يافز قلبي فزت الشاص بثنين
 

يافز قلبي فرت الشاص بثنين
فأرضن عزاز وسائقه ماحسبله

عطاه لين انه تعدا الثمانين
من يوم جيب الخفر وصل وقربله

حتى ابتعد وقفا بعيدن عن العين
مع ديرتن من يمت الشرق قبله

اركا عليه البنص ولد الميامين
في ساعتن مامرت إنسان قبله

لين ان شكمانه طلع له دخاخبن
وغباره غطا كل ضلاعين العبله

على الوعد والوقت بين الصلاتين
يبا الذي موعده في عزبت إبله

الشايب اللي من رجالن مسمين
سلايله ماعقبت ناس خبله

ضوه على الساقه تجيب البعدين
على سناها والذي قد ركبله




فرحان دربيل