سلام الله سلام(ن) ما يكلفني ليا غنيت = ليا قلت السلام ورحمت المولى وبركاته
نهضنا للصلاه ولا حسبنا فارق التوقيت= أحد صلى على وقته وأحد وقت السعد فاته

هلا يا مرحبا واقلط على سلم العرب حييت = وحنا نبتغي بالطيب وجه الله ومرضاته
على نهج النبي مافيه فرض(ن) فات ما صليت=ترى المسلم يناشد فالقيامه عن صلواته

يدوم إلك البقى يالفارس اللي ساع دوبك جيت= أخاف المجتمع ينفاه ويخرب علاقاته
سفر صلى معك ولا لحالك طفت حول البيت = ترى كل (ن) حرامه يلبسه لامر ميقاته

أنا ما جيت غير أقرا عليك و يظهر العفريت = بعدها شاعر جهينه يبطّل من حركاته
سفر شاعر عتيبه يوم شب النار بالكبريت= على كيفه يشب النار حتى يشوي شواته

ما دام إنك بحال الغرغره نطلب لك التثبيت = بن آدم فإحتضار يشوف حسناته وسياته
غلطت بحق روق وحق برقا عمد كيف أخطيت = زعيم الشرق الاوسط منت داري عن سياساته

هذا الشاعر محمد كل من شافه دعى لبخيت = يقول الله يرده من جديد ونسمع أبياته
ترى منته مكلف لجنه تسوي هنا تصويت = عتيبه كل واحد فاللزوم تبين وقفاته

نبا دعوتك تقبل مير لاخرصي ولا ظنيت = محمل دين والوجه الرضي تظهر علاماته
كلام الحق ما يرضي وساس البيت عند ثبيت = لكن كل(ن) يحث خطاه ويراجع ملفاته

سمعنا العيص من بعد الزلازل صار فيها زيت = دليله رادي أهل الديره تشوش محطاته

لكل شاعر مبدع بيت يثبت شاعريته في بداية مشواره الشعر يبقى مقترن باسمه وعليه وسمه

واكبر مثال بيت الشاعر حبيب العازمي


انا الشاعر وانا الماهر وانا السابح وانا الغطاس= وانا اللي لو تدرهم يالثبيتي ماتعداني

والان علي العضياني يرسم مسيرته الشعريه ببيته اللي يقول

أنا ما جيت غير أقرا عليك و يظهر العفريت=بعدها شاعر جهينـه يبطّـل مـن حركاتـه


بيت سوف يقترن باسمك يابو فلاِح ماحييت الله يوفقك



محاورة من الوزن الثقيل يروونها الشعار للشعار

ِِ