي ورا الدنيا يحسب افعالنا متساويه
اليا خذا الفايز شهاده وابتلينا بالرسوب=ياويل من يمسي بلا خلان وامه هاويه
وصكو عليه الباب وازدادت همومه والكروب=واضلم عليه القبر واعروقه يبوس وضاميه
من بعد ماضلا يدولج من شمال اليا جنوب=اليوم في قبره مسجا والملابس عاريه
يشيل في حمل/ن ثقيل/ن ماتخلصه الجيوب=مبطي وهو يجمع ذنوب الاوله والتاليه
واقفا عن الدنيا ومايحمل طعام ولاحبوب=الاتراب القبر وعظامه صريم وفانيه

المشاركة الأصلية كتبت بواسطة راشد النفيعي (المشاركة 1358889) لايلحقك شك ي بو طارق المعرف والقصيده باسمي سلطان العتيبي وهذا معرف شقيقي